અમેરિકામાં શિકાગો એરપોર્ટ પર મારામારીનો વિડીયો સોશિયલ મીડિયા પર વ્યાપક પાયા પર ફેલાયો છે. તેમા લોકો એકબીજા સાથે છૂટા હાથની મારામારી કરી રહ્યા છે અને એકબીજા પર લાતો અને મુક્કાનો વરસાદ વરસાવી રહ્યા છે. જો હવે આવું ભારત જેવા દેશમાં થયું હોત તો આ જ લોકો કહેતા હોત કે યુ ડર્ટી પીપલ.
સોશિયલ મીડિયા પર વાઇરલ થયેલા વિડીયોમાં સ્પષ્ટ દેખાય છે કે લોકો એકબીજા પર લાતો અને મુક્કાનો વરસાદ વરસાવી રહ્યા છે. જ્યારે સિક્યોરિટી ગાર્ડ તેમને અટકાવવાનો પ્રયત્ન કરી રહ્યા છે.
Brawl at Chicago O’Hare airport this morning pic.twitter.com/fsH6n3yABd
— Mr Bogus (@Mr_Bogus0007) May 23, 2023
અમેરિકાના શિકાગો એરપોર્ટ પર બનેલો આ બનાવ સોમવારનો છે. પ્રવાસીઓ વિમાનમાંથી ઉતરી રહ્યા હતા ત્યારે આ મારામારી થઈ હતી. પોલીસે જણાવ્યું હતું કે લડાઈનો પ્રારંભ ગાળોથી થયો હતો. આ મારામારી એરપોર્ટના બેગેજ એરીયામાં થઈ છે. અહીં લોકો પોતાનો સામાન લેવા આવે છે.
આ દરમિયાન એક ૨૪ વર્ષની મહિલા પર બે જણાએ હુમલો કર્યો. પોલીસે તેમની ધરપકડ કરી છે. આરોપીઓની ઓળખ ૧૮ વર્ષના ક્રિસ્ટોફર હેપ્ટન અને ૨૦ વર્ષના ટેબ્રા હિન્ક્સ તરીકે થઈ છે. તેમના પર ઝગડો કરવાનો કેસ નોંધવામાં આવ્યો છે. આ ઘટનાનો વિડીયો સોશિયલ મીડિયા પર વાઇરલ થયો છે. પહેલા તો એક્ વ્યક્તિ બીજી વ્યક્તિ પર ઝપટતો દેખાય છે. તે સમયે એક અન્ય વ્યક્તિ લીલા રંગના ટી શર્ટમાં આવે છે. કેટલીક મહિલાઓ જમીન પર પડી ગઈ હોવા છતાં મારામારી કરી રહી છે અને વાળ ખેંચી રહી છે. પોલીસે જો કે આ ઘટના અંગે બીજી કોઈ જાણકારી આપી નથી.
READ ALSO
- BHAVNAGAR / પત્નીના ત્રાસથી કંટાળી પતિએ શરીર પર પેટ્રોલ છાંટી પોલીસ સ્ટેશનમાં જ કર્યો આત્મદાહનો પ્રયાસ
- વડોદરા : ઓરસંગ નદીમાં આધેડને મગર ખેંચી જતા ભારે શોધખોળના અંતે ફાયર ફાઈટરને મૃતદેહ મળ્યો
- RAJKOT / મોટામવા વિસ્તારમાં પાણીના ટાંકામાં પડી જતા ચોકીદારની 3 વર્ષની બાળકીનું કરૂણ મોત
- મહારાષ્ટ્રમાં અમિત શાહના રાહુલ પર પ્રહાર: ‘રાહુલ બાબા દેશને બદનામ કરવામાં વ્યસ્ત, ભારતમાં બહુ ઓછા લોકો તેમની વાત સાંભળે છે’
- નસીરુદ્દીન શાહે માંગવી પડી પાકિસ્તાનીઓની માફી, જાણો શું છે મામલો