GSTV

અરે બાપ રે! બુઢ્ઢો બનીને દેશમાંથી ભાગી રહેલા આ શખ્સે કર્યા છે આવા મોટા કાંડો

8 સપ્ટેમ્બરના રોજ 32 વર્ષીય જયેશ પટેલ દિલ્હીના આઈજીઆઈ એરપોર્ટ પર પકડાયો હતો. કેમ પકડાયો કારણ કે તેમણે સફેદ દાઢી, માથા ઉપર પાઘડી, સફેદ કુર્તો, ચહેરા પર નિષ્કપટ અભિવ્યક્તિ દ્વારા પોતાનો લૂક 81 વર્ષના વૃદ્ધનો બનાવ્યો હતો. બનાવટી પાસપોર્ટ બનાવ્યો. તેણે પોતાનું નામ અમરિક સિંહ રાખ્યું અને એરપોર્ટ પર પહોંચી ગયો. ત્યાં સીઆઈએસએફના જવાનોને કંઈક અજુગતુ લાગ્યુ હતુ. ‘વૃદ્ધ માણસ’ ની ત્વચા અને વર્તન થોડું વિચિત્ર લાગ્યું. જયેશે એરપોર્ટ પર ચેકિંગ કરાવવાની ના પાડી. કહ્યું કે તે ખૂબ જ વૃદ્ધ છે, તેથી તે લાંબા સમય સુધી ઉભો રહી શકતો નથી. સબ-ઇન્સ્પેક્ટર રાજવીરસિંહે નોંધ્યું છે કે ‘વૃદ્ધ વ્યક્તિ’ આઈ કોન્ટેક્ટ નથી કરી રહ્યો. શંકા અહીંથી શરૂ થઈ હતી અને તે પછી તેની ખૂબ જ સખત પૂછપરછ કરવામાં આવી હતી, ત્યારબાદ તેણે પોતાની તેની સાચી ઓળખ જાહેર કરી. તેણે જણાવ્યું કે તે અમદાવાદ, ગુજરાતનો રહેવાસી છે અને તેનું સાચું નામ જયેશ પટેલ છે.

જયેશને 1 દિવસમાં જ મળી ગયો હતો પાસપોર્ટ

જયેશ પટેલે 20 ઓગસ્ટે પાસપોર્ટ માટે અરજી કરી હતી અને 21 ઓગસ્ટે તેને પાસપોર્ટ મળ્યો હતો. માત્ર 1 દિવસમાં જ તેને દિલ્હીના સરનામે પાસપોર્ટ મળી ગયો હતો. જ્યારે તેણે તત્કાલ માટે અરજી પણ કરી ન હતી. બનાવટી નામો અને સરનામાં પર અસલી પાસપોર્ટ રજૂ કરાયો હતો. પ્રારંભિક તપાસમાં બહાર આવ્યું છે કે સાક્ષી માટે જે 2 લોકોના નામ હતા તેમનો પણ સંપર્ક કરવામાં આવ્યો નથી. ઘણી કાનૂની કાર્યવાહી હવામાં મૂકવામાં આવી હતી.

પોલીસનું કહવું છેકે, આ સંભવ છેકે, પોલીસ વેરિફિકેશનમાં અમુક લોકો પ્લાન્ડ રીતે સામેલ થાય છે. કોઈ ઈમિગ્રેશનનો માણસ પણ આ બધામાં મળેલો હોઈ શકે છે. કારણકે એક દિવસમાં પાસપોર્ટ બનીને આવવો ઘણા સવાલો ઉભા કરે છે. પાસપોર્ટ બનાવવા માટે નકલી આધાર કાર્ડ અને વોટર આઈડી કાર્ડ પણ બનાવવામાં આવ્યા હતા. આ તપાસનો વિષય છેકે, આધાર કાર્ડ માટે જે ફિંગર પ્રીન્ટની જરૂર હોય, ત્યાં ચિટિંગ કેવી રીતે સંભવ છે. પોલીસે હજી સુધી આ મામલે કોઈ સ્પષ્ટતા કરી નથી. પોલીસનું કહેવું છેકે,તપાસ હજી ચાલુ છે.

READ ALSO

Related posts

ભારતના આ ચાર રાજ્યોમાં હવે માસ્ક પહેરવું ફરજીયાત, કડક નિર્ણય લેવા પાછળ આ કારણ જવાબદાર

Mayur

મહામારી સામે લડવા કેજરીવાલ સરકારે લીધા બે મોટા નિર્ણયો, 20 જગ્યાઓ સજ્જડ સીલ

Mayur

Corona Effect: ડોલરના મુકાબલે ગગડ્યો રૂપિયો, અત્યાર સુધીના સૌથી નીચા સ્તરે

Arohi
Do NOT follow this link or you will be banned from the site!