GSTV
Home » News » ઉત્તર ભારતમાં ભારે બરફવર્ષા, પંજાબ દિલ્હીમાં વરસાદ, 5ના મોત, છ ફ્લાઇટ ડાઇવર્ટ

ઉત્તર ભારતમાં ભારે બરફવર્ષા, પંજાબ દિલ્હીમાં વરસાદ, 5ના મોત, છ ફ્લાઇટ ડાઇવર્ટ

હિમાલયના ઉંચાઈવાળા વિસ્તારોમાં ભારે બરફવર્ષા અને મેદાની વિસ્તારોમાં છેલ્લા ૨૪ કલાકથી ભારે વરસાદ થતાં જનજીવન ઠપ્પ થયું હતું. ઉત્તરાખંડમાં પણ હિમવર્ષા અને વરસાદ થયો હતો. પાટનગર દિલ્હીમાં ઘણા વિસ્તારોમાં વરસાદ થયો હતો અને વિમાન સેવાને અસર થઈ હતી. પંજાબના પતિયાળામાં વીજળી પડતાં બેનાં મોત થયા હતા.

હિમાલયમાં કિલોંગમાં ૧૬ અને કલ્પમાં ૧૦ સેન્ટીમીટર બરફવર્ષા થઈ હતી. કુલ્લુ સહિત ઉંચાઈવાળા વિસ્તારોમાં નોંધપાત્ર બરફવર્ષા થઈ હતી. મેદાની વિસ્તારોમાં વરસાદ થયો. મનાલીમાં ૧૩ મી.મી., ચોલાનમાં આઠ એમ.એમ. સહિત મોટા ભાગના વિસ્તારોમાં નોંધપાત્ર વરસાદ થયો હતો. ફેબુ્રઆરીની ૧૫મીએ ભારે બરફવર્ષાની યલો વોર્નિંગ જાહેર કરાઈ હતી.

ઉત્તરાખંડમાં નવેસરથી બરફવર્ષા થઈ હતી અને નીચાણવાળા વિસ્તારોમાં ભારે વરસાદ થયો હતો. ચમોલી અને રૃદ્રપ્રયાગમાં બરફવર્ષાને પગલે રાજ્યમાં તીવ્ર ઠંડી પડી હતી. કેદારનાથ સહિત યાત્રાધામોમાં બરફવર્ષા થઈ હતી.

પાટનગર દિલ્હીમાં ઘણાં વિસ્તારોમાં વરસાદ થયો હતો. લઘુત્તમ તાપમાન ૧૩.૯ ડિગ્રી નોંધાયું હતું. ભેજનું પ્રમાણ ૯૮થી ૭૭ ટકા રહ્યું હતું. ખરાબ હવામાનને કારણે દિલ્હી એરપોર્ટ પરથી છ ફ્લાઇટ ડાયવર્ટ કરાઈ હતી. પંજાબ અને હરિયાણામાં વરસાદ નોંધાયો હતો પતિયાલામાં વીજળી પડતા ગર્ભવતી મહિલા સહિત બેનાં મોત થયા હતા. આ દંપતી ખેતરમાં કામ કરી રહ્યું હતું ત્યારે વીજળી પડી હતી. ઉત્તર પ્રદેશમાં પણ વીજળી પડતાં ત્રણનાં મોત થયા હતા.

ખરાબ હવામાનને કારણે વડાપ્રધાન મોદી સભાસ્થળે ન પહોંચ્યા : ફોન દ્વારા રેલી સંબોધી

વડાપ્રધાન નરેન્દ્ર મોદીએ સભા સ્થળે ન જઈ શકતાં ફોન ઉપર રેલીને સંબોધી હતી. ખરાબ હવામાનને કારણે તેમનું વિમાન અટકી પડયું હતું.

વડાપ્રધાન મોદી દહેરાદૂનના એરપોર્ટ પર સવારે સાત વાગ્યે પહોંચ્યા હતા જ્યાંથી તેમને હેલિકોપ્ટર દ્વારા આગળ વધવાનું હતું. પરંતુ ખરાબ હવામાનને કારણે હેલિકોપ્ટર ઉડી શક્યું નહોતું. તેમણે ચાર કલાક રાહ જોઈ ત્યારબાદ હેલિકોપ્ટર દ્વારા કાલાગઢ ગયા હતા પરંતુ ખરાબ હવામાનને કારણે આગળ વધી ન શકતા તેમણે ફોન દ્વારા રેલીને સંબોધન કર્યું હતું.

રૃદ્રપુર ખાતે રેલીના મંચ ઉપર મુખ્યમંત્રી રાવત સહિત ભાજપના અન્ય નેતાઓ ઉપસ્થિત હતા વડાપ્રધાન મોદીએ ફોન ઉપર કરેલું સંબોધન સાંભળ્યું હતુ.

Related posts

જાહ્નવીએ શેર કર્યો મમ્મી-પપ્પાનો થ્રોબેક ફોટો, સોશિયલ મીડિયામાં વાયરલ

NIsha Patel

ઈરાનમાં ખતમ થયો 40 વર્ષ જૂનો કાયદો, મેચ જોવા માટે સ્ટેડિયમ પહોંચી 3,500 મહિલાઓ

Mansi Patel

BSFમાંથી બરતરફ કરાયેલા કોન્સ્ટેબલની આ કારણે ધરપકડ, PM મોદી સાથે છે ખાસ કનેક્શન

Arohi
Do NOT follow this link or you will be banned from the site!