GSTV

ધોળા દિવસે સોશિયલ મીડિયા પરથી કવિતા ચોરતા ઝડપાયા મુખ્યમંત્રી !

મધ્ય પ્રદેશના મુખ્યમંત્રી શિવરાજ સિંહ ચૌહાણ આજકાલ સોશિયલ મીડિયા પર પોસ્ટ કરવાને લઈને વિવાદોમાં આવ્યા છે. હકીકતમાં બન્યુ છે એવુ કે, શિવરાજે 22 નવેમ્બરના રોજ એક કવિતા ટ્વીટ કરી હતી, જેમાં તેમણે આ કવિતા તેમના પત્ની સાધના સિંહે લખેલી હોવાનો દાવો કર્યો હતો. ત્યારે હવે એક યુવતીએ આ કવિતા તેણે લખી હોવાનો દાવો કર્યો છે. સાથે જ શિવરાજ પર કવિતા ચોરવાનો આરોપ પણ લગાવ્યો છે. ત્યારે હવે આ બાબતને લઈને રાજકારણ પણ શરૂ થઈ ગયુ છે. કોંગ્રેસે શિવરાજ પર કવિતાચોરનો આરોપ પણ લગાવી દીધો છે.

આવો છે સમગ્ર મામલો

પ્રાપ્ત વિગતો મુજબ જોઈએ તો, મુખ્યમંત્રી શિવરાજે લગભગ આઠ દિવસ પહેલા પોતાના ટ્વીટર અકાઉન્ટ પર એક કવિતા શેર કરી હતી. તેમણે જણાવ્યુ હતું કે, આ કવિતા તેમના પત્નીએ પોતાના પિતા માટે લખી છે. જણાવી દઈએ કે, 18 નવેમ્બરે શિવરાજ સિંહના સસરા ધનશ્યામ મસાનીનું અવસાન થયુ હતું. તેના 4 દિવસ બાદ મુખ્યમંત્રીએ આ કવિતા શેર કરી હતી.

એક યુઝર્સે કર્યો આવો દાવો

મુખ્યમંત્રી શિવરાજ સિંહ ચૌહાને પોસ્ટ કરી કવિતા વાયરલ થયા બાદ આઠમા દા’ડે એક યુઝર્સ ભૂમિકા બિરથરેએ આ કવિતા તેની હોવાની દાવો કર્યો છે. ભૂમિકાનો દાવો છે કે, શિવરાજ સિંહે સોશિયલ મીડિયા પર પોસ્ટ કરેલી કવિતા તેની છે. જેના શબ્દોમાં હેરફેર કરી છે. ભૂમિકાએ લખ્યુ છે કે, હું તમારી ભત્રીજી છુ,. તમને મારી કવિતા ચોરી કરીને શું મળવાનું છે ? આ કવિતા મેં લખી છે. આશા કરૂ છું કે, તમે મારા અધિકારોનું હનન નહીં કરો. મામા તો અધિકારોની રક્ષા કરવા માટે હોય છે.

કોંગ્રેસે પણ ઉતાવળા પગે ઘેરી લીધા

ત્યારે હવે આ મામલે પણ રાજકારણ શરૂ થઈ ગયુ છે. કોંગ્રેસે શિવરાજ સિંહનો ઘેરાવ કરતા કહ્યુ હતું કે, ભાજપ નામ બદલવામાં માહેર છે. કોંગ્રેસના પૂર્વ પ્રદેશ અધ્યક્ષ અરુણ યાદવ લખે છે કે, ભાજપ નામ બદલવામાં માહેર, ફરી એક વાર તે સાબિત થઈ ગયુ છે. પહેલા કોંગ્રેસની યોજનાના નામ બદલતા હતા, હવે શહેરોના નામ બદલવા લાગ્યા છે.અને હવે તો મુખ્યમંત્રી શિવરાજ સિંહ બીજાની લખેલી કવિતાઓ પણ પોતાની ધર્મપત્નીના નામે લખેલી બતાવા લાગ્યા છે. વાહ શિવરાજ જી વાહ !

READ ALSO

Related posts

સુરત/ 120 બેઠક માટે અત્યાર સુધી 2700 થી વધુ ફોર્મ વહેંચાયા

pratik shah

જાણો શું છે આધાર ચેટબોટ અને આધાર હેન્ડબુક, જે આપે છે તમારા સવાલના જવાબ

Mansi Patel

ખેડૂતોના સમર્થનમાં ઉતર્યા અન્ના હજારે, 30 માર્ચથી શરુ કરશે આમરણ અનશન

Mansi Patel
Do NOT follow this link or you will be banned from the site!