GSTV
Cricket Sports ટોપ સ્ટોરી

IPL 2022, Mega Auction: અમદાવાદની ટીમનો કેપ્ટન બન્યો હાર્દિક પંડ્યા, લખનઉ ટીમનો કેપ્ટન રાહુલ, આટલા કરોડ મળ્યા

ઈન્ડિયન પ્રીમિયર લીગ (IPL) 2022 ની મેગા ઓક્શન પહેલા, બે નવી ટીમોએ તેમના ડ્રાફ્ટ જાહેર કર્યા છે. આ વખતે અમદાવાદ અને લખનઉની ટીમો પહેલીવાર IPLમાં ભાગ લઈ રહી છે, શુક્રવારે બંને ટીમો દ્વારા તેમના ત્રણ ખેલાડીઓની જાહેરાત કરવામાં આવી હતી.

હાલમાં સાઉથ આફ્રિકામાં ODI ટીમનું નેતૃત્વ કરી રહેલા કેએલ રાહુલને લખનઉ ટીમનો કેપ્ટન બનાવવામાં આવ્યો છે, જ્યારે ટીમ ઈન્ડિયાની બહાર ચાલી રહેલા હાર્દિક પંડ્યાને અમદાવાદની કેપ્ટનશીપ મળી છે.

અમદાવાદ IPL ટીમ:

  • હાર્દિક પંડ્યા (કેપ્ટન, 15 કરોડ)
  • રાશિદ ખાન (15 કરોડ)
  • શુભમન ગિલ (8 કરોડ)

લખનૌ IPL ટીમઃ

  • કેએલ રાહુલ (કેપ્ટન, 17 કરોડ)
  • માર્કસ સ્ટોઇનિસ – 9.2 કરોડ
  • રવિ બિશ્નોઈ – 4 કરોડ

આ ડ્રાફ્ટ સાથે, અમદાવાદે હવે રૂ. 38 કરોડનો ખર્ચ કર્યો છે, તેથી તેની પાસે રૂ. 52 કરોડ બચશે, જેની સાથે તે IPLની મેગા ઓક્શનમાં જશે. તે જ સમયે, લખનઉની ટીમે 30.2 કરોડ રૂપિયાનો ખર્ચ કર્યો છે. તેના પર્સમાં 58 કરોડ રૂપિયા બાકી હશે.

આપને જણાવી દઈએ કે, IPL 2022માં કુલ દસ ટીમો ભાગ લઈ રહી છે, જૂની આઠ ટીમોને ખેલાડીઓને જાળવી રાખવાની તક મળી છે. જ્યારે અમદાવાદ, લખનઉને મેગા ઓક્શન પહેલા ત્રણ-ત્રણ ખેલાડીઓ ઉમેરવાની તક મળી હતી. હવે જ્યારે તમામ ટીમોએ પોતાના ખેલાડીઓના નામ જાહેર કરી દીધા છે ત્યારે મેગા ઓક્શનનો માર્ગ મોકળો થઈ ગયો છે.

આ વખતે આઈપીએલમાં બંને ટીમો જોડાઈ છે

લખનઉની ટીમને સંજીવ ગોએન્કા ગ્રૂપે રૂ. 7090 કરોડમાં ખરીદી હતી, જે IPL ઇતિહાસની સૌથી મોંઘી ટીમ છે. જ્યારે અમદાવાદની ટીમને CVC કેપિટલ ગ્રૂપે રૂ. 5665 કરોડમાં ખરીદી હતી. બંને ટીમોના વેચાણથી BCCIને 12 હજાર કરોડથી વધુની કમાણી થઈ છે.

હાર્દિક પંડ્યા છેલ્લા કેટલાક સમયથી ખરાબ ફોર્મ અને ફિટનેસ સાથે સંઘર્ષ કરી રહ્યો હતો. તે શરૂઆતથી જ મુંબઈ સાથે સંકળાયેલો હોવા છતાં મુંબઈ ઈન્ડિયન્સે તેને જાળવી રાખ્યો નહોતો. રાશિદ ખાન સાથે પણ એવું જ થયું, તેની ટીમ સનરાઈઝર્સ હૈદરાબાદે તેને રિટેન ન કર્યો.

હવે કઈ ટીમના પર્સમાં કેટલા રૂપિયા-

ચેન્નાઈ સુપર કિંગ્સ: રવિન્દ્ર જાડેજા (16 કરોડ), એમએસ ધોની (12 કરોડ), મોઈન અલી (8 કરોડ), ઋતુરાજ ગાયકવાડ (6 કરોડ) – કુલ ખર્ચ 42 કરોડ, પર્સમાં હાજર, 48 કરોડ.

મુંબઈ ઈન્ડિયન્સ: રોહિત શર્મા (16 કરોડ), જસપ્રિત બુમરાહ (12 કરોડ), સૂર્યકુમાર યાદવ (8 કરોડ), કિરોન પોલાર્ડ (6 કરોડ) – કુલ ખર્ચ 42 કરોડ, પર્સમાં હાજર, 48 કરોડ.

કોલકાતા નાઈટ રાઈડર્સ: આન્દ્રે રસેલ (12 કરોડ/પર્સમાંથી 16 કરોડ કપાશે), વરુણ ચક્રવર્તી (8 કરોડ/પર્સમાંથી 12 કરોડ કપાશે), વેંકટેશ અય્યર (8 કરોડ), સુનિલ નારાયણ (6 કરોડ) – કુલ ખર્ચ 42 કરોડ, પર્સ 48 કરોડ હાજર.

રોયલ ચેલેન્જર્સ બેંગ્લોર: વિરાટ કોહલી (15 કરોડ), ગ્લેન મેક્સવેલ (11 કરોડ), મોહમ્મદ સિરાજ (7 કરોડ) – કુલ ખર્ચ 33 કરોડ, પર્સમાં હાજર, 57 કરોડ.

રાજસ્થાન રોયલ્સ: સંજુ સેમસન (14 કરોડ), જોશ બટલર (10 કરોડ), યશસ્વી જયસ્વાલ (4 કરોડ) – કુલ ખર્ચ 28 કરોડ, પર્સમાં હાજર, 62 કરોડ.

READ ALSO

Related posts

મહારાષ્ટ્રમાં કોરોના કેસ વધતા ફફડાટ, પ્રથમ વખત ઝડપથી ફેલાતા B.A.4 વેરિયંટના દર્દી મળ્યા

Zainul Ansari

ફાઈવ સ્ટાર ઉતારો / રાજસ્થાન રોયલ્સની ટીમ રોકાઈ છે અમદાવાદની આ હોટેલમાં, જૂઓ અંદરની તસવીરો

Hardik Hingu

ભારત vs જાપાન એશિયા કપ 2022: એશિયા કપ હોકીમાં ટીમ ઈન્ડિયાનું જોરદાર પ્રદર્શન, જાપાનને 2-1થી હરાવ્યું

Zainul Ansari
GSTV