GSTV
Home » News » રાહુલ સહિતના નેતાઓ આજે કાશ્મીરની મુલાકાતે, તંત્રનો ઇનકાર

રાહુલ સહિતના નેતાઓ આજે કાશ્મીરની મુલાકાતે, તંત્રનો ઇનકાર

કોંગ્રેસ, ડાબેરી પક્ષો, આરજેડી, એનસીપી, ટીએમસી, ડીએમકે વગેરેના નેતાઓ કાશ્મીરની મુલાકાત લેવા જઇ રહ્યા છે. કાશ્મીરની સ્થિતિ અંગે જાણકારી મેળવવા તેમજ કાશ્મીરીઓ સાથે વાતચીત કરવા માટે આ નેતાઓનું એક ડેલિગેશન કાશ્મીરની મુલાકાત લેશે જેમાં રાહુલ ગાંધી પણ જોડાય તેવી શક્યતાઓ છે. 

કોંગ્રેસના જે અન્ય વરીષ્ઠ નેતાઓ શ્રીનગરની મુલાકાત લઇ શકે છે તેમાં ગુલામ નબી આઝાદ, આનંદ શર્માનો પણ સમાવેશ થાય છે. જોકે કાશ્મીરના જે સ્થાનિક નેતાઓ છે તેમાંથી અનેકની અટકાયત કરાઇ છે, આ સ્થિતિ વચ્ચે સરકારે અન્ય કોઇ બહારના નેતાને પણ પ્રવેશવા નથી દીધા. તેથી પુરી શક્યતાઓ છે કે આ નેતાઓને પણ રોકવામાં આવી શકે છે. 

પ્રાપ્ત અહેવાલો અનુસાર શનિવારે જ આ નેતાઓનું ડેલિગેશન શ્રીનગર જઇ રહ્યું છે. જ્યારે બીજી તરફ સ્થાનિક પ્રશાસને નેતાઓને હાલની સ્થિતિને ધ્યાનમાં રાખીને કાશ્મીરમાં ન આવવાની સલાહ પણ આપી દીધી છે. 

જે નેતાઓ આ મુલાકાતમાં જોડાઇ શકે છે તેમાં રાહુલ ગાંધી ઉપરાંત સીપીઆઇ-એમના સિતારામ યેચુરી, સીપીઆઇના ડી. રાજા, ડીએમકેના તીરૂચી સિવા, આરજેડીના મનોજ જા, એનસીપીના દિનેશ ત્રિવેદી પણ આ ડેલિગેશનમાં સામેલ થશે.  બીજી તરફ પ્રશાસને કહ્યું છે કે હાલ કાશ્મીર આવવાની કોઇ જ જરૂર નથી.

કાશ્મીરમાંથી આર્ટિકલ ૩૭૦ નાબુદ કરાઇ તે બાદ પહેલી વખત વિપક્ષના આટલી સંખ્યામાં નેતાઓ કાશ્મીરની મુલાકાત લેવા જઇ રહ્યા છે. આ પહેલા જમ્મુ કાશ્મીરના રાજ્યપાલ સત્યપાલ મલિકે રાહુલ ગાંધીને કાશ્મીર આવવાનું આમંત્રણ આપ્યું હતું અને હવે કહી રહ્યા છે કે અહીં આવવાની જરૂર નથી.

READ ALSO

Related posts

આ ભારતીય ખેલાડીએ વર્લ્ડ બોક્સિંગ ચેમ્પિયનશિપમાં સિલ્વર મેડલ મેળવી ઈતિહાસ રચ્યો 

Kaushik Bavishi

પીએમ મોદી હ્યુસ્ટન પહોંચ્યા, કાલે હાઉડી મોદી કાર્યક્રમમાં ભાગ લેશે

Nilesh Jethva

યુએન હોય કે યુરોપિયન યુનિયન આ છોકરીનો વિશ્વમા છે દબદબો, મેળવશે દુનિયાનો સૌથી મોટો પુરસ્કાર

Riyaz Parmar
Do NOT follow this link or you will be banned from the site!