GSTV

જમ્મુ-કાશ્મીરમાં આતંકીઓની નાપાક હરકત, પોલીસકર્મીઓને નોકરી છોડવાની ધમકીઓ

Last Updated on August 1, 2018 by

જમ્મુ-કાશ્મીરમાં આતંકવાદીઓ દ્વારા હવે નિશસ્ત્ર પોલીસકર્મીઓ તથા સુરક્ષાદળના જવાનોને નિશાન બનાવવાનું શરૂ કરી દેવામાં આવ્યું છે. તેઓ સતત સુરક્ષાદળોના મકાનમાં ઘુસીને તેમના પર હુમલા કરી રહ્યા છે અને તેમને ધમકીઓ પણ આપી રહ્યા છે. પુલવામા જિલ્લામાં રવિવારે સીઆરપીએફના જવાનની તેના ઘરમાં ઘૂસીને હત્યા કરાયા બાદ આતંકવાદીઓ દ્વારા હવે ત્રણ પોલીસકર્મીના મકાનમાં ઘૂસીને તેમના પર હુમલા કરવામાં આવ્યા છે. અંગ્રેજી અખબારના અહેવાલ મુજબ. દક્ષિણ કાશ્મીરના શોપિયાં જિલ્લામાં સોમવારે હથિયારબંધ આતંકવાદીઓ દ્વારા ત્રણ પોલીસકર્મીઓ પર હુમલા કરવામાં આવ્યા હતા.

પોલીસકર્મીઓના ઘરમાં ઘૂસીને આતંકવાદીઓએ તેમને નોકરી નહીં છોડવાની સ્થિતામાં જાનથી મારી નાખવાની ધમકી પણ આપવામાં આવી હતી. છેલ્લા ત્રણ દિવસોમાં કાશ્મીર ખીણમાં જમ્મુ-કાશ્મીર પોલીસ સહીત સુરક્ષાદળો પર હુમલો કરવાની આ ત્રીજી ઘટના છે. રવિવારે સીઆરપીએફના જવાન નસીર અહમદની પુલવામા જિલ્લાના નાયરા ખાતેના ઘરમાં ઘૂસીને તેની હત્યા કરવામાં આવી હતી. શનિવારે આતંકવાદીઓએ એસપીઓ મુદાસિર અહમદ લોનનું પુલવામાના ત્રાલમાંથી અપહરણ કરીને તેને ખરાબ રીતે માર માર્યો હતો. જો કે આતંકવાદીઓએ મુદાસિરને નોકરી છોડવાની ચેતવણી સાથે છોડી દીધો હતો.

મુદાસિર જમ્મુ-કાશ્મીર પોલીસમાં કુક તરીકે કામ કરે છે. સત્તાવાર આંકડા મુજબ. આ વર્ષની શરૂઆતના છ માસમાં આતંકવાદીઓએ 39 સુરક્ષાદળોની હત્યા કરી દીધી હતી. જેમાં 17 સેનાના જવાનો, વીસ જમ્મુ-કાશ્મીર પોલીસના કર્મચારીઓ અને બે સીઆરપીએફના જવાનોનો સમાવેશ થાય છે. જાન્યુઆરીથી જૂન-2018 વચ્ચે આતંકવાદીઓના હુમલામાં 98 જવાનો ઘાયલ પણ થયા છે.

Related posts

BIG NEWS / કોંગ્રેસ નેતાનું મોટું નિવેદન : રાજ્યના CM બદલાઈ શકે છે, જાણો કોને સોંપાઇ શકે મુખ્યમંત્રીનું પદ

Dhruv Brahmbhatt

સગીરનો હાથ પકડીને પ્રેમ વ્યક્ત કરવો જાતીય સતામણી નથી: પોક્સો કોર્ટે 28 વર્ષીય આરોપીને નિર્દોષ જાહેર કર્યા

Pravin Makwana

જમાઈરાજા બગડ્યા: પત્નિ અને સસરા ઘર જમાઈ બનાવવા માગતા હતા, જમાઈ એવો ભડક્યો કે વિજળીના થાંભલા પર ચડી બેઠો

Pravin Makwana
Do NOT follow this link or you will be banned from the site!