કપિલ શર્માનો શોનો મહત્તવનો કોમેડિયન એટલે કે કીકૂ શારદા અને અન્ય 6 લોકો વિરૂદ્ધ અંબોલી પોલિસ થાણામાં આર્ટ ડાયરેક્ટર નિતિન કુલકર્ણીએ FIR નોંધાવી હતી. આ કેસ નિતિને પોતાના પૈસા ન મળવાના કારણે કર્યો છે. 50.70 લાખ નહીં આપવા બદલ ધ મુંબઇ ફેસ્ટ નામના ચેરીટેબલ ટ્રસ્ટ સામે કેસ નોંધવામાં આવ્યો છે.
ખરેખર ઘ મુંબઈ ફેસ્ટ ચેરીટેબલ ટ્રસ્ટની સ્થાપના નાગરિકોના કલ્યાણ અને સંસ્કૃતિને વધારવા માટે કરવામાં આવી હતી. દર વર્ષે મુંબઈમાં, તેઓ એક વિશેષ કાર્યક્રમનું આયોજન કરે છે જે લગભગ ત્રણ દિવસ ચાલે છે. ફરિયાદ કરનાર નીતિન કહે છે કે તેમને ગયા વર્ષે મુંબઇ બીકેસીના એમએમઆરડીએ ગ્રાઉન્ડ ખાતે યોજાનારી ધ મુંબઇ ફેસ્ટ ઇવેન્ટના સેટની રચના કરવાનું કામ સોંપવામાં આવ્યું હતું. કામ પૂરું થતાં તેમણે 50.70 લાખ રૂપિયાનો ચેક આપયો, જે પાછળથી બાઉન્સ થઈ ગયો.
ટ્રસ્ટના વકીલ અનૂપ પાંડે કહે છે કે તેણે તમામ પ્રકારના કાગળો અને પ્રમાણપત્રો પોલીસ સ્ટેશનમાં જમા કર્યા છે. કિકુ શારદાના પિતા આ ટ્રસ્ટના સેક્રેટરી છે પરંતુ કિકુ શારદાને આ કેસ સાથે કોઈ લેવા દેવા નથી. તેમ છતાં આ કેસમાં તેનું નામ નોંધાયું છે.
કિકુ શારદા કહે છે, “હું અન્ય સેલિબ્રિટીઓની જેમ આ કાર્યક્રમમાં પહોંચ્યો હતો, હું આ ટ્રસ્ટનો સભ્ય નથી. હા, મારા પિતા આ ટ્રસ્ટના સેક્રેટરી છે, પરંતુ મારું નામ બળજબરીથી આ કેસમાં ખેંચવામાં આવી રહ્યું છે.”
READ ALSO
- સાઉદી અરબને લાગ્યો 20 વર્ષનો સૌથી મોટો ઝટકો, આ છે કારણ
- કોરોના પોઝિટિવ થયા તો સરકાર ઉઠાવશે પૂર્ણ ખર્ચ, આ દેશમાં ટૂરિસ્ટોને મળી રહી છે ઓફર
- ભાવનગરમાં ભારે પવન સાથે વરસાદથી સોલાર પેનલો ઉડી, અનેક જગ્યાએ ભરાયા પાણી
- મોદી સરકારના આ મંત્રીએ કર્યો દાવો, આ સેક્ટરમાં દેશમાં 11 કરોડથી વધારે નોકરી મળી
- રાજ્યમાં નિસર્ગ સાયક્લોનના સંકટને પગલે ગાંધીનગર ખાતે સ્ટેટ કંટ્રોલ રૂમ કરાયો શરૂ