GSTV

જમ્મુ-કાશ્મીરમાં ફિદાઈન હુમલાની આશંકા વચ્ચે હાઈએલર્ટ જાહેર

Last Updated on June 1, 2018 by

જમ્મુ-કાશ્મીરમાં ફિદાઈન હુમલાની આશંકા વચ્ચે હાઈએલર્ટ જાહેર કરવામાં આવ્યું છે. ઈન્ટેલિજન્સ ઈનપુટ્સમાં આત્મઘાતી હુમલાની આશંકા વ્યક્ત કરવામાં આવી છે. તેને ધ્યાનમાં રાખીને તમામ સુરક્ષા એજન્સીઓને સાવધાન કરવામાં આવી છે.

સૂત્રોનું કહેવું છે કે આતંકવાદીઓની જમ્મુ-કાશ્મીરમાં ઘૂસણખોરીને લઈને રાજ્યમાં હાઈએલર્ટ ઘોષિત કરવામાં આવ્યું છે. આશંકા છે કે જમ્મુ-કાશ્મીરમાં પાકિસ્તાની આતંકવાદી મસૂદ અઝહરના આતંકી સંગઠન જૈશ-એ-મોહમ્મદના 12 જેટલા આતંકવાદીઓએ ઘૂસણખોરી કરી છે. જેને કારણે શ્રીનગર અને જમ્મુમાં સુરક્ષાકર્મીઓએ વાહનોનું સઘન ચેકિંગ શરૂ કર્યું છે અને હોટલ તથા ધર્મશાળામાં રોકાયેલા લોકોની માહિતી પણ એકઠી કરવાનું શરૂ કર્યું છે.

જમ્મુ-કાશ્મીરના મુખ્ય શહેરોમાં પ્રવેશદ્વારો પર ચોકસાઈ વધારવામાં આવી છે. તમામ સંવેદનશીલ સ્થાનો પર સુરક્ષા બંદોબસ્ત વધુ ચુસ્ત-દુરસ્ત બનાવાયો છે. મહત્વપૂર્ણ છે કે બીજી જૂને જંગ-એ-બદર હોવાને કારણે હાઈએલર્ટ જાહેર કર્યું છે.

ઈન્ટેલિજન્સ એજન્સીઓને મળેલી માહિતી મુજબ. રમઝાન માસના 17મા દિવસે જંગ-એ-બદર વખતે જમ્મુ-કાશ્મીરમાં કોઈ મોટા આંતકી હુમલાના ષડયંત્રને લઈને ઈનપુટ્સ મળ્યા છે. તેને જોતા રાજ્યમાં ગુપ્તચર એજન્સીઓના એલર્ટને કારણે સુરક્ષા વ્યવસ્થા વધુ મજબૂત બનાવવામાં આવી છે.

ઈન્ટેલિજન્સ એજન્સી દ્વારા જમ્મુ ક્ષેત્રની આંતરરાષ્ટ્રીય સરહદ અથવા રાજૌરી-પુંછ જિલ્લાની અંકુશ રેખા દ્વારા એક ફિદાઈન આતંકીઓની ટુકડીની ઘૂસણખોરીની આશંકા વ્યક્ત કરવામાં આવી છે. જેને કારણે જમ્મુ-કાશ્મીરમાં આવેલી તમામ સૈન્ય છાવણીઓ અને ખાસ કરીને જમ્મુ ક્ષેત્રમાં આવેલા સુરક્ષા પ્રતિષ્ઠાનોમાં કડક સુરક્ષા વ્યવસ્થાના નિર્દેશ આપવામાં આવ્યા છે.

મે માસમાં જમ્મુ-કાશ્મીરના તંગધાર સેક્ટરમાં સુરક્ષાદળોએ પાંચ આતંકવાદીઓને ઠાર મારવામાં આવ્યા છે. આ આતંકવાદીઓ ઘૂસણખોરીની કોશિશ કરી રહ્યા હતા. સુરક્ષાદળોએ તેમને અંકુશ રેખા પર જ ઠાર માર્યા હતા.

મહત્વપૂર્ણ છે કે કેન્દ્ર સરકાર દ્વારા ઘોષણા કરવામાં આવી હતી કે રમઝાન માસમાં આતંકવાદીઓ વિરુદ્ધ ઓપરેશન ચલાવવામાં નહીં આવે. ભારત સરકાર તરફથી કહેવામાં આવ્યું હતું કે આતંકવાદીઓ દ્વારા હુમલા કરવાની સ્થિતિમાં સુરક્ષાદળ વળતી કાર્યવાહી કરી શકશે.

કેન્દ્ર સરકારે રાજ્ય સરકારની માગણી પર જમ્મુ-કાશ્મીરમાં શરતી યુદ્ધવિરામનો આદેશ જાહેર કર્યો હતો. પરંતુ આતંકવાદીઓની સરહદ પારની ગતિવિધિઓ જોતા આવા શરતી યુદ્ધવિરામનો મતલબ તેવા પ્રશ્નો પણ ઉઠી રહ્યા છે.

Related posts

ઓમીક્રોનના ડર વચ્ચે 6 રાજ્યોને અપાયું એલર્ટ, ફરી વધી શકે છે કોરોના સંક્રમણ

Zainul Ansari

સંયુક્ત કિસાન મોરચા બેઠક કમિટી માટે પાંચ સભ્યોના નામની કરાઈ પસંદગી, અનેક મુદાઓ પર કરશે સરકાર સાથે ચર્ચા

Zainul Ansari

Navy Day 2021 : 225 ફૂટ લંબાઈ, 1400 કિલો વજન, નેવી ડે નિમિત્તે નૌકાદળે કર્યો સૌથી મોટો ત્રિરંગો પ્રદર્શિત

Vishvesh Dave
Do NOT follow this link or you will be banned from the site!