GSTV
Home » News » માલદીવનો ભારતને વધુ એક આંચકો, પાકિસ્તાન સાથે કરી પાવર ડીલ

માલદીવનો ભારતને વધુ એક આંચકો, પાકિસ્તાન સાથે કરી પાવર ડીલ

માલદીવમાં રાજકીય સંકટ બાદ ભારત માટે સુરક્ષાની દ્રષ્ટિએ વ્યૂહાત્મક પડકારોમાં વધારો થઈ રહ્યો છે. ગત મહિને વર્ક પરમિટ અને ભેંટમાં આપવામાં આવેલા હેલિકોપ્ટરને પાછું આપીને ભારતને આંચકો આપ્યો છે. તાજેતરમાં માલદીવે પાકિસ્તાન સાથે કરાર કરીને ભારત માટે વધુ એક અસહજ સ્થિતિ પેદા કરી છે.

માલદીવે પાકિસ્તાન સાથે પાવર સેક્ટરમાં મજબૂત ક્ષમતાવાળા બિલ્ડિંગના નિર્માણ માટેનો કરાર કર્યો છે. માલદીવની સ્ટેટ ઈલેક્ટ્રિસિટી કંપની સ્ટેલકોના પ્રતિનિધિઓએ ગત સપ્તાહે પાકિસ્તાન જઈને એમઓયૂ પર હસ્તાક્ષર કર્યા છે. માલદીવે ભારતીયોને વર્ક પરમિટ આપવાનું બંધ કર્યું છે અને ભારતના સહયોગથી થનારા પ્રોજેક્ટને પૂર્ણ કરવામાં ઈરાદાપૂર્વકનો વિલંબ થઈ રહ્યો છે.

ત્યારે પાકિસ્તાન સાથેનો માલદીવનોકરાર ભારત માટે વધુ એક ચિંતાનું કારણ છે. માલદીવમાં ભારતના સહયોગથી એક પોલીસ એકેડમીનું નિર્માણ થઈ રહ્યું છે. પરંતુ આમા ઈરાદાપૂર્વક માલદીવ દ્વારા વિલંબ થઈ રહ્યો છે. મહત્વપૂર્ણ છે કે માલદીવના રાષ્ટ્રપ્રમુખ અબ્દુલ્લા યામીન દેશમાં રાજકીય સંકટ બાદ ભારતથી અંતર રાખી રહ્યા છે. માલદીવની ચીન અને પાકિસ્તાન સાથેની ઘનિષ્ઠતા ભારત માટે નવા વ્યૂહાત્મક પડકારોનું કારણ બની શકે તેવી સંભાવનાઓ આકાર લઈ રહી હોવાનું માનવામાં આવે છે.

Related posts

UNમાં ચીન ભારત માટે બે મોઢાળો સાપ સાબિત થયું, પાકિસ્તાનને સાથ આપી ભારતને આતંકનો શિકાર બતાવ્યું

NIsha Patel

Vodafone, Airtel, Jio, Idea તમારા બજેટમાં છે આ કંપનીનો પ્લાન, આ રીતે બચાવો પૈસા

Arohi

ક્યાંથી આવ્યા પૈસા ? કર્ણાટક કોંગ્રેસના જે ધારાસભ્યએ રાજીનામું આપ્યું હતું તેણે હવે ખરીદી 11 કરોડની કાર!

Bansari
Do NOT follow this link or you will be banned from the site!