ખૂબ લાંબી રાહ જોયા બાદ આ અઠવાડિયે LICનો IPO ખુલી ગયો છે અને સતત ચર્ચાનું કેન્દ્ર બની ગયું છે. તમામ કેટેગરીના રોકાણકારો LIC IPOને સારો પ્રતિસાદ આપી રહ્યા છે. LIC IPO માત્ર 2 દિવસમાં 100% થી વધુ સબ્સ્ક્રાઇબ થયો છે. આ દરમિયાન, દેશની સૌથી મોટી જાહેર ક્ષેત્રની બેંક SBIએ એક શાનદાર ઓફર રજૂ કરી છે. SBIની આ ઓફરમાં LIC IPO સબસ્ક્રાઇબ કરવા માટે સસ્તા વ્યાજ પર 20 લાખ રૂપિયા સુધીની લોન આપવામાં આવી રહી છે.
દરેક માટે નથી આ ઓફર
SBIની વેબસાઈટ પર ઉપલબ્ધ માહિતી મુજબ, આ લોન ઓફર ખાસ કરીને LIC IPOમાં રોકાણ કરવા માટે તૈયાર કરવામાં આવી છે. આ અંતર્ગત બેંક 20 લાખ રૂપિયા સુધી અથવા કુલ શેર મૂલ્યના 90 ટકા સુધીની લોન આપી રહી છે. આ લોનનો વ્યાજ દર પણ ઘણો ઓછો છે. બેંક આ લોન પર માત્ર 7.10 ટકાના દરે વ્યાજ વસૂલે છે. આ લોન 60 મહિના એટલે કે 5 વર્ષ સુધી લઈ શકાય છે. જોકે, SBIની આ ઑફર દરેક માટે નથી. માત્ર LICના કર્મચારીઓ જ આ લોન ઓફરનો લાભ લઈ શકશે.
SBIની આ લોન ઓફરમાં મળશે આ શાનદાર ફિચર
SBI ની આ ઓફરમાં અન્ય ઘણા શાનદાર ફિચર્સ છે. બેંકે આ લોન પર પ્રોસેસિંગ ફી પણ માફ કરી દીધી છે. ઉપરાંત, જો તમે લોન વહેલા બંધ કરવા માંગતા હોવ તો કોઈ પ્રીપેમેન્ટ પેનલ્ટી નથી. આ લોન લેવા માટે કોઈ સિક્યોરિટી કે ગેરેન્ટીની જરૂર નથી. બેંકે એમ પણ કહ્યું છે કે લોનની રકમ સીધી લોન લેનારના પગાર અથવા બચત ખાતામાં ટ્રાન્સફર કરવામાં આવશે.
કર્મચારીઓને મળી રહ્યું છે આટલું ડિસ્કાઉન્ટ
LIC IPOમાં કંપનીના કર્મચારીઓ માટે 15.8 લાખ શેર અનામત રાખવામાં આવ્યા છે. આ સિવાય LICના કર્મચારીઓને પ્રતિ શેર 45 રૂપિયાનું ડિસ્કાઉન્ટ પણ આપવામાં આવી રહ્યું છે. તે મુજબ, જો એલઆઈસીનો કોઈ કર્મચારી આઈપીઓમાં પૈસા રોકવા માંગે છે, તો તેણે ઓછામાં ઓછા 13,560 રૂપિયાનું રોકાણ કરવું પડશે. LICના IPOની પ્રાઇસ બેન્ડ રૂ. 902-949 છે, જ્યારે લોટમાં તેના 15 શેર છે. અત્યાર સુધીમાં, એલઆઈસી કર્મચારીઓ માટે આરક્ષિત ભાગ 2.22 ગણો સબસ્ક્રાઇબ કરવામાં આવ્યો છે.
લોન માટે કેવી રીતે અરજી કરવી
જો તમે પણ LICના કર્મચારી છો અને આ IPOમાં મોટી રકમનું રોકાણ કરવા માંગો છો, તો SBIની આ ઑફર ઘણી ઉપયોગી સાબિત થઈ શકે છે. SBIની આ લોન માટે તમારે ક્યાંય જવું પણ નહીં પડે. આ શાનદાર લોન ઓફર માટે તમે ઘરે બેસીને અરજી કરી શકો છો. તે પણ વધુ સમય લેશે નહીં. LIC કર્મચારીઓ આ પ્રક્રિયાને અનુસરીને આ સસ્તી SBI લોનનો લાભ લઈ શકે છે.
LIC કર્મચારીઓ IPO લોન માટે કેવી રીતે અરજી કરી શકે છે
- સૌથી પહેલા SBIની વેબસાઈટ પર જાઓ અથવા સીધી આ લિંક https://sbi.co.in/web/home/lic-ipo ખોલો.
- હવે તમને એક ફોર્મ મળશે, જે ભરવામાં થોડી મિનિટો લાગશે. ફોર્મમાં નામ, ઈમેલ આઈડી, કેટેગરી વગેરે ભરો.
- બધી વિગતો ભર્યા પછી, તમને એક વેરિફિકેશન કોડ મળશે.
- કોડ સબમિટ કરીને ચકાસો. જો બેંકને વિગતો સાચી લાગે છે, તો મિનિટોમાં તમારા ખાતામાં પૈસા આવી જશે
READ ALSO:
- એશ્વર્યા રાયની અપકમિંગ ફિલ્મ Ponniyin Selvanનું ટીઝર થયુ પોસ્ટપોન, મેકર્સે આપ્યું આ કારણ
- શમશેરાના ટ્રેલર લોન્ચ માટે જઈ રહેલા રણબીર કપૂરને નડયો અકસ્માત
- કોરોના કવચ / 7 થી 11 વયના બાળકોને અપાઈ શકે છે Covovax વેક્સિન, સરકારી સમિતિએ કરી ભલામણ
- મંત્રી ગડકરીની નવી જાહેરાત / વાહનોને અકસ્માત પરીક્ષણોના આધારે મળશે સ્ટાર રેટિંગ, સુરક્ષિત વાહનો માટે થશે ઉપયોગી
- એક પાલતું પશુ વર્ષમાં છોડે છે 80 થી 120 કિલો મીથેન ગેસ, 1 વર્ષ કાર ચલાવવા જેટલું પર્યાવરણને થાય છે નુકસાન