ભારતીય ક્રિકેટ ખેલાડીઓ અને બોલિવૂડ અભિનેત્રીઓની જોડીમાં એક નવું નામ ઉમેરાયું છે. સુનીલ શેટ્ટીની પુત્રી અને બોલિવૂડ અભિનેત્રી આથિયા શેટ્ટીએ ભારતીય ક્રિકેટર કેએલ રાહુલ સાથે લગ્ન કર્યા છે. બંનેએ 23 જાન્યુઆરી 2023ના રોજ સુનીલ શેટ્ટીના ખંડાલા બંગલામાં સાત ફેરા લીધા હતા.
બોલિવૂડ અભિનેત્રી આથિયા શેટ્ટીનો જન્મ 5 નવેમ્બર 1992ના રોજ મુંબઈમાં થયો હતો, આથિયા શેટ્ટીએ મુંબઈની કેથેડ્રલ એન્ડ જોન કોનન સ્કૂલ અને અમેરિકન સ્કૂલ ઑફ બોમ્બેથી અભ્યાસ કર્યો છે. તે ફિલ્મમેકિંગ અને લિબરલ આર્ટ્સમાં સ્નાતક છે. બોલિવૂડમાં ડેબ્યુ કરતા પહેલા તેણે અમેરિકાના ન્યૂયોર્ક સ્થિત ન્યૂયોર્ક ફિલ્મ એકેડમીમાંથી ફિલ્મ નિર્માણનો અભ્યાસ કર્યો છે.
કન્નુર લોકેશ રાહુલ, જેને કેએલ રાહુલ અથવા લોકેશ રાહુલ તરીકે પણ ઓળખવામાં આવે છે, તેનો જન્મ 18 એપ્રિલ 1992ના રોજ બેંગ્લોરમાં થયો હતો. તેઓ મેંગલોરમાં મોટા થયા હતા. તેણે એનઆઈટીકે ઈંગ્લિશ મીડિયમ સ્કૂલમાંથી હાઈસ્કૂલની પરીક્ષા આપી હતી. આ પછી પ્રી યુનિવર્સિટી માટે સેન્ટ એલોયસિયસ કોલેજમાં એડમિશન લીધું.
શાળાનો અભ્યાસ પૂર્ણ કર્યા પછી, તેમણે જૈન યુનિવર્સિટી, બેંગ્લોરમાંથી કોમર્સમાં સ્નાતકની ડિગ્રી મેળવી છે.
આથિયા શેટ્ટી અને કેએલ રાહુલની પારિવારિક બેકગ્રાઉન્ડ એકબીજાથી સંપૂર્ણપણે અલગ છે. આથિયા બોલિવૂડ એક્ટર સુનીલ શેટ્ટીની દીકરી છે. તેની માતા માના શેટ્ટી ફેશન ડિઝાઇનર અને સામાજિક કાર્યકર છે.
અથિયાનો ભાઈ અહાન શેટ્ટી પણ બોલિવૂડ એક્ટર છે. કેએલ રાહુલના પિતા લોકેશ નેશનલ ઈન્સ્ટિટ્યૂટ ઑફ ટેક્નોલોજી કર્ણાટકમાં પ્રોફેસર અને ભૂતપૂર્વ ડિરેક્ટર રહી ચૂક્યા છે. જ્યારે તેની માતા રાજેશ્વરી મેંગલોર યુનિવર્સિટીમાં પ્રોફેસર છે.
READ ALSO
- હિટલર પર વિજયની 80મી જયંતિની ઉજવણી વચ્ચે પુતિન ન્યુક્લિયર સૂટકેસ સાથે દેખાતા અનેક અટકળો
- Adani row/ વીમા પોલીસી ધારકોને ધ્રાસકો, હવે LIC પોલીસી ધારકોના રૂ.૫૫.૦૫૦ કરોડ ધોવાઇ ગયા
- Assamમાં કિશોરી સાથે પરણનારા સામે પોક્સો : 2 હજારની ધરપકડ
- જાણો આજનુ પંચાંગ તા.4-2-2023, શનિવાર
- જાણો તમારું આજનું 04 ફેબ્રુઆરી, 2023નું રાશિ ભવિષ્ય