GSTV
ગુજરાત ટોપ સ્ટોરી

માહિતી ખાતાની ભરતી પરીક્ષામાં વધુ એક છબરડો: વર્ગ-3ની ભરતી પણ આવી વિવાદોમાં

યુનિવર્સિટી

ગુજરાત રાજ્યમાં સરકારી પરીક્ષા કે ભરતી મામલે છબરડો અને વિવાદ આવતો રહે છે, ત્યારે વધુ એક ભરતી વિવાદમાં આવી છે. માહિતીખાતાની વર્ગ-3ની ભરતી વિવાદોમાં સપડાઈ છે. જેમાં વર્ગ 3ની ભરતીના ઉમેદવારોએ માહિતી ખાતાની કચેરી લેખિત વાંધા અરજી સાથે ભરતી પ્રક્રિયા પર ગંભીર સવાલો ઉઠાવ્યા છે. જેમાં વર્ગ 1/2ની ભરતીના ચાર મહિના પછી વર્ગ 3નું આવેલું પરિણામ વિવાદસ્પદ છે નો ગંભીર સવાલ કરવામાં આવ્યો છે.

ગુજરાત રાજ્યના માહિતી ખાતે વર્ગ 3 માં 77 જગ્યાઓ માટે 77 ઉમેદવારોને જ ડોક્યુમેન્ટ વેરીફિકેશનમાં બોલાવ્યા હતા, જેમાં -કોઈ જ પ્રતિક્ષાયાદી કે માર્ક્સ,કેટેગરી સાથેની યાદી જાહેર કર્યા વગર 77 સીટો માટે ફકત 77 લોકોને મનસ્વી રીતે બોલાવતા વિવાદ સર્જાયો છે. ઉમેદવારો એ જણાવ્યું માહિતી ખાતાના વર્ગ1/2ના પરિણામ પર સ્ટે હોવા છતાં વર્ગ 3 નું પરિણામ જાહેર કરવામાં આવ્યું છે, પરિણામ જાહેર કરતાં વર્ગ 1/2માં પાસ થયેલ પણ ઘણાં બધાં વર્ગ 3માં પાસ થયા હોવાથી ભવિષ્યમાં વર્ગ 3 ની ઘણી બધી જગ્યાઓ ખાલી જવાની સંભાવના પણ વ્યક્ત કરવામાં આવી છે.

ઉલ્લેખનીય છે કે વર્ગ1/2 માં નિમણૂક અપાયા બાદ વર્ગ 3 માં નિમણૂક ઓર્ડર અપાય તેવી માંગ સાથે વર્ગ 3 ની મેન્સ પરીક્ષા આપનાર ઉમેદવારોએ લેખિત વિરોધ નોંધાવ્યો છે. વિવાદ વધતા ઉમેદવારો ટૂંક સમયમાં હાઈકોર્ટમાં પણ પીટીશન દાખલ કરશે તેવી સંભાવનાઓ વ્યક્ત કરવામાં આવી છે

Related posts

વલસાડ / સરકારી જમીન પર કબ્જાની ફરિયાદ કરનાર પર હુમલો કરનારા 15 લોકો સામે નોંધાયો રાયોટીંગનો ગુનો, જાણો શું છે મામલો

Hemal Vegda

નડિયાદ / સ્કૂલમાં વિધર્મી વિદ્યાર્થીઓએ ગરબામાં ઘુસી શાંતિ ડહોળવાનો કર્યો પ્રયાસ, પ્રિન્સિપાલ અને વિધર્મી શિક્ષકને સસ્પેન્ડ કરવાની માંગ

Hemal Vegda

ગાંધીનગર / કાલોલ અડાલજ હાઇવે પર હિટ એન્ડ રનની ઘટના, વાહનની અડફેટે એક યુવાનનું મોત, એક ગંભીર

Hemal Vegda
GSTV