Last Updated on January 13, 2022 by Vishvesh Dave
યંગ બિઝનેસપર્સન અને રિયાલિટી ટીવી સ્ટાર કાઈલી જેનરે સોશિયલ મીડિયા પર નવી માસ્ટરી મેળવી છે. કાઈલી જેનર ઈન્સ્ટાગ્રામ પર 300 મિલિયન ફોલોઅર્સનો આંકડો પાર કરનાર પ્રથમ મહિલા બની ગઈ છે. હા, ઈન્સ્ટાગ્રામ પર કાઈલી જેનરને 300 મિલિયન લોકો ફોલો કરી રહ્યાં છે.
આ સાથે કાઈલી જેનર ઈન્સ્ટાગ્રામ પર સૌથી વધુ ફોલો કરવામાં આવતી ત્રીજી વ્યક્તિ બની ગઈ છે. નંબર વન પર અધિકૃત Instagram એકાઉન્ટ પોતે છે. તેના ફોલોઅર્સ 460 મિલિયન છે. તે જ સમયે, પોર્ટુગલનો ફૂટબોલર ક્રિસ્ટિયાનો રોનાલ્ડો બીજા નંબર પર છે, જેને 389 મિલિયન યુઝર્સ ફોલો કરે છે.
કાઈલી જેનર પછી ફૂટબોલર લિયોનેલ મેસ્સી (300 મિલિયન ફોલોઅર્સ) અને એક્ટર ડ્વેન ‘ધ રોક’ જોન્સન (289 મિલિયન ફોલોઅર્સ) છે. કાઈલી જેનર પછી એરિયાના ગ્રાન્ડ સૌથી વધુ ફોલો કરવામાં આવતી મહિલા પોપ સિંગર છે.
કાઈલી જેનર ઈન્સ્ટાગ્રામ પર ઘણી એક્ટિવ રહે છે. આ પ્લેટફોર્મ દ્વારા તે તેના કોસ્મેટિક બિઝનેસ કાઈલી કોસ્મેટિક્સનો પણ પ્રચાર કરે છે. જોકે કાઈલી જેનર લાંબા સમયથી સોશિયલ મીડિયા પર લો-પ્રોફાઈલ જાળવી રહી છે.
તેનું મોટું કારણ કાઈલી જેનરની બીજી પ્રેગ્નન્સી છે. 24 વર્ષની કાઈલી જેનર તેના બીજા બાળકની માતા બનવાની છે. આ બાળક તેના પાર્ટનર ટ્રેવિસ સ્કોટનું છે. કાઈલીને ટ્રેવિસથી એક પુત્રી પણ છે, જેનું નામ સ્ટોર્મી વેબસ્ટર છે.
કાઈલી જેનર કાર્દાશિયન-જેનર પરિવારની સૌથી નાની અને સૌથી ધનિક સભ્ય છે. ઉપરાંત, કાઈલી પરિવારની સૌથી પ્રખ્યાત સભ્ય પણ છે. તેની મોટી બહેન કિમ કાર્દાશિયન છે, જે રિયાલિટી ટીવી, બિઝનેસ અને સોશિયલ મીડિયાની દુનિયામાં જાણીતી છે.
24 વર્ષની ઉંમરે કાઈલી જેનરે ઘણા બિઝનેસ શરૂ કર્યા છે. જેમાં કાઈલી કોસ્મેટિક્સ, કાઈલી સ્કીન, કાઈલી સ્વિમ અને તાજેતરમાં લોન્ચ થયેલી કાઈલી બેબીનો સમાવેશ થાય છે. આટલું જ નહીં કાઈલી જેનર દુનિયાની સૌથી વધુ કમાણી કરનાર સેલિબ્રિટી પણ છે.
ફોર્બ્સની 2020માં સૌથી વધુ કમાણી કરનાર સેલેબ્સની યાદીમાં કાઈલી જેનર ટોચ પર હતી. 2021 માં, કાઈલી જેનર ફોર્બ્સની 100 Richest Self-Made Womenની યાદીમાં સ્થાન મેળવનારી સૌથી યુવા વ્યક્તિ બની. કાઈલી જેનરની કુલ સંપત્તિ $700 મિલિયન છે.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અનેટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ તમારા મોબાઈલ પર તમામ સમાચારમેળવવા માટે અમારી Android App ડાઉનલોડકરો…
MUST READ:
- કેન્દ્રીય બજેટ / બજેટમાં બેંકોમાં મૂડી ઠાલવવા અંગે જાહેરાતની સંભાવના ઓછી, ગયા વર્ષે NPAમાં થયો ઘટાડો
- મહિન્દ્રાએ હીરો ઈલેક્ટ્રિક સાથે કરી ભાગીદારી, એક વર્ષમાં કરશે 10 લાખથી વધુ ઇલેક્ટ્રિક વાહનોનું ઉત્પાદન
- સુરત / છેલ્લા 15 દિવસમાં કોરોનાના કેસોમાં આવ્યો મોટો ઉછાળો, વિદ્યાર્થીઓ પણ મોટી સંખ્યા થઈ રહ્યા છે સંક્રમિત
- મોટા સમાચાર/ ખુલ્લા બજારમાં મળતી થશે કોવેક્સિન અને કોવિશિલ્ડ, સરકારની એક્સપર્ટ કમિટીની ભલામણ
- વિધાનસભા ચૂંટણીની તૈયારી / ગુજરાત યુથ કોંગ્રેસે જનરલ સેક્રેટરીઓને સોંપી મહત્વપૂર્ણ જવાબદારી, જુઓ કોણ ક્યા કરશે સંગઠન માટે કામ