GSTV
World

Cases
6747115
Active
11354419
Recoverd
707655
Death
INDIA

Cases
595501
Active
1328336
Recoverd
40669
Death

ફ્રેન્ડશીપ તોડી નાખતાં યુવકે બિભત્સ વીડિયો યુવતીની માતા અને બહેનને મોકલ્યા, આખરે થયું આ

અપરિણીત યુવતિને તેનો મિત્ર પરિણીત હોવાની જાણ થયા બાદ સબંધ તોડી નાંખતા યુવાને યુવતિનું બોગસ ફેસબુક એકાઉન્ટ બનાવી યુવતિની માતા-બહેનને બિભત્સ વિડીયો શેર કરી ઘરને વેરેવિખેર કરી નાંખવાની ધમકી આપી હતી. સાયબર ક્રાઇમ પોલીસે સરથાણા વિસ્તારની યુવતીને હેરાન કરતા યુવાનને આખરે ઝડપી લીધો છે.

કપડાં લેવા જતાં એકબીજાની આંખ મળી ગઈ હતી

સાયબર ક્રાઇમ પોલીસ મથકનાં સૂત્રો દ્વારા પ્રાપ્ત થતી વિગતો મુજબ સરથાણા વિસ્તારમાં રહેતી અને અપરિણીત ૨૪ વર્ષીય યુવતી તેના વિસ્તારમાં લેડીઝ કપડાની દુકાન ધરાવતા સુરેશ હીરાભાઈ મકવાણા (ઉ.વ.૩૮) (રહે. ફ્લેટ નં.૨૦૫, ઓમકાર એપાર્ટમેન્ટ,માનસરોવર સર્કલ પાસે, અમરોલી, સુરત) ની દુકાને અવારનવાર ખરીદી માટે જતી હોય તેની સુરેશ સાથે મિત્રતા થઈ હતી.યુવતીએ તેની સાથે વાતચીત કરવા માંડી હતી. પરંતુ તેને શંકા ગઈ હતી અને તપાસ કરતા જાણવા મળ્યું હતું કે સુરેશ પરણિત છે અને તેને બાળકો પણ છે. આથી તેણે મિત્રતા તોડી નાખી હતી.

ભાવના પટેલ અને દક્ષિતા ગોળકીયાના નામે બે બોગસ એકાઉન્ટ બનાવ્યા

યુવતીએ લીધેલા પગલાંથી ઉશ્કેરાયેલા સુરેશે ફેસબુક ઉપર ભાવના પટેલ અને દક્ષિતા ગોળકીયાના નામે બે બોગસ એકાઉન્ટ બનાવ્યા હતા અને તેમાં યુવતીની માતા અને તેની બહેનનો મોબાઈલ નંબર અન્ય છોકરીના ફોટા સાથે શેર કર્યો હતો. એટલું જ નહીં તેણે યુવતીની બહેનને બિભત્સ વિડિયો અને ફોટા મોકલી યુવતીના ઘરને વેરવિખેર કરવાની પણ ધમકી આપી હતી. 

લેડીઝ કપડાની દુકાન બંધ કરી હાલ પાનનો ગલ્લો ચલાવવા લાગ્યો હતો

સરથાણા પોલીસમાં ફરિયાદ કરાતા તપાસ સાયબર ક્રાઇમ પોલીસને સોંપાઇ હતી. જેમાં પીએસઆઇ જે બી આહિર અને ટીમે શોધી કાઢયું હતું કે સુરેશે જ આ કારસ્તાન કર્યું હતું. લેડીઝ કપડાની દુકાન બંધ કરી હાલ પાનનો ગલ્લો ચલાવતા સુરેશની સાઇબર ક્રાઇમ પોલીસે ધરપકડ કરી તેનો કબજો સરથાણા પોલીસને સોંપવા તજવીજ હાથ ધરી હતી.

Related posts

સુરતમાં કોરોનાની વણથંભી રફ્તાર: દરરોજ 200 કેસનો સિલસિલો યથાવત, આ વિસ્તારોમાં સ્થિતિ ગંભીર

Bansari

હવે ઘરેબેઠા સ્માર્ટફોનથી બની જશે Ration Card, આ ડોક્યુમેન્ટ્સની પડશે જરૂર

Bansari

RBIના નિર્ણયની તમારી EMI પર શું થશે અસર, SBI, HDFC, ICICI બેંકમાં હવે કેટલો ભરવો પડશે હપ્તો

Mansi Patel
Do NOT follow this link or you will be banned from the site!