જૂનાગઢ-વીસાવદરના દુધાળા ગામે બે પિતરાઈ બહેનોને ઝેર પિવડાવવાની ઘટના બનવા પામી છે. ઝેર આપેલ યુવતીઓમાંથી બીજી બહેનનું પણ મૃત્યુ થવા પામ્યું છે. જોકે ગઇકાલે એક બહેનનું મોત થવા પામ્યુ હતું. બંને બહેનોના મોતના કારણે પરિવારમાં શોકનું વાતાવરણ છવાઇ ગયુ છે. મળેલી માહિતી મુજબ ગામનાં જ બે યુવાનોએ એકતરફી પ્રેમમાં પાગલ હતા અને તેમણે ગઇકાલે બન્ને યુવતીઓને ઝેર પાયુ હતું. પોલિસે આ બાબતે તપાસ હાથ ધરી છે.
શું હતી સમગ્ર ઘટના ?
એક તરફી પ્રેમમાં પાગલ બે યુવકોએ બે યુવતીઓને પોતાની સાથે ભાગી જવા માટે ધરાર દબાણ કર્યું. યુવતીઓ ભાગી જવા તૈયાર ન થતા બંને યુવકોએ બંને યુવતીઓને ધરાર ઝેરી દવા પીવડાવી દીધી. જેમાં એક યુવતીનું કરુણ મોત થયું છે. આ ઘટના બની છે જૂનાગઢ જિલ્લાના વિસાવદર તાલુકાના દુધાળા ગીર ગામે જ્યારે કાનો ભનુ કોળી અને ભાવેશ ભરત કોળીએ ગામની જ બે યુવતીઓના એક તરફી પ્રેમમાં પડ્યા હતા.
આ બંને યુવતીઓ ખેતરમાં કામ કરી રહી હતી તે સમયે કાનો અને ભાવેશે બંને બહેનોને પોતાની સાથે ભાગી જવાની વાત કરી હતી જેથી બંને યુવતીઓએ પોતાની સગાઈ થઈ ગઈ હોય તે ભાગવા સહમત ન થતાં એક તરફી પ્રેમમાં પાગલ બંને યુવકોએ યુવતીઓના વાળ પકડી છરી બતાવી ઝેરી દવા પીવડાવી દીધી હતી.
જેમાં બંને બહેનોને તાત્કાલિક સારવાર માટે ખસેડાયેલ જેમાં એક યુવતીનું સારવાર દરમિયાન મોત થયું છે. જ્યારે બીજી યુવતીની હાલ ગંભીર છે..આ ઘટબના બાદ યુવતીની માતાની ફરીયાદના આધારે ભાવેશ અને કાના નામના યુવક વિરુદ્ધ ફરિયાદ નોંધાવતા પોલીસે બંને યુવકો વિરુદ્ધ હત્યાનો ગુનો દાખલ કરી તપાસનો ધમધમાટ શરૂ કર્યો છે
Read Also
- લગ્ન મુહૂર્ત 2024: જાણો 2024માં લગ્ન માટે ક્યારે છે શુભ મુહૂર્ત, તારીખ અને સમય સાથેનું કેલેન્ડર
- Grahan 2024: વર્ષ 2024માં ક્યારે-ક્યારે લાગશે ગ્રહણ, જાણો ભારતમાં દેખાશે કે નહીં
- ‘એનિમલ’ની સિક્વલ ‘એનિમલ પાર્ક’ પણ હશે વધુ હિંસક અને ખતરનાક, જાણો ફિલ્મના મેકર્સએ શું કહ્યું
- જાણો આ વર્ષે વિકિપીડિયામાં સૌથી વધુ શું સર્ચ કરવામાં આવ્યું, ટોપ સર્ચમાં સામેલ આ મોટી માહિતીઓ
- મોહમ્મદ શમી સહિત ત્રણ ખેલાડીઓને ICCએ પ્લેયર ઓફ ધ મંથ માટે કર્યા નોમિનેટ