GSTV
India News ટોપ સ્ટોરી

નવી સિદ્ધિ/ ISRO એ નવીનતમ સંદેશાવ્યવહાર ઉપગ્રહ GSAT-24 સફળતાપૂર્વક કર્યું લોન્ચ, ‘DTH’ ની જરૂરિયાત માટે બનશે મદદરૂપ

યુરોપિયન સ્પેસ એજન્સી (ESA) અને Arianespace એ ભારતના GSAT-24 સંચાર ઉપગ્રહને 22 જૂન 2022ના રોજ અવકાશમાં સફળતાપૂર્વક તૈનાત કર્યો છે. આ સેટેલાઇટથી ટાટા કંપનીને ફાયદો થશે. કારણ કે ઈસરોની વ્યાપારી શાખા ન્યુસ્પેસ ઈન્ડિયા લિમિટેડ (NSIL) એ ટાટા પ્લેને GSAT-24 ઉપગ્રહ લીઝ પર આપ્યો છે.

હવે આ ઉપગ્રહ દેશમાં DTH જરૂરિયાતોને પહોંચી વળવા માટે સમગ્ર ભારતમાં કવરેજ આપશે. આ ઉપગ્રહ અને તેના તમામ સાધનોને 18 મે 2022ના રોજ કાર્ગો પ્લેન ગ્લોબમાસ્ટર C-17 દ્વારા કૌરો મોકલવામાં આવ્યા હતા. GSAT-24 એ 24-Ku બેન્ડ કોમ્યુનિકેશન સેટેલાઇટ છે જેનું વજન 4181 કિલો છે. પ્રક્ષેપણ 22 જૂન 2022 ના રોજ ફ્રાન્સના ફ્રેન્ચ ગુઆનાના કૌરોમાં એરિયલ સ્પેસ સેન્ટરથી કરવામાં આવ્યું હતું.

GSAT-24 સેટેલાઇટ 15 વર્ષ સુધી કામ કરશે. તે DTH સેવા પ્રદાતા ટાટા પ્લે માટે તેની સેવાઓ પ્રદાન કરશે. આ સેટેલાઇટની મદદથી ટાટા પ્લે સમગ્ર ભારતમાં વધુ સારી અને સરળ DTH સેવાઓ પ્રદાન કરવામાં સક્ષમ બનશે. એરિયનસ્પેસથી લોન્ચ કરવામાં આવેલો આ 25મો ભારતીય ઉપગ્રહ છે. Arianespace અત્યાર સુધીમાં 11 GSAT-24 સેટેલાઇટ લોન્ચ કરી ચૂકી છે. ISRO અને Arianespace વચ્ચેનો સંબંધ 1981 થી સતત રહ્યો છે. તેની શરૂઆત એપલ સેટેલાઇટના લોન્ચિંગ સાથે થઈ હતી.

ઈસરોના GSAT-24 ઉપરાંત આ રોકેટથી MEASAT નામનો ઉપગ્રહ પણ લોન્ચ કરવામાં આવ્યો છે. તે એરબસ કંપની દ્વારા તૈયાર કરવામાં આવી હતી. તેનું વજન 5648 કિલો છે. આ બંને ઉપગ્રહ પૃથ્વીની જીઓસ્ટેશનરી ઓર્બિટમાં ફરશે. Ariane-5 ECA રોકેટ 53-મીટર ઊંચું રોકેટ છે. તેનો વ્યાસ 11.5 મીટર છે. તે ભારે ઉપગ્રહોને નિશ્ચિત ભ્રમણકક્ષામાં મૂકવાની શક્તિ ધરાવે છે.

READ ALSO

Related posts

જય જગન્નાથ / રથયાત્રાને લઈ ટ્રાફિક વિભાગનું વિશેષ આયોજન, આ રસ્તાઓ રાતથી કરવામાં આવશે બંધ

Zainul Ansari

કોરોનાનો કહેર / મહારાષ્ટ્રમાં 6000થી વધુ કેસો નોંધાયા, એક્ટિવ કેસ 24 હજારને પાર

Hardik Hingu

મહારાષ્ટ્ર / બળવાખોર ધારાસભ્યોની સુપ્રીમ કોર્ટમાં અરજી : અમારા જીવને જોખમ, રોજ મળી રહી છે ધમકીઓ

Hardik Hingu
GSTV