GSTV
World

Cases
5345964
Active
7395056
Recoverd
578562
Death
INDIA

Cases
319840
Active
592032
Recoverd
24309
Death

RELIANCE હવે તમારા ઘરમાં એન્ટ્રી મારી રહ્યું છે, JIO બાદ આ તમામ સુવિધાઓ આપશે

Reliance

રિલાયન્સ ટૂંક સમયમાં કેલ્વિનેટર રેફ્રિજરેટર તેમજ વોશિંગ મશિન, એર-કન્ડિશનર, માઇક્રોવેવ સહિતનાં એપ્લાયન્સિસને રિ-લોન્ચ કરશે. . રિલાયન્સ રિટેલે સ્વિડનની એપ્લાયન્સિસ કંપની ઇલેક્ટ્રોલક્સ સાથે કેલ્વિનેટરના એક્સક્લુઝિવ બ્રાન્ડ લાઇસન્સિંગ, મેન્યુફેક્ચરિંગ, માર્કેટિંગ અને ડિસ્ટ્રિબ્યુશન માટે કરાર કર્યા છે. અત્યારે કેલ્વિનેટર બ્રાન્ડની માલિકી ઇલેક્ટ્રોલક્સ પાસે છે. એક સમયની ભારતમાં રેફ્રિજરેટરની સૌથી જાણીતી બ્રાન્ડ કેલ્વિનેટર ભારતીય બજારમાં ફરી જોવા મળશે.

રિલાયન્સ-કેલ્વિનેટરે કર્યો કરાર

રિલાયન્સ રિટેલે કેલ્વિનેટર માટે 10 વર્ષથી વધુનો કોન્ટ્રાક્ટ કર્યો છે. રિલાયન્સ ટૂંક સમયમાં કેલ્વિનેટર રેફ્રિજરેટર તેમજ વોશિંગ મશિન, એર-કન્ડિશનર, માઇક્રોવેવ સહિતનાં એપ્લાયન્સિસને રિલોન્ચ કરશે. અન્ય એપ્લાયન્સિસનું લોન્ચિંગ તબક્કાવાર ધોરણે રિલાયન્સ રિટેલના સ્ટોર્સ દ્વારા કરાશે. એક્ઝિક્યુટિવના જણાવ્યા અનુસાર કંપની અન્ય અગ્રણી કન્ઝ્યુ. ડ્યુરેબલ સ્ટોર્સને પણ તેનું ડિસ્ટ્રિબ્યુશન કરશે. કેલ્વિનેટરની જાણીતી ટેગ લાઇન ‘ધ કૂલેસ્ટ વન’ને પણ રિ-લોન્ચ કરવી કે નહીં તેની વિચારણા ચાલી રહી છે. રિલાયન્સ રિટેલે જુલાઈ-સપ્ટેમ્બર ક્વાર્ટરના ત્રિમાસિક પરિણામ વખતે એનાલિસ્ટ્સને જણાવ્યું હતું કે, કંપનીએ કેલ્વિનેટર સાથે લાંબા ગાળાના એક્સક્લુઝિવ બ્રાન્ડ લાઇસન્સિંગ કરાર કર્યા છે. જોકે, કંપનીએ આ મુદ્દે મોકલાયેલા ઇ-મેઇલનો કોઈ જવાબ આપ્યો ન હતો. રવિવારે ઇલેક્ટ્રોલક્સને કરેલા ઇ-મેઇલનો જવાબ પણ આ લખાય છે ત્યાં સુધી મળ્યો નથી.

એપ્લાયન્સિસમાં જામશે હરીફાઈ

રિલાયન્સ પણ કેલ્વિનેટરની મદદથી આ હરિફાઈમાં ઝંપલાવી શકશે. એટલે કે બજારમાં હવે એપ્લાયન્સિસમાં હરીફાઈ જોવા મળશે. અગાઉ કેલ્વિનેટર બ્રાન્ડનું લાઇસન્સ વીડિયોકોન ઇન્ડસ્ટ્રીઝ પાસે હતું. જોકે, સૂત્રના જણાવ્યા અનુસાર રોયલ્ટીની ચુકવણી નહીં થવાને કારણે ગયા વર્ષે કરાર તૂટી ગયો હતો. સૂત્રએ જણાવ્યું હતું કે, કેલ્વિનેટર બ્રાન્ડ અગ્રણી સ્થાન ધરાવતી હતી ત્યારે ₹1,000 કરોડથી વધુનો બિઝનેસ કરતી હતી. બ્રાન્ડ સારું આકર્ષણ ધરાવે છે અને રિલાયન્સ તેનો લાભ લઈ શકે. રિલાયન્સ થર્ડ-પાર્ટી ઉત્પાદકો દ્વારા દેશમાં કેલ્વિનેટરની રેન્જનું ઉત્પાદન કરશે. કેલ્વિનેટર બ્રાન્ડની શરૂઆત 1914માં અમેરિકામાં થઈ હતી. 1928 સુધીમાં કેલ્વિનેટરે અમેરિકાના ઇલેક્ટ્રિક રેફ્રિજરેટર માર્કેટનો 80 ટકા હિસ્સો મેળવી લીધો હતો. ત્યાર પછી કંપનીએ યુરોપ અને વિશ્વના અન્ય દેશોમાં વિસ્તરણ કર્યું હતું. ઇલેક્ટ્રોલક્સ અત્યારે કેટલાક દેશમાં કેલ્વિનેટર રેન્જના ફ્રિઝ અને એર-કન્ડિશનર્સનું વેચાણ કરે છે. ઓસ્ટ્રેલિયામાં આ બ્રાન્ડ નોંધપાત્ર બજારહિસ્સો ધરાવે છે.

Read Also

Related posts

ભારત, ઓસ્ટ્રેલિયા અને ન્યૂઝિલેન્ડ વચ્ચે BBL T20 : 61 મેચોનો કાર્યક્રમ થયો જાહેર

Pravin Makwana

બેંક ઓફ બરોડામાં પડી છે ઢગલાબંધ જગ્યાઓ, 31મી જુલાઈ છે અરજી કરવાની છેલ્લી તારીખ

Pravin Makwana

કોરોના ઇફેકટસથી નવમાંથી એક વ્યકિતને ભૂખ્યા સૂવાનો વારો, 13 કરોડ લોકો ધકેલાઈ રહ્યાં છે ભૂખમરામાં

Pravin Makwana
Do NOT follow this link or you will be banned from the site!