GSTV

પશ્ચિમ બંગાળમાં રાજકીય જંગ યથાવત, નંદીગ્રામ સીટની ચૂંટણી પ્રક્રિયાને મમતા બેનર્જીએ હાઇકોર્ટમાં પડકારી

ચૂંટણી

Last Updated on June 18, 2021 by Damini Patel

પશ્ચિમ બંગાળમાં ચૂંટણી પુરી થવા છતા પણ રાજકીય જંગ પુરો નથી થયો. મુખ્યમંત્રી મમતા બેનર્જી નંદીગ્રામથી ચૂંટણી હારી ગયા હતા, ત્યારે હવે તેમણે નંદીગ્રામ સીટની આખી ચૂંટણી પ્રક્રિયાને હાઇ કોર્ટમાં પડકાર ફેંક્યો છે. મુખ્યમંત્રી મમતા બેનર્જી દ્વારા કરવામાં આવેલી અરજી પર હાઇકોર્ટમાં આવતીકાલે સુનવણી થશે.

મુખ્યમંત્રી મમતા બેનર્જીના આ નિર્ણયને લઇને ભઆજપની પ્રતિક્રિયા આવી છે. અમિત માલવિયાએ કહ્યું કે તમે બે વખત ચૂંટણી કઇ રીતે હારો છો? પહેલા તો ચૂંટણીમાં અને બાદમાં હારી ગયેલા વ્યક્તિની માફક કોર્ટમાં જનમતને પડકાર ફેંકીને. માલવીયાએ આગળ કહ્યું કે મમતા બેનર્જીને બે વખત નંદીગ્રામ સીટ પર હારતા જોવાનું મજેદાર રહેશે.

ચૂંટણી પરિણામને લઇને મમતા બેનર્જી હાઇકોર્ટ પહોંચી

ઉલ્લેખનીય છે કે પશ્ચિમ બંગાળ વિધાનસભા ચૂંટણીમાં મમતા બેનર્જીને તેમના પૂર્વ સહયોગી શુભેંદુ અધિકારીએ નંદીગ્રામ સીટ પરથી હરાવ્યા હતા. તેવામાં નંદીગ્રામ સીટના ચૂંટણી પરિણામને લઇને મમતા બેનર્જી હવે હાઇકોર્ટ પહોંચી છે. તેમણે નંદીગ્રામના ચૂંટણી પરિણામને પડકાર ફેંક્યો છે. મમતા બેનર્જીએ મત ગણતરી બાદ તરત આરોપ લગાવ્યો હતો કે તેમાં ગોટાળો થયો છે. ત્યારે આવતી કાલે કોર્ટમાં આ અંગે સુનવણી હાથ ધરાશે.

નંદીગ્રામમાં મળેલી હાર બાદ જ મમતાએ કહ્યું હતું કે આ પરિણામને તે કોર્ટમાં પડકારશે. મમતા બેનર્જીએ શુભેંદુ ધિકારી સામે ચૂંટણી લડવા માટે ભવાનીપુર પોતાની સીટ છોડી હતી. પરંતુ ભાજપના શુભેંદુ અધિકારીએ તેમને માત આપી હતી.

Read Also

Related posts

અતિઅગત્યનું/ 1 તારીખથી તમારી સેલરી અને બેંકમાં જમા રૂપિયાના આ નિયમો બદલાઇ જશે, આવક પર પડશે સીધી અસર

Bansari

ગણપતિ વિસર્જનની પોસ્ટ શેર કરી ટ્રોલ થયા શાહરુખ ખાન, ભડકેલ કટ્ટરપંથીઓએ એક્ટર યાદ કરાવ્યો ધર્મ

Damini Patel

સોનુ સૂદ ભરાશે/ કરોડોની કરચોરીને લગતા મળ્યા પુરુવા, ઇનકમ ટેક્સ ડિપાર્ટેમેન્ટ લગાવ્યા આ પાંચ ગંભીર આરોપ

Bansari
Do NOT follow this link or you will be banned from the site!