Last Updated on September 16, 2020 by pratik shah
ઇન્ડિયન પ્રીમિયર લીગ (IPL)ની ટી20 ક્રિકેટ ટુર્નામેન્ટને આડે હવે ગણતરીના દિવસો બાકી રહી ગયા છે. વર્તમાન ચેમ્પિયન મુંબઈ ઇન્ડિયન્સ તેના ટાઇટલને ડિફેન્ડ કરવા માટે સજ્જ થઈ રહી છે. આ ટીમ પાસે ઘણા મોટા ખેલાડીઓ છે. બેટિંગમાં ખુદ કેપ્ટન રોહિત શર્મા વર્લ્ડ ક્લાસ છે તો તેની સાથે ક્વિન્ટન ડી કોક, ક્રિસ લિન, સૂર્યકુમાર યાદવ, કેઇરોન પોલાર્ડ, હાર્દિક પંડ્યા અને કૃણાલ પંડ્યા જેવા ધરખમ બેટ્સમેન છે. જે ટીમનો સ્કોર આસાનીથી 200 ઉપર પહોંચાડવાની ક્ષમતા ધરાવે છે.
આ કારણે તકલીફમાં મુકાઇ શકે છે મુંબઇ ઇન્ડિયન્સ
બીજી ટીમોની સરખામણીએ મુંબઈનું પલ્લું ભારે છે. કેમ કે તેની પાસે આક્રમક બેટ્સમેનની કમી નથી તો બોલિંગમાં જસપ્રિત બુમરાહ જેવો બોલર છે. જોકે લસિત મલિંગા જેવા ખુંખાર બોલર ઉપરાંત સારા સ્પિનરનો અભાવ ટીમને તકલીફમાં મૂકી શકે તેમ છે. મલિંગા તેના પિતાની તબિયત સારી નહીં હોવાથી પ્રારંભની કેટલીક મેચમાં રમવાનો નથી.
આવામાં ટીમની સમસ્યા બોલિંગમાં યોગ્ય સંયોજનનો અભાવ રહેશે. અબુધાબીની ધીમી પિચો ઉપર મુંબઈએ બોલિંગમાં પ્લાન ઘડવા પડશે. મલિંગાની ગેરહાજરીમાં બુમરાહ પર દબાણ વધી જશે. ગઈ સિઝનમાં 19 વિકેટ સાથે મોખરે રહેલો બુમરાહ ઇજા અને ત્યાર બાદ લોકડાઉનને કારણે લાંબા સમય બાદ ક્રિકેટના મેદાન પર પરત ફરનારો છે. વિદેશી બોલરમાં મિચેલ મેક્લેનેઘન, કોલ્ટરનાઇલ અને ટ્રેન્ટ બોલ્ટ મહત્વના બની રહેશે.આમ છતાં ઉચ્ચ ગુણવત્તા ધરાવતા સ્પિનર્સની કમી મુંબઈ ઇન્ડિયન્સને ભારે પડી શકે છે.
Read Also
- કોર્ટ સખ્ત: રાજ્યમાં ફાયર સેફટી અંગે ગુજરાત હાઇકોર્ટમાં સુનાવણી, નિયમો બધાની માટે સમાન
- રાખો સાવચેતી! સૂર્યની સપાટી પર તોફાન લાવી શકે છે સેટેલાઇટમાં તકનીકી ખરાબી
- કામની વાત/ તમારુ પણ SBIમાં એકાઉન્ટ હોય તો વહેલીતકે પતાવી લેતો આ કામ નહીંતર…બેંકે આપી છે ડેડલાઇન
- ના હોય! વિરાટ કોહલી કરતાં પણ વધુ છે આ ક્રિકેટર્સની સેલરી, કમાણીનો આંકડો જોશો તો આંખો થઇ જશે પહોળી
- Bollywood: કાસ્ટિંગ કાઉચનો શિકાર બની ચુકી છે મલ્લિકા શેરાવત, કહી આ Shocking વાત