GSTV

કોરોના / અમેરિકન વેક્સિન કંપનીએ ભારતમાં રસીના ટ્રાયલ માટેની અરજી પાછી ખેંચી, ન જાહેર કર્યું કારણ

Last Updated on August 2, 2021 by Zainul Ansari

અમેરિકન કંપની જોહ્ન્સન એન્ડ જોહ્ન્સનએ તેની કોરોના વિરોધી રસી માટે ભારતમાં જલ્દી મંજૂરી માટેની અરજી પાછી ખેંચી લીધી છે. કંપનીએ આ પગલા પાછળનું કારણ જાહેર કર્યું નથી. ભારતીય દવા નિયમનકાર DCGI એ સોમવારે આ માહિતી આપી. જોહ્ન્સન એન્ડ જોહ્ન્સને આ વર્ષે એપ્રિલમાં ભારતમાં તેની રસીના ટ્રાયલ માટે અરજી કરી હતી.

આ અંગે કંપની તરફથી કોઈ સત્તાવાર ટિપ્પણી કરવામાં આવી નથી. ભારત હાલમાં નુકસાન સામે રક્ષણના મુદ્દાઓ પર રસી ઉત્પાદકો સાથે કાયદાકીય પડકારોનો સામનો કરી રહ્યું છે. આરોગ્ય રાજ્યમંત્રી ભારતી પ્રવીણ પવારે ભૂતકાળમાં કહ્યું હતું કે રસી ઉત્પાદકો સાથે વાતચીત કરવા માટે એક ટીમ બનાવવામાં આવી છે. આ મુદ્દાઓ ફાઇઝર, મોર્ડના અને જોન્સન એન્ડ જોહ્ન્સન સાથે છે.

અત્રે ઉલ્લેખનીય છે કે ભારતમાં અત્યાર સુધીમાં ચાર એન્ટી કોરોનાવાયરસ રસીની મંજૂરી આપવામાં આવી છે. તેમાં ભારત બાયોટેકની સ્વદેશી રસી કોવાક્સિન, ઓક્સફોર્ડ-એસ્ટ્રાઝેનેકાની કોવિશિલ્ડ, રશિયાની સ્પુટનિક વી અને મોર્ડનાની રસીનો સમાવેશ થાય છે. નોંધનિય છે કે અમેરિકન કંપની મોડર્નાની રસીને DCGI દ્વારા જૂનમાં જ ઈમરજન્સી ઉપયોગ માટે પરવાનગી આપવામાં આવી હતી.

Read Also

Related posts

ધર્મગુરુ ઝાકીર નાઈકને પુત્રવધુ જોઈએ છે, સોશિયલ મીડિયા પર કરી પોસ્ટ અને મુકી આવી શરતો

Pravin Makwana

મુખ્યપ્રધાન બન્યા બાદ ભૂપેન્દ્ર પટલે પ્રથમ વખત વિધાનસભા સત્રની કાર્યવાહીમાં આપશે હાજરી

pratik shah

સ્વામીએ મોદી સરકારની વિરુદ્ધમાં જઈ મમતાનો સપોર્ટ કર્યો, કયો કાયદો મમતા બેનરજીને રોમ જતા રોકે છે ?

Pravin Makwana
Do NOT follow this link or you will be banned from the site!