GSTV
Junagadh Trending ગુજરાત

પાક નિષ્ફળ જતા ખેડૂતોના હાલ બેહાલ, વિમા કંપની તાત્કાલિક સર્વે કરે તેવી માંગ

પહેલા વરસાદ ન હતો ત્યારે ખેડૂતો વરસાદ માટે આકાશ તરફ મીટ માડીને બેઠા હતા. પરંતુ છેલ્લા બે મહિનામાં વરસાદે લીલા દૂકાળની સ્થિતિ સર્જતા ખેતરોમાં પાક નિષ્ફળ જવાની તૈયારીમાં છે. જૂનાગઢ જિલ્લામાં અવિરસ વરસાદથી મગફળી, કપાસ, તલ સહિતના પાકો પર સંકટ મંડરાઈ રહ્યું છે. જૂનાગઢમાં ચાલુ વર્ષે 150 ટકા જેટલો વરસાદ વરસી ચૂક્યો છે અને હજુ પણ વરસાદ અટકવાનું નામ લેતો નથી.

જૂનાગઢમાં બે મહિના પહેલા વરસાદની શરૂઆત થતા ખેડૂતોએ મગફળી અને કપાસનું વાવેતર કર્યુ હતુ. પરંતુ જરૂરિયાત કરતા વધુ પડતા વરસાદે ખેડૂતોની ચિંતા વધારી દીધી છે. હવે મગફળી અને કપાસનો પાક પલડવા લાગ્યો છે. મગફળી પાકી ચૂકી છે પરંતુ ખેડૂત મગફળી ઉપાડી નહી શકતા તેમાં ઉગાવો શરૂ થયો છે. જ્યારે કપાસમાં વધુ પડતા પાણીથી ઝીડવાઓ ખરી પડ્યા છે. બે ચાર દિવસ પહેલા ખેડૂતોએ મગફળી કાઢવાનુ શરૂ કર્યુ હતુ પરંતુ મેઘ કહેર થતા ખેતરમાં પડેલા પાથરણાઓ પર પાણી ફરી વળ્યુ છે.

ખેડૂતોનું કહેવું છે કે સેટેલાઈટની મદદથી ખેડૂત શું કામગીરી કરે છે તેવી ટેકનોલોજી સરકારે વિકસાવી છે. તો હવે એજ ટેકનોલોજીની મદદથી ખેતરમાં વાવેલા પાકની શું સ્થિતિ છે તેની પણ માહિતી સરકારે મેળવવી જોઈએ. જેથી ખેડૂતોની સાચી હકિકત બહાર આવે અને વીમા કંપનીઓ પાસે તાત્કાલિક સર્વે કરાવવામાં આવે.

READ ALSO

Related posts

સાઉથની વધુ એક ફિલ્મનો બોક્સ ઓફિસ પર તરખાટ, ‘પોન્નિયિન સેલ્વન’નુ બે દિવસનુ કલેક્શન 150 કરોડ

GSTV Web Desk

Ind Vs SA / ભારતે બીજી મેચમાં પણ આફ્રિકાને ચટાડી ધૂળ, ટી-20 સીરીઝ પર જમાવ્યો કબ્જો

Hardik Hingu

ભાવનગર / ચોરીના કેસમાં બે સોની વેપારી સહીત 8 આરોપીઓને 10 વર્ષની કેદની સજા

Hemal Vegda
GSTV