યુપી પોલીસનો મોસ્ટ વોન્ટેડ ચહેરો બની ગયેલા વિકાસ દુબેની શોધમાં છેલ્લા 24 કલાકમાં યુપી પોલીસે આખી રાત દરોડા પાડવાનું ચાલુ રાખ્યું હતું. 8 પોલીસકર્મીઓ પર ફાયરિંગનો આરોપી વિકાસ દુબે આ ઘટના બાદ છુપાયો છે. અહીં સૂત્રો પાસેથી જાણવા મળ્યું છે કે ચોબેપુર પોલીસ સ્ટેશનના એક પોલીસ અધિકારીએ વિકાસ દુબેને રેડ પડવાની છે એવી જાણ કરી દીધી હતી.
કસ્ટડીમાં 12 લોકો, પોલીસના ફોન નંબર મળ્યા
શુક્રવારે રાત્રે પોલીસની લગભગ વીસ ટીમોએ જુદા જુદા જિલ્લામાં વિકાસ દુબે પર દરોડા પાડવાનું ચાલુ રાખ્યું હતું. આ તે જગ્યાઓ હતી જ્યાં વિકાસ દુબેના સંબંધીઓ અને પરિચિતો રહે છે. પોલીસે આ કેસમાં વધુ 12 લોકોને અટકાયતમાં લીધા છે. પોલીસ તેમની પૂછપરછ કરી રહી છે. પોલીસે મોબાઈલ કોલ ડિટેઇલનના આધારે આ લોકોને ઝડપી લીધા છે.
વિકાસ દુબેએ છેલ્લા 24 કલાકમાં આ લોકો સાથે વાતચીત કરી હતી. આશ્ચર્યની વાત એ છે કે વિકાસ દુબેના ફોનની કોલ ડિટેલમાં કેટલાક પોલીસકર્મીઓના નંબર પણ સામે આવ્યા છે.
ઇન્સ્પેકટરે વિકાસ દુબેને રેડ વિશે માહિતી આપી હતી
પોલીસની તપાસમાં બહાર આવ્યું છે કે ચૌબેપુર પોલીસ સ્ટેશનના એક પોલીસ અધિકારીએ પોલીસ આગમન અંગે પહેલેથી જ દુબેને જાણ કરી હતી. પોલીસની શંકાના વર્તુળમાં હાલમાં એક કોન્સ્ટેબલ, સૈનિક અને હોમગાર્ડ છે. ત્રણેયની કોલ ડિટેઇલના આધારે પોલીસ તેમની પૂછપરછ કરી રહી છે.
વિકાસ દુબે વિરુદ્ધ 60 એફઆઈઆર
શુક્રવારે કાનપુરને અડીને આવેલા બિકરૂ ગામમાં પોલીસ અને વિકાસ દુબે ગેંગ વચ્ચે લોહિયાળ એન્કાઉન્ટરમાં 8 પોલીસ જવાન શહીદ થયા હતા. આ એન્કાઉન્ટરમાં ગેંગના બે હુમલાખોરો પણ માર્યા ગયા છે. કાનપુર પોલીસ સ્ટેશનમાં વિકાસ દુબે વિરુદ્ધ 60 એફઆઈઆર નોંધાઈ છે. શુક્રવારે કાનપુર પોલીસ એક કેસની તપાસ માટે બિકરૂ ગામ ગઈ હતી. તે જ સમયે વિકાસ દુબેના કાર્યકરોએ જેસીબી મશીન લગાવી પોલીસનો રસ્તો અટકાવ્યો હતો. પોલીસકર્મીઓ આગળ વધતાં વિકાસ કાર્યકરોએ તેમની ઉપર ત્રણ દિશાઓથી ફાયરિંગ શરૂ કરી દીધી હતા.
- દેશમાં કોરોનાથી 13 દિવસમાં 10,551 મોત : મોદી સરકાર કહે છે હજુ સ્થિતિ વિશ્વ કરતાં બહેર, આ છે આંકડાઓ
- આ રીતે સારાએ ઉજવ્યો 25મો બર્થ ડે, શેર કરી ક્યુટ તસ્વીરો
- ફોન Unlock થયા બાદ પણ તમારી મરજી વગર નહીં ચાલે, ફોલો કરો આ કમાલની ટ્રિક
- સંજય દત્તના ઘરે પહોંચ્યા રણબીર કપૂર અને આલિયા ભટ્ટ, વાયરલ થઈ રહી છે તસ્વીરો
- 252GB સુધી ડેટા અને ફ્રી કોલિંગ વાળા ધાસૂં પ્લાન, 84 દિવસની વેલિડિટી સાથે જાણો બીજો શું થશે ફાયદો