GSTV
Gujarat Government Advertisement

જીમ લેકરે એક ઇનિંગ્સમાં દસ અને મેચમાં 19 વિકેટ ઝડપી તેના કલાક બાદ શું થયું

Last Updated on July 31, 2020 by pratik shah

ક્રિકેટ ઇતિહાસમાં ઇંગ્લેન્ડના જીમ લેકર એવો રેકોર્ડ ધરાવે છે જે તોડવો લગભગ અશક્ય લાગે છે તેમાંય આજના જમાનામાં જ્યારે ટીમમાં એક સાથે બે કે ત્રણ સ્ટાર બોલર રમતા હોય ત્યારે તો વધારે કપરો લાગે છે.

જીમ લેકરે 1956માં બરાબર આજના જ દિવસે એટલે કે 31મી જુલાઇએ માન્ચેસ્ટરના ઓલ્ડ ટ્રેફર્ડ ખાતે રમાયેલી એશિઝ સિરીઝની ઓસ્ટ્રેલિયા સામેની ટેસ્ટમાં બંને દાવમાં મળીને 19 વિકેટ ખેરવી હતી. આજે કોઈ બોલરના ફાળે ઇનિંગ્સની દસ વિકેટ પણ નસીબમાં હોતી નથી. ભારતની વાત કરીએ તો જસપ્રિત બુમરાહ, ઇશાન્ત શર્મા, મોહમ્મદ શમી કે ઉમેશ યાદવ વચ્ચે વિકેટો વહેચાઈ જતી હોય  છે તેમાં કોઈ એકાદ બોલર બધી જ વિકેટ લઈ લે તેની ક્લ્પના પણ થઈ શકતી નથી.

જીમ લેકર

1956માં માન્ચેસ્ટરમાં આ ટેસ્ટ રમાઈ હતી જેના પ્રથમ દાવમાં જીમ લેકરે 37 રન આપીને નવ વિકેટ લીધી હતી જ્રયારે ઇનિંગ્સના શરૂઆતના તબક્કામાં જ ટોની લોકે બાકીની એક વિકેટ લઈ લીધી હતી. જોકે બીજા દાવમાં પ્રારંભથી જ જીમ લેકરે તરખાટ મચાવ્યો હતો અને 53 રનમાં તમામ દસ વિકેટ પોતાના નામે કરી નાખી હતી. આમ તેમણે મેચમાં તેમણે 90 રન આપીને દસ વિકેટ લીધી હતી અને ઇંગ્લેન્ડને એક ઇનિંગ્સ અને 170 રનથી વિજય અપાવ્યો હતો.

હાલના ક્રિકેટમાં કોઈ ખેલાડી સ્ટેડિયમ  કે હોટેલની બહાર એકલો જઈ શકતો નથી કેમ કે ફેન્સ તેમને મળવાની તકની જ રાહ જોઇને ઉભા હોય છે પરંતુ 1956માં આટલી હદે ફેન્સ તેના મનપસંદ ખેલાડી પર નજર રાખતા ન હતા. આમ મેચમાં 19 વિકેટ ઝડપ્યા બાદ લંડન પરત ફરતી વખતે જીમ લેકર એક પબમાં ગયા હતા.

જીમ લેકર

એક મેચમાં 19 વિકેટની અસામાન્ય સિદ્ધિ હાંસલ કર્યાને હજી એકાદ બે કલાક જ થયા હશે. પણ એ પબમાં જીમ લેકરને કોઈ ઓળખી શક્યું નહીં. તેઓ ત્યાં બેસીને તેમની જ સિદ્ધિ વિશે ટીવી પર આવી રહેલી હાઇલાઇટ નિહાળતા હતા. આમ ત્યાં પબમાં તેમને કોઈ ઓળખી શક્યું નહીં. તેમણે એક પેગ લીધો અને સાથે સેન્ડવિચ ખાધી અને થોડી વારમાં તેઓ બિલ પેમેન્ટ કરીને બહાર નીકળી ગયા. એ પબમાં હાજર રહેલા કોઈ તેમને ઓળખી શક્યા નહીં.

હવે વિચારી જૂઓ કે જસપ્રિત બુમરાહ તે આજનો કોઈ બોલર મેચમાં 19 અને એક દાવમાં 10 વિકેટ ખેરવે અને તેના એક કલાકમાં જ કોઈ હાઇવે પરના ઢાબા પર જાય અને કોઈ તેને ઓળખી શકે નહીં તેમ બની શકે.

MUST READ:

Gujarat Government Advertisement

Related posts

તાનાશાહી/ 5 ભાઈબહેન ધરાવતા ભાજપના સીએમે કહ્યું કે બેથી વધુ બાળકો ધરાવનારને સરકારી યોજનાઓનાં નહીં મળે લાભ

Vishvesh Dave

“અંધારી” ગામમાં ઉજાસ / અમદાવાદ જિલ્લામાં સંપૂર્ણ આદિવાસી સમુદાયની વસ્તી ધરાવતું અનોખું ગામ

Zainul Ansari

શ્વાસ અધ્ધર / અમદાવાદથી દિલ્હી જતી ફલાઇટ સાથે પક્ષી અથડાતા એન્જીન નુકસાનગ્રસ્ત, પક્ષીઓ આવવાનું કારણ જાણી ચોંકી ઉઠશો

Pravin Makwana
Do NOT follow this link or you will be banned from the site!