ઉત્તરપ્રદેશના લખનઉમાં કમલેશ તિવારીની હત્યા મામલે અમદવાદમાં હિંદુ સમાજ પાર્ટી દ્વારા આરોપીને સભ્ય બનાવવા અંગે તેમજ અન્ય બાબતની ચોખવટને લઈને પત્રકાર પરિષદનું આયોજન કર્યુ હતું. જેમાં હિંદુ સમાજ પાર્ટીના જૈમેની દવેએ ખુલાસો આપતાં કહ્યું કે, આ પાર્ટીમાં માત્ર હિંદુ સમાજના લોકોને જ એન્ટ્રી આપવામાં આવે છે.
આરોપી અસફાકે રોહિત સોલંકી નામ ધરાવતું આધાર કાર્ડ મોકલ્યું હતું, જેને લઈને તેને સભ્ય બનાવવામાં આવ્યો હતો. 10 દિવસ બાદ અસફાકનો મેસેજ આવ્યો હતો અને હિંદુ સમાજના કાર્યો કરવા માગતો હોવાનું જણાવ્યું હતું. આધાર કાર્ડમાં સુરતનું એડ્રેસ હતું તેથી જ તેને પ્રચારક તરીકેનો હોદ્દો આપવામાં આવ્યો હતો. રાષ્ટ્રીય કાર્યક્રમમાં જવાની ઈચ્છા અસફાકને થઈ હતી અને તે તેના એક મિત્ર સાથે ગયો હતો.
આ ઉપરાંત અસફાકે નવા નંબરથી કોલ કરીને મોબાઈલ ચોરીનું જણાવ્યું હતું. આ ઉપરાંત જૈમીન દવેએ કહ્યું કે અસફાકે રોહીત સોલંકીના નામનો ઉપયોગ કર્યો હતો અને જ્યારે તે અમદાવાદ આવતો ત્યારે મને મળવાનો આગ્રહ રાખતો હતો. અસફાક અંગે કમલેશ તિવારીને કોઈ શંકા ગઈ ન હતી ત્યારે મને કઈ રીતે શંકા જાય તેમ પણ જૈમીન દવેએ કહ્યું હતું.
જૈમીન દવેએ પોતાની અને પરિવારની જીવની ચિંતા પણ વ્યક્ત કરી હતી. સાથે જ હત્યાના ચાર દિવસ પહેલાં જ ફ્રેન્ડ રિકવેસ્ટ આવી હોવાની ચોખવટ કરી હતી.
Read Also
- ટ્વીટર હેકનો માસ્ટરમાઇન્ડ 17 વર્ષનો કિશોર, અમેરિકામાં ટીનેજર્સમાં સોશિયલ મીડિયાની આ એપ અત્યંત લોકપ્રિય
- નેગેટિવ રિપોર્ટ છુપાવી આ હોસ્પિટલમાં 17 દિવસ સુધી મહિલાની કરાઇ કોરોનાની સારવાર, મોત થતાં કહી દીધું સૉરી…
- Facebook, Apple, Google, Amazon પર લાગ્યાં આટલા ગંભીર આરોપ: સીઇઓની થશે પૂછપરછ
- ભૂમિ પૂજન માટે સાજ-શણગાર સાથે તૈયાર રામનગરી અયોધ્યા, ગુજરાતથી ચાંદી લઈને રવાના થયા સાધુ-સંત
- Facebookએ Whatsapp પર શરૂ કરી આ અમેઝિંગ સર્વિસ, જાણો કેવી રીતે કરશો યુઝ