સામાન્ય લોકો ઓછી આવકમાં બચત નથી કરી શકતાં. તેવામાં દેશની સૌથી મોટી વીમા કંપની ભારતીય જીવન વીમા નિગમ (LIC) તેમની મદદ કરે છે અને ઓછી કિંમતના અનેક પ્લાન ચલાવે છે. LICએ પોતાના ગ્રાહકો માટે એક ખાસ પ્લાન ઑફર કર્યો છે જેમાં રોકાણ કરીને તમે તેનો લાભ લઇ શકો છો.
LICએ જીવન લાભ યોજના શરૂ કરી છે. જે એક એવી ખાસ પોલીસી છે જેમાં એક સીમિત પ્રિમિયમની સાથે નૉન-લિંક્ડ લાભ યોજના છે. જેમાં મૃત્યુ કે પોલીસી મેચ્યોર થવા પર આ યોજનામાં તમારા પરિવાર એટલે કે નોમિની કે પોલીસી ધારકને વીમા રકમ સ્વરૂપે સુરક્ષાની સાથે લાભ પણ મળે છે. LICએ જણાવ્યા અનુસાર, આ પોલીસીમાં નોમિનીને અથવા પોલીસી ધારકને સિંપલ રિવેર્સનરી બોનસ તથા ફાઇનલ એડિશન બોનસ આપવામાં આવશે.
LICએ જણાવ્યા અનુસાર, આ પોલીસી માટે તમારે ફક્ત 518 રૂપિયા પ્રતિ મહિનો ખર્ચ કરવા પડશે. જેમાં તમે 4.04 લાખ રૂપિયા મળશે. આ પ્લાન લેવા માટે LICએ 8થી 59 વર્ષ વચ્ચેની ઉંમર નક્કી કરી છે. આ પોલીસીના મેચ્યોર થવાની ઉંમર 75 વર્ષ છે જેમાં તમે 16થી 25 વર્ષ સુધીની પોલીસી ટર્મ લઇ શકો છો.
LICની આ પોલીસીમાં તમારે ઓછામાં ઓછા 2 લાખ રૂપિયા આપવા પડશે અને વધુમાં વધુની કોઇ મર્યાદા નથી. આ સ્કીમ સાથે પણ એક્સિડેન્ટલ ડેથ અને વિકલાંગતા પર મળતુ વળતર પણ સામેલ છે. એટલે કે જો તમે 25 વર્ષ સુધી પ્રિમિયમ આપો તો તે 1,55,328 રૂપિયાનું થાય છે. એટલે કે તમે 25 વર્ષમાં દર મહિને 518 રૂપિયા ખર્ચો તો તમારા 1,55,328 રૂપિયા જમા થશે. આ પોલીસીની મેચ્યોરિટી પર તમને બોનસ સાથે આશરે 4.04 લાખ રૂપિયા મળશે.
આ પોલીસીમાં સિમિત પ્રિમિયમ ચુકવવાનો અર્થ છે, પ્રિમિયમ ચુકવવાનો સમયગાળો પોલીસીના સમયગાળા અથવા મેચ્યોરિટી સમયગાળા કરતાં ઓછો હોવો. આ પોલીસી 16,21 તથા 25 વર્ષના સમયગાળા માટે ઉપલબ્ધ છે. જેમાં તમે એક જ સમયે સુરક્ષાની સાથે નિશ્વિત રિટર્નની સુવિધા પણ મેળવી શકો છો. LICના આ પ્લાનમાં ત્રણ વર્ષ સુધી પ્રિમિયમ ભર્યા બાદ તમે આ તેના પર લોન પણ લઇ શકો છો. સાથે જ આ પોલીસીમાં દુર્ઘટના મૃત્યુ તથા વિકલાંગતા લાભ રાઇડર તરીકે એડ-ઑન રાઇડર્સ પણ ઉપલબ્ધ છે. સાથે જ આ પોલીસીમાં ઇનકમ ટેક્સની ધારા 10 (10D) અંતર્ગત, મેચ્યોરિટી રકમ પર ટેક્સમાં પણ છૂટ મળશે.
Read Also
- પહેલા મરધી આવી કે ઈંડુ: વિશ્વાસ નહીં આવે પણ અહીં સાચ્ચે જ મરધીએ ઈંડાની જગ્યાએ બચ્ચાને જન્મ આપ્યો !
- કોરોના સંક્રમિતોનાં આંકમાં રસિયાને પાછળ છોડી વિશ્વમાં ત્રીજા સ્થાને પહોંચ્યું ભારત
- SBIની ગ્રાહકોને ચેતવણી : પાન કાર્ડ અને IT રિટર્નની જાણકારી વગર આટલા લાખથી વધુના ઉપાડ પર આપવો પડશે ટેક્સ
- ખુશખબર: દેશમાં કોરોનાથી રિકવરી રેટ 60 ટકાથી વધુ, અમુક રાજ્યોમાં તો આનાથી પણ વધુ
- આ રાજ્યની સરકારે એક વર્ષ માટે જાહેર કરી સેફ્ટી ગાઈડલાઈન, તમામે કરવું પડશે પાલન નહીંતર સજા ભોગવશો