GSTV
Bollywood Entertainment Trending

પાપા મહેશ ભટ્ટે આલિયાની રિલેશનશીપ પર કહ્યું કઇંક આવું…

બોલિવૂડમાં જો કોઈના અફેરની વધારે ચર્ચા હોય તો તે આલિયા ભટ્ટ અને રણબીર કપૂર છે. બન્નેએ પોતાની રિલેશનશિપને લઈને કશું જ છુપાવ્યું નથી. જોકે તો પણ લોકો તેમના વિશે જાણવા ઈચ્છે છે. તાજેતરમાં જ રણબીર અને આલિયાની કેટલીક તસવીરો સામે આવી હતી. જેમાં રણબીર, આલિયા અને તેના પાપા મહેશ ભટ્ટને મળવા તેના ઘરે પહોંચ્યો હતો.

આ ફોટોઝ સોશિયલ મીડિયા પર આવ્યા પછી લોકોના મનમાં અનેક સવાલો ઉઠવા લાગ્યાં હતાં. આખરે શા માટે રણબીર આલિયાના ઘરે ગયો હતો.? શું તેમના બન્નેના લગ્નની વાત ચાલી રહી છે? આ કેટલાક એવા સવાલ હતાં જે લોકોના મગજમાં ચાલી રહ્યાં હતાં. તે ફોટોઝમાં રણબીર, આલિયા અને મહેશ ભટ્ટ વચ્ચેની બોન્ડિંગ જોવા મળી હતી. આ ત્રણે સાથે ડિનર પણ કર્યું હતું.

એક ઈન્ટરવ્યૂ દરમિયાન જ્યારે મહેશ ભટ્ટને રણબીર કપૂર વિશે પૂછવામાં આવ્યું ત્યારે તેણે કહ્યું કે,’જ્યારે મેં તે તસવીર જોઈ ત્યારે મને અહેસાસ થયો કે આ paparazziનો સમય છે અને દરેક બાજુ એવા લોકો હાજર છે જે દરેક સમયે તમારો ફોટો અને મોમેન્ટ કેપ્ચર કરવા માટે તૈયાર રહે છે. આ કારણે હું વધારે કશું જ કહેવા ઈચ્છતો નથી. તેમને જ અંદાજો લગાવવા દો કે આલિયા અને રણબીર માટે પાપા રાજી છે કે નહિ?’

જ્યારે તેમને એવું પૂછવામાં આવ્યું કે રિલેશનશીપને લઈને તે આલિયાને કોઈ સલાહ આપે છે તો મહેશભટ્ટે જવાબ આપ્યો હતો કે,’એ વાતમાં કોઈ જ શક નથી કે તેણે પોતાની રિલેશનશીપ કોઈથી છુપાવી નથી. પરંતુ હું એવા પેરેન્ટ્સમાંથી નથી કે બાળકોને પર્સનલ ચોઈસ પર સલાહ આપું.

મહેશ ભટ્ટે જણાવ્યું હતું કે, ‘આલિયા યુવા છે અને અને આ મેટરને તેણે જ સંભાળવાની છે. હું તે વાતની ઈજ્જત કરું છું જ્યારે તેને સાચુ લાગશે ત્યારે બન્ને પોતાના સંબંધની વાત દુનિયા સામે રાખશે.’ મહેશ ભટ્ટે ‘સંજુ’માં રણબીરના પર્ફોર્મન્સના વખાણ કર્યાં હતાં અને એ પણ કહ્યું હતું કે તે રણબીરને ખૂબ જ પસંદ કરે છે.

Related posts

સાઉથની વધુ એક ફિલ્મનો બોક્સ ઓફિસ પર તરખાટ, ‘પોન્નિયિન સેલ્વન’નુ બે દિવસનુ કલેક્શન 150 કરોડ

GSTV Web Desk

Ind Vs SA / ભારતે બીજી મેચમાં પણ આફ્રિકાને ચટાડી ધૂળ, ટી-20 સીરીઝ પર જમાવ્યો કબ્જો

Hardik Hingu

ભારત જોડો યાત્રા / ભારે વરસાદ વચ્ચે પણ રાહુલ ગાંધીનું ભાષણ જારી, અમને કોઈ નહીં રોકી શકે

Hardik Hingu
GSTV