GSTV
Banaskantha ગુજરાત ટોપ સ્ટોરી

મેવાણી માટે વડગામની સીટ ખાલી કરી આપનારા મણીભાઈ વાઘેલાનું કોંગ્રેસમાંથી રાજીનામુ, કોંગ્રેસ પાર્ટી પર લગાવ્યા ગંભીર આક્ષેપ

આપ એ વાત તો બહું સારી રીતે જાણતા હશો કે, ગત વિધાનસભા ચૂંટણીમાં સૌથી વધું ચર્ચાસ્પદ રહેલી સીટ જો કોઈ હોય તો, તે છે વડગામની સીટ. આ સીટ પરથી અપક્ષ ઉમેદવાર જીગ્નેશ મેવાણીની શાનદાર જીત થઈ હતી. જિગ્નેશ મેવાણી એક દલિત ચહેરો છે. ત્યારે આવા સમયે દલિતોના પ્રતિનિધિ તરીકે જિગ્નેશે આ ચૂંટણીમાં સારી એવી ખ્યાતી પ્રાપ્ત કરી હતી.

સમય અને સંજોગો વિતતા હશે મેવાણીએ કોંગ્રેસને ટેકો જાહેર કરી પાર્ટીમાં જોડાયા છે. આપને જણાવી દઈએ કે, જિગ્નેશ મેવાણીનું આ વિસ્તારમાં સારી એવી છાપ છે, તેથી તેને બહોળો પ્રતિસાદ મળી શકે છે. જેનો ફાયદો કોંગ્રેસ પાર્ટીએ ઉઠાવ્યો છે. જો કે, નવા સવા કોંગ્રેસમાં આવેલા જિગ્નેશ માટે પરંપરાગત સીટ ખાલી કરવાની ઉદારતા ભાગ્યે જ કોઈ નેતામાં હોઈ શકે. અને આવું જ કંઈક વડગામની સીટમાં પણ બન્યું છે.

વડગામની સીટ પરથી લગભગ 35-40 વર્ષથી કોંગ્રેસના કાર્યકર રહેલા અને પક્ષને મજબૂત બનાવામાં મહત્વની ભૂમિકા ભજવાનારા મણીભાઈ જે વાઘેલાને પોતાની સાથે અન્યાય થતો હોવાનું અહેસાસ થતાં તેમણે કોંગ્રેસ પાર્ટીમાંથી રાજીનામું આપ્યું છે.

દિલ્હીમાં કોંગ્રેસના અધ્યક્ષ સોનિયા ગાંધીને પત્ર લખીને તેમણે આ રાજીનામું લખ્યું છે. જેમાં તેમણે પાર્ટી માટે કરેલા કાર્યો અને તેમણે આપેલા યોગદાનનો ઉલ્લેખ કર્યો છે. તેમણે એવો પણ દાવો કર્યો હતો, 2017ની ચૂંટણીમાં અમે પક્ષને આપેલું વચન પાળીને એક અપક્ષ ઉમેદવારને ટેકો જાહેર કરીને જીતાડવા માટે તનતોડ મહેનત કરી, દલિતોના પ્રશ્નોના વાચા આપવા માટે હું પણ સક્ષમ છું, ભડકાઉ ભાષણ આપીને દલિત નેતા તરીકે ઊભરી આવવાની ક્ષમતા મારામાં પણ છે. પણ પાર્ટીના સંસ્કારાએ મને આ કરતા રોક્યો છે. સમાજ સમાજ વચ્ચે વૈમનસ્ટ ફેલાવીને કહેવાતા દલિત નેતાઓને પ્રોત્સાહન આપીને પાર્ટીના જૂના પીઢ નેતાઓ સાથે અન્યાય થયો છે.

અંતે તેમણે રાજીનામામાં કોંગ્રેસના પૂર્વ અધ્યક્ષની અણઆવડતના કારણે આ બધા ઈશ્યૂ ઊભા થયા હોવાની પણ વાત કહીને કોંગ્રેસ પાર્ટીને અલવિદા કહી દીધી છે.

READ ALSO

Related posts

ગુજરાત ચૂંટણી / પ્રથમ તબક્કામાં 19 જિલ્લાની 89 બેઠકો પર થશે મતદાન,  788 ઉમેદવારો છે મેદાનમાં

Nakulsinh Gohil

વડોદરા / ગુજરાતની ચૂંટણીમાં US રાષ્ટ્રપતિ જો બાયડેનની ચર્ચા, જાણો શું છે સમગ્ર મામલો

Nakulsinh Gohil

અમદાવાદ / તબિયત બગડી છતાં અમિત શાહે વડોદરાની સભા રદ્દ કરી વેજલપુરની સભા સંબોધી

Nakulsinh Gohil
GSTV