GSTV
Kutch Trending ગુજરાત

માંડવીના સોડા એશ પ્લાન્ટ સામે પ્રજાનો ઉગ્ર વિરોધ! પ્રદૂષણ મુદ્દે ઔદ્યોગિક એકમો સામે ભયાનક આક્રોશ ભભૂકી ઉઠ્યો

ભૂકંપ પછી કચ્છમાં ઔદ્યોગિકરણનો દૌર શરૂ થયો ત્યારે જમીન સંપાદનથી લઈ પ્રદૂષણ મુદ્દે ઔદ્યોગિક એકમો સામે ભયાનક આક્રોશ ભભૂકી ઉઠી રહ્યો છે માંડવીના બાડા ગામે ગુજરાત હેવી કેમિકલ લિમિટેડ (GHCL) દ્વારા સ્થપાનારો કચ્છનો પહેલો સોડા એશ પ્લાન્ટ સામે પ્રજામાં વિરોધ જોવા મળી રહ્યો છે

  • લોક સુનાવણીમાં હાજર રહેલા લોકોની બસ એક જ માંગ હતી કે
  • જીએચસીએલનો પ્લાન્ટ અહીં ન સ્થપાવો જોઇએ..

માંડવીના બાડા ગામે ગુજરાત હેવી કેમિકલ લિમિટેડનો સોડા એશ પ્લાન્ટ તૈયાર કરવામાં આવનાર છે પરંતુ તેની સામે પ્રજામાં પ્રચંડ વિરોધ જોવા મળી રહ્યો છે. બાડા ગામની આસપાસ 20 જેટલી ગ્રામ પંચાયત આવેલ છે તેમાં મોટા ભાગ ના જૈન સમાજ ના લોકો વસવાટ કરી રહ્યાં છે ત્યાં એક માત્ર વિપશ્યના કેન્દ્ર આવેલ હોવાથી અહી અનેક લોકો મુંબઈ તેમજ આસપાસના ગામોમાંથી લોકો શાંતિ માટે આવતા હોય છે.

પરંતુ આ પ્લાન્ટ આવવાથી વિપ્સ્યના કેન્દ્ર પર સીધી અસર પડશે .જેથી પ્રજા રોષ સામે લોક સુનાવણીમાં યોજાઇ જેમાં મુંબઈ વસતા જૈન સમાજના આગેવાનો ખાસ ઉપસ્થિત રહી પોતાનો વિરોધ નોંધાવ્યો હતો. બાડાના સમુદ્રકાંઠા નજીક ૧૩૫૦ એકરમાં GHCLના સોડા એશ પ્લાન્ટ સાથે સોડિયમ બાયકાર્બોનેટ અને કોલસા આધારીત ૧૨૦ મેગાવોટનો કેપ્ટિવ પાવર પ્લાન્ટ સાથેનો કેમિકલ કોમ્પ્લેક્સ માટે ૨૦૧૭માં વાયબ્રન્ટ ગુજરાત ઈન્વેસ્ટમેન્ટ સમિટમાં ગુજરાત સરકાર સાથે MoU કર્યાં હતા.

કંપનીએ ૭૦ ટકાથી વધુ જમીન સંપાદિત કરી લીધી છે. પ્રોજેક્ટ શરૂ કરતાં પૂર્વે કેન્દ્રીય વન અને પર્યાવરણ મંત્રાલયની મંજૂરીની પ્રક્રિયાના ભાગરૂપે પર્યાવરણીય અસરોનો અભ્યાસ (કરી લઈ તેનો ગુલાબી અહેવાલ પણ સુપ્રત કરી દીધો છે. સરકારી નિયમો મુજબ આજે ‘લોક સુનાવણી’નું આયોજન કરાયું હતું પરંતુ ગ્રામજનોએ વિરોધ કરતા સુનાવણી રદ કરવી પડી હતી.

READ ALSO

Related posts

દિલ્હી / એશિયાની સૌથી મોટી કાપડ માર્કેટની દુકાનમાં ભીષણ આગ, લાખો રૂપિયાનો માલ સામાન બળીને ખાખ

Hardik Hingu

મોટી દુર્ઘટના ટળી / હરિયાણામાં રાવણનું સળગતું પૂતળું ભીડ પર પડ્યું, 7 લોકો દાઝ્યા

Hardik Hingu

સુરત /  ડ્રગ્સ માફિયા અલારખ્ખાની મિલકત પર ફરી વળ્યું સરકારી બુલડોઝર, દ્વારકા બાદ સુરતમાં કાર્યવાહી

Hemal Vegda
GSTV