નવરાત્રીના સાતમાં દિવસે માતા દુર્ગાના સાતમાં સ્વરૂપ માઁ કાલરાત્રીની પૂજા માટે સમર્પિત છે. શક્તિનું આ સ્વરૂપ અતિ ડરાવનારૂ છે, તેમની પૂજાના શુભ પ્રભાવથી સાધક તમામ પ્રકારની દુષ્ટ શક્તિઓથી રક્ષણ પામે છે અને તેમને જીવનમાં ક્યારે કોઈપણ પ્રકારના ભય નથી રહેતો, કારણ કે તેમના પર માઁ કાલરાત્રીની દરેક સમય કૃપા વરસતી રહે છે. હિન્દુ માન્યતા અનુસાર માતા કાલરાત્રી દુષ્ટનો નાશ કરીને અને પોતાના ભક્તો પર આશીર્વાદ વરસાવનારા માનવામાં આવે છે. આવો આજે નવરાત્રીના સાતમા દિવસ દેવી ભગવતીના આ ભવ્ય સ્વરૂપની પુણ્યફળ આપનારી ચમત્કારી મંત્ર અને તેમનાથી જોડાયેલા ઉપાયો વિશે વિસ્તારથી જાણીએ…
મા કાલરાત્રીની ઉપાસના માટેનો મહામંત્ર
આજે નવરાત્રીના સાતમા દિવસે મા કાલરાત્રીની પૂજામાં મંત્રોના જાપનું ખૂબ જ મહત્વ છે. એવું માનવામાં આવે છે કે જો કોઈ ભક્ત આજે દેવી ભગવતીની પૂજામાં તેમના મંત્ર ‘ॐ ऐं ह्रीं क्लीं कालरात्र्यै नम:’નો જાપ કરે છે, તો તેના જીવન સાથે જોડાયેલી સૌથી મોટી સમસ્યાઓ જલ્દી દૂર થઈ જશે. મા કાલરાત્રીની કૃપાથી તેને પોતાના જીવનમાં જાણ્યા-અજાણ્યા શત્રુઓનો ભય નથી રહેતો.
માતા કાલરાત્રીનો મંત્ર ખરાબ નજરથી બચાવે છે
જો તમને એવું લાગે છે કે તમને અથવા તમારા પરિવારના અન્ય કોઈ સભ્ય અથવા તમારા જીવન સાથે જોડાયેલી દરેક વસ્તુઓ પર વારંવાર કોઈની ખરાબ નજર પડે છે, તો આજે નવરાત્રીના સાતમા દિવસે મા કાલરાત્રીનો તમારે નીચે આપેલા મંત્રની સાત માળાનો પાઠ જાપ અવશ્ય કરવો જોઈએ. એવું માનવામાં આવે છે કે આ મંત્રનો જાપ સાધકને આખા વર્ષ માટે ખરાબ નજરથી બચાવે છે.
ॐ ऐं ह्रीं क्लीं चामुण्डायै विच्चै ॐ कालरात्रि दैव्ये नम:।।
મા કાલરાત્રીની ઉપાસનાનું પુણ્ય
હિન્દુ માન્યતા અનુસાર નવરાત્રીના સાતમા દિવસે દેવી ભગવતીના ભવ્ય સ્વરૂપ મા કાલરાત્રીની પૂજામાં મંત્રોના જાપ કરવાથી સાધકના સુખ અને સૌભાગ્યના માર્ગમાં આવતા તમામ અવરોધો દૂર થઈ જાય છે અને તે દેવીની કૃપાથી સુખના પ્રકાર બધાનો આનંદ મેળવે છે. એવું માનવામાં આવે છે કે મા કાલરાત્રી ખૂબ જ દયાળુ છે અને તેમના ભક્તો પર આશીર્વાદ વરસાવે છે. માતા કાલરાત્રીની પૂજા કરવાથી સાધકના તમામ પાપો દૂર થાય છે અને તેને શુભ ફળ મળે છે. માતાના આશીર્વાદથી વ્યક્તિ કોઈ પણ જાતના ડર વિના જીવન સંબંધિત તમામ લક્ષ્યોને પ્રાપ્ત કરે છે. દેવી દુર્ગાનું સાતમું સ્વરૂપ કાલ સ્વરૂપ હોવાથી તેમની પૂજા કરવાથી અકાળ મૃત્યુનો ભય દૂર થાય છે.
READ ALSO
- ‘સેંગોલ’ મુદ્દે શશિ થરૂરે કોંગ્રેસના વિચારોથી વિપરીત કેન્દ્ર સરકારની દલીલને આપ્યું સમર્થન
- તારીખ 29-05-2023, જાણો સોમવારનું રાશિફળ
- નરેન્દ્ર મોદી સ્ટેડિયમમાં પ્રેક્ષક મહિલાએ પોલીસકર્મી સાથે કર્યું અસભ્ય વર્તન, જુઓ વિડીયો
- બ્રેકિંગ / ગુજરાત ટાઈટન્સ – ચેન્નઈ સુપર કિંગ્સ વચ્ચેની ફાઈનલ મેચ આખરે મોકૂફ, આવતીકાલે સોમવારે રમાશે
- સિદ્ધપુરમાં માનવ અવશેષો મળી આવવાનો સિલસિલો યથાવત, ખોપડીનો ભાગ મળી આવ્યો