જયેશભાઈ જોરદારનુ ટ્રેલર જોઈને ખૂબ મજા આવી હતી, સૌથી શ્રેષ્ઠ તો રણવીર સિંહનો લુક અને તેમની તે ગુજરાતી બોલવાની સ્ટાઈલ લાગી હતી. વચ્ચે-વચ્ચે એવા ફની સીન પણ બતાવાયા હતા કે લાગ્યુ આ ફિલ્મ તો સાચા અર્થમાં જોરદાર નીકળશે. પેલુ કહે છે ને કે કોમેડીની સાથે-સાથે કોઈ સંદેશ આપનારી ફિલ્મ. રાજકુમાર હિરાનીની ફિલ્મમાં તો એવુ દરેક વખતે દર્શાવવામાં આવે છે. આ વખતે ડાયરેક્ટર દિવ્યાંગ ઠક્કર પણ તે જ પ્રયાસમાં કાર્યરત છે. હવે આપણા જયેશભાઈ કેટલા જોરદાર છે, કેટલા અસરદાર છે. તે વાંચીએ.
ગુજરાતનુ એક ગામ અને ત્યાંના સરપંચ જે પોતે તો પુરુષ પ્રધાનવાળી માનસિકતા રાખે જ છે, પોતાના સમાજને પણ તે જ રસ્તો બતાવે છે. ગામમાં કોઈ યુવક, યુવતીને છેડી દે તો યુવતીનુ સાબુથી નહાવાનુ બંધ કરાવી દેવુ તેનો તર્ક છે. તે સરપંચનો પુત્ર છે જયેશ, તેની પત્ની છે મુદ્રા અને એક દિકરી પણ છે. પાંચ વાર મુદ્રાનો ગર્ભપાત કરાવી દેવાયો છે કેમ કે પરિવારને વારસદાર વધારવા માટે પુત્રની જરૂર છે. હવે મુદ્રા ફરીથી ગર્ભવતી છે, ડોક્ટરે હિંટ આપી દીધી છે જય માતા દી, એટલે કે બાળકી આવવાની છે.
ટ્રેલરમાં જ ખબર પડી ગઈ હતી કે જયેશ સમાજ અને પોતાના પિતાના વિચારથી સંમત નથી. એવામાં જેવી જ બાળકીવાળી વાતની જાણ થાય છે, તેના જીવનમાં હડકંપ મચી જાય છે અને શરુ થાય છે ભાગવાનો સિલસિલો, સમાજથી ભાગવાનુ, પોતાના પરિવારથી ભાગવાનુ અને ક્યાંક ને ક્યાંક સત્યથી ભાગવાનુ, હવે ક્યાં જઈને આ દોડાદોડ પૂરી થાય છે, શુ મુદ્રા તે બાળકીને દુનિયામાં લાવી શકે છે, શુ જયેશનો પરિવાર પોતાનો વિચાર બદલી શકે છે, બસ આ કેટલાક છે જેના જવાબ તમને 120 મિનિટની ફિલ્મ જોયા બાદ મળી જશે.
દિવાળીમાં જ્યારે તમે ક્યારેક ખૂબ ઉત્સાહિત થઈને કોઈ ફટાકડા લઈને આવો છો, તો અલગ લેવલનુ ક્રેઝ રહે છે. રાહ જોઈએ છીએ કે ક્યારે સળગાવીશુ અને એક શાનદાર આતિશાજી જોવા મળશે પરંતુ જો દિવાળીવાળા દિવસે તે ફટાકડા સળગાવતા જ સૂરસૂરિયુ થઈ જાય… તો કેવુ લાગે? જે ભાવ તમારા મનમાં ત્યારે આવે છે, આવુ જ કંઈક આપણને આ જયેશભાઈ જોરદાર જોઈને લાગી રહ્યુ છે. ટ્રેલર જોયા બાદ મન માની ચૂક્યુ હતુ કે કોઈ શ્રેષ્ઠ મનોરંજન મળવાનુ ચે. વચ્ચે-વચ્ચે કોઈ શીખ પણ મળી જાય, આનાથી શ્રેષ્ઠ શુ હોઈ શકે છે પરંતુ જયેશભાઈ ફિલ્મ જોરદાર નીકળી નહીં.
ત્રણ મિનિટનુ ટ્રેલર, એટલુ જ મનોરંજન
જયેશભાઈ જોરદારનુ ટ્રેલર જોઈને આપને જે સીનમાં હસુ આવ્યુ હતુ અને જ્યાં તમે થોડુ વિચારવા મજબૂર થયા હતા, સમગ્ર ફિલ્મમાં પણ તમે માત્ર તે જ સીનમાં હસવાના છે અને થોડુ ઘણુ વિચારવા મજબૂર થઈ શકો છો. જયેશભાઈ જોરદારનુ ટ્રેલર લગભગ ત્રણ મિનિટનુ છે, તો બસ એટલુ જ મનોરંજન તમે માની લો કેમ કે બાકી ફિલ્મ તો એકદમ બોરિંગ છે.
એક્ટિંગે લાજ બચાવવાનો પ્રયત્ન કર્યો
હવે નિરાશાજનક વાર્તા અને બાલિશ હરકતો વચ્ચે માત્ર રાહત છે અથવા કહો કે આશાનું કિરણ છે. જયેશભાઈ જોરદારમાં એક્ટિંગ તમામ કલાકારોની સારી છે, પરંતુ માત્ર એક્ટિંગ, કમજોર કહાનીએ તેમના પાત્રોને નિખરવાની કોઈ તક આપી નહીં. જયેશના રોલમાં રણવીરની મહેનત દેખાઈ, એક્સપ્રેશનથી લઈને બોલવાના અંદાજ સુધી, પાત્રને પોતાના બનાવવાનો પ્રયાસ રહ્યો છે. પરંતુ વચ્ચે-વચ્ચે તેમની ઓવરએક્ટિંગે મજા બગાડી. મુદ્રા વાળા રોલમાં શાલિની પાંડે પણ પોતાનુ કામ કરી ગઈ છે. રણવીરની સાથે તેમની કેમેસ્ટ્રી પણ ઠીક-ઠીક કહેવામાં આવશે. સરપંચ બનેલા બોમન ઈરાની, તેમની પત્નીના રોલમાં રતના પાઠક પણ પોતાના પાત્રની સાથે ન્યાય કરી રહ્યા છે. જયેશ-મુદ્રાની પુત્રી બનેલી જિયા વૈદ્યએ ફિલ્મમાં થોડુ ફન એલીમેન્ટ જોડ્યુ છે.
ડાયરેક્ટરની ભૂલ જે ભારે પડી
જયેશભાઈ જોરદારના ડાયરેક્ટર દિવ્યાંગ ઠક્કરના કામ પર વાત કરવી પણ જરૂરી હોય છે. ગુજરાતી સિનેમામાં તેમનો શ્રેષ્ઠ અનુભવ રહ્યો છે, પરંતુ કદાચ બોલીવુડ ફિલ્મ બનાવવામાં તેઓ ખરા ઉતર્યા નહીં. પહેલા તો જે મુદ્દો તેમણે ફિલ્મમાં ઉઠાવ્યો હતો. તે કોઈ નવો નથી. એટલી ફિલ્મ પહેલા પણ બની ચૂકી છે કે તમામને આ જ્ઞાન કંઠસ્થ થઈ ચૂક્યુ છે. એવામાં તેમને તો બસ એક કામ કરવાનુ હતુ, કંઈક અલગ અંદાજમાં દર્શકો સુધી પોતાનો સંદેશ પહોંચાડવાનો હતો પરંતુ તે એક કામમાં જ તે સમગ્ર રીતે ફેલ થઈ ગયા છે. ના તેઓ નવુ એન્ગલ લાવી શક્યા, ના કોઈ એવો તર્ક આપી શક્યા કે દર્શક ફિલ્મ જોઈ કોઈ વિચારમાં ડૂબી જાય. બસ ફિલ્મ પૂરી થતા જ તરત ઉઠવાનુ મન કર્યુ. સારી વાત એ રહી કે તેમણે પોતાની તરફથી વધારે ભૂમિકા બાંધવાનો પ્રયત્ન કર્યો નહીં, સીધા મુદ્દા પર આવ્યા, પરંતુ સાથે કહાની લાવવાનુ કદાચ ભૂલી ગયા. આ કારણથી જયેશભાઈ જોરદાર થવાના બદલે બોરિંગ થઈ ગયા.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- સુરતના પશુપાલકો માટે આનંદના સમાચાર, સુમુલ ડેરીએ દૂધમાં પ્રતિ કિલો ફેટ પર 10 રૂપિયાનો વધારો કર્યો
- મોટા સમાચાર/ કાબુલની મસ્જિદ અને મિનિ બસોમાં ચાર વિસ્ફોટ : 16થી વધુના મોત, અનેક ઘાયલ
- Stress Release Tips/ ટેન્શન અને ડિપ્રેશનથી વધી રહી છે મુશ્કેલીઓ, તો અપનાવો આ ઉપાયો તરત જ અનુભવશો રાહત!
- BIG BREAKING: એશિયન ગ્રેનિટો ઈન્ડિયા લિમિટેડ પર IT ના દરોડા, 200 અધિકારીઓ પોલીસ કાફલા સાથે 35થી 40 સ્થળે પાડી રેડ
- પાકિસ્તાનમાં ગૃહયુદ્ધ જેવી સ્થિતિ! ઇસ્લામાબાદમાં સમર્થકોએ મેટ્રો સ્ટેશનને ચાંપી આગ, પોલીસે સેંકડો વિરોધીઓની કરી અટકાયત