કોઈપણ છોકરી માટે તેના લગ્નનો દિવસ સૌથી ખાસ હોય છે, અને તે આ દિવસ માટે સુંદર દેખાવા માંગે છે. તેના માટે તેના લગ્નના પોશાક સાથે જ તેના ઘરેણાં તેની સુંદરતામાં વધારો કરવાનું કામ કરે છે. આ ઘરેણાંમાંથી એક છે સુંદર માંગ ટીકો અને માથા પત્તી, જેનાથી કન્યાનો આખો દેખાવ બદલી જાય છે. ફેશનની સાથે જ તે લગ્ન માટે જરૂરી આભૂષણોમાંનું એક છે. જો તમે પણ લગ્ન માટે પરફેક્ટ ડિઝાઈન કરેલ માંગ ટીકા શોધી રહ્યા છો, તો તમને માંગ ટીકાની કેટલીક સુંદર ડિઝાઇન વિશે જણાવી દઈએ.
બોરલા માંગ ટીકા
આ માંગ ટીકા આ દિવસોમાં બોલિવૂડમાં ખૂબ જ લોકપ્રિય છે. જોધા અકબરમાં ઐશ્વર્યા રાય હોય કે પદ્માવતમાં દીપિકા પાદુકોણ હોય કે પૃથ્વીરાજમાં માનુષી છિલ્લર હોય, આ તમામ અભિનેત્રીઓએ ફિલ્મમાં આ બોરલા ટીકા પહેર્યા છે, જેના કારણે તે દુલ્હનોમાં ખૂબ જ ટ્રેન્ડ થઈ ગઈ છે. માંગ ટીકાની આ ડિઝાઈન મુખ્યત્વે હરિયાણા અને રાજસ્થાનની શૈલી બતાવે છે, જેનો ઉપયોગ પ્રાચીન સમયમાં રાણીઓ પણ કરતી હતી. તેમાં મોતી અને કિંમતી પથ્થરોથી જડેલી સુંદર ડિઝાઇન તમને શાહી દુલ્હનનો પરફેક્ટ લુક આપી શકે છે.
મલ્ટી લેયર માંગ ટીકા
આ માંગ ટીકા પણ દુલ્હનની ટ્રેન્ડીંગ જ્વેલરીમાં સામેલ છે. આજકાલ મોટાભાગની છોકરીઓ તેમના ખાસ દિવસે આ માંગ ટીકા પહેરે છે કારણ કે તે તમને ભવ્ય લુક આપશે અને જેનું કપાળ થોડું મોટું છે તેમને કવરેજ પણ આપે છે. જો તમે વધુ ભવ્ય દેખાવ મેળવવા માંગતા હો, તો તમે મળતી લેયર માંગ ટીકાને પસંદ કરી શકો છો. આ માંગ ટીકા તમારા માથા અને વાળને સંપૂર્ણપણે ઢાંકી શકે છે. સુંદર બ્રાઇડલ લુક મેળવવા માટે તમે કુંદન વર્ક અથવા મોતી સાથે માંગ ટીકા પહેરી શકો છો.
ઓવરસાઈઝ માંગ ટીકા
લગ્નના દિવસ સિવાય તમે તમારા સંગીત, મહેંદી અથવા સગાઈના પ્રસંગે પણ આ માંગ ટીકા પહેરી શકો છો. આ માંગ ટીકા આજકાલ ટ્રેન્ડમાં છે અને સાથે જ તે તમને ખૂબ જ આકર્ષક લુક આપે છે. જો તમે ઇમ્પ્રેસિવ બ્રાઇડલ લુક ઇચ્છો છો, તો તમે ગોળાકાર અથવા અંડાકાર આકારમાં મોટા કદના માંગ ટીકા પહેરી શકો છો. આ માંગ ટીકા સ્ટોન, સ્ફટિકો અને મોતીથી બનેલા હોય છે તેથી તે કન્યાને સુંદર દેખાવ આપે છે.
READ ALSO
- દાહોદમાં લૂંટના ઈરાદે હત્યા : ઝાલોદમાં બાઈકસવાર દંપતી પર લૂંટારૂઓએ હુમલો કરતા મહિલાનું મોત, પોલીસે તપાસ હાથ ધરી
- કેરળમાં હજી ચોમાસું પહોંચ્યું નથી, હવામાન વિભાગે કહ્યું- 3-4 દિવસનો થઈ શકે છે વિલંબ
- ઓડિશા ટ્રેન દુર્ઘટનાઃ મમતાએ મૃત્યુના આંકડા પર ઉઠાવ્યા સવાલ, રાહુલે માંગ્યું રેલવે મંત્રીનું રાજીનામું
- મહારાષ્ટ્ર : ચંદ્રપુરના કાનપા ગામ પાસે ખાનગી બસ અને કાર વચ્ચે ગમખ્વાર અકસ્માતમાં 5 લોકોના મોત
- 5 જૂન સોમવારનું પંચાંગ, જાણો દિવસ-રાતના શુભ ચોઘડિયાં