GSTV
Home » News » આ મહિલા સાથે કેજરીવાલની તસવીરથી મચી ગઈ છે ધમાલ, જાણો મામલો

આ મહિલા સાથે કેજરીવાલની તસવીરથી મચી ગઈ છે ધમાલ, જાણો મામલો

દિલ્હીના મુખ્યમંત્રી અરવિંદ કેજરીવાલની એક મહિલા સાથેની તસવીરના કારણે રાજકીય જગતમાં ખળભળાટ મચી ગયો છે. જેના કારણે દિલ્હીના રાજકારણમાં એક નવો વળાંક આવ્યો છે. તેમની આ તસવીર ચર્ચામાં હોવા પાછળનું કારણ તસવીરમાની સ્ત્રી છે. જેનું નામ છે પ્રભા મુન્ની, અને તે માનવ તસ્કરીના આરોપમાં છેલ્લા કેટલાય સમયથી ફરાર હતી. વાયરલ થયેલી આ તસવીરમાં કેજરીવાલ પ્રભા મુન્નીની સાથે બેઠા છે.

પ્રભા મુન્નીની જ્યારે દિલ્હીના પંજાબી બાગમાંથી ધરપકડ કરવામાં આવી તેના એક દિવસ બાદ આ તસવીર વાયરલ થઇ હતી. છેલ્લા 5 વર્ષથી નાસતી ભાગતી મુન્ની 25 તારીખે પોલીસના સકંજામાં આવી હતી. પ્રભા મુન્ની પર આરોપ હતો કે તે એનજીઓને આડે પ્લેસમેન્ટ એજન્સી ચલાવવાનો ગોરખધંધો કરી રહી છે.

આ એજન્સીના સ્ત્રોતથી આ મુન્ની યુવતીઓને નોકરીઓની લાલચ આપી રહી હતી. જ્યારે યુવતીઓ નોકરીના લોભમાં દિલ્હી પહોંચી જતી પછી તે મુન્નીના હાથે માનવતસ્કરીની શિકાર બનતી હતી.

મુન્ની સામે માત્ર દિલ્હી નહી ઝારખંડમાં પણ અઢળક કેસ લગાવવામાં આવેલા છે. ત્યાં સુધી કે ઝારખંડ પોલીસે તેના પર 25000નું ઇનામ ઘોષિત કરી દીધું હતું. પોલીસ સુત્રોનું માનવામાં આવે તો, પ્રભા દ્રારા જેટલી પણ છોકરીઓને માનવ તસ્કરીમાં ધકેલી છે તે તમામ યુવતીઓ 2013ની સાલથી ગાયબ છે. હાલ તો મુન્ની ઝારખંડ પોલીસના કબ્જા હેઠળ છે. પરંતુ કેજરીવાલ સાથેની તેની આ તસવીર જોઇ હવે કેજરીવાલ ભાજપ અને કોંગ્રસના નિશાને આવી ગયા છે.

Related posts

કોંગ્રેસ ન હરખાય, તમારા ધારાસભ્યો લાઈનમાં છે જ મારે કહેવાની જરૂર નથી

Nilesh Jethva

મોદી અને શાહના નીતિનભાઈએ કર્યા વખાણ, પીએમને આપશે આ સલાહ

Nilesh Jethva

વિઝા પુરા થતાં આ મહાશય 540 કિમી તરીને ઓસ્ટ્રેલિયા પહોંચ્યો પણ…

Pravin Makwana
Do NOT follow this link or you will be banned from the site!