GSTV

DC vs CSK : શિખર ધવનની ધુંઆધાર બેટીંગથી દિલ્હી કેપિટલ્સે ચેન્નાઈ સુપર કિંગ્સને હરાવ્યું, પોઈન્ટ ટેબલમાં ટોપ ઉપર

દિલ્હી કેપિટલ્સએ આઈપીએલ -13 ની 34 મી મેચમાં ત્રણ વખતની ચેમ્પિયન ચેન્નાઈ સુપર કિંગ્સને હરાવીને પોઇન્ટ ટેબલમાં ટોચનું સ્થાન પ્રાપ્ત કર્યું છે. શારજાહમાં શનિવારે સાંજે રમાયેલી મેચમાં ચેન્નાઈ સુપર કિંગ્સે ટોસ જીતીને પ્રથમ બેટિંગ કરતાં 20 ઓવરમાં 4 વિકેટે 179 રન બનાવ્યા હતા, ત્યારબાદ દિલ્હી કેપિટિલ્સે શિખર ધવન (101 *) ની સદીની મદદથી 19.5 ઓવરમાં જ લક્ષ્ય પાપ્ત કરી લીધું. દિલ્હી તરફથી ઓપનર શિખર ધવને શાનદાર અંદાજમાં અણનમ 101 રન બનાવ્યા અને જીતમાં મહત્વનું યોગદાન આપ્યું. ચેન્નાઈ તરફથી ઓપનર ફાફ ડુ પ્લેસીસે 58 રન બનાવ્યા જ્યારે અંબાતી રાયડુ (45 *) અને રવિન્દ્ર જાડેજા (33 *) એ અણનમ અડધી સદીની ભાગીદારી નોંધાવી.

પોઇન્ટ્સ ટેબલમાં દિલ્હી ફરીથી ટોચ પર

યુવાન શ્રેયસ ઐયરની કેપ્ટનશિપવાળી ટીમ દિલ્હી આ જીત સાથે 14 પોઇન્ટની સાથે પોઇન્ટ ટેબલમાં ટોચ પર પહોંચી ગઈ છે. મુંબઈ ઈન્ડિયન્સ અને વિરાટ કોહલીની ટીંમ રોયલ ચેલેન્જર્સ બેંગલોરની 6-6 મેચમાં જીતની સાથે હાલમાં 12–12 પોઇન્ટ છે. ઓપનિંગ કરવા ઉતરેલા ધવન અંત સુધી ઉભો રહ્યો, તેણે 19મી ઓવરમાં છેલ્લા બોલમાં સિંગલ લઇને પોતાની આઇપીએલ કારકિર્દીની પહેલી સદી પુરી કરી, આ ઓવરનાં પહેલા બોલ પર એલેક્સ કેરી (4) ને ડુ પ્લેસિસે કેચ કર્યો, પછી ધવને છેલ્લા બોલ પર સિંગલ લઇને સદી પુરી કરી.

કેપ્ટન ધોની ફરી નિષ્ફળ

સીએસકેના કેપ્ટન મહેન્દ્ર સિંહ ધોની ફરી એક વાર નિષ્ફળ ગયો અને પાંચ બોલમાં ત્રણ રન બનાવ્યા બાદ નોત્ઝેનો બીજો શિકાર બન્યો. જાડેજા અને રાયડુએ જોકે, છેલ્લી ઓવરમાં ધોનીને મોટા શોટ્સ લગાવીને પીચ પર ધોનીની કમી અનુભવવા દીધી ન હતી. બંનેએ રબાડાની 19 મી ઓવરમાં અને નોત્ઝેની 20 મી ઓવરમાં 16-16 રન બનાવ્યા. જાડેજાએ નોત્ઝેની છેલ્લી ઓવરમાં સતત બે સિક્સર ફટકારી હતી. દિલ્હી તરફથી નોત્ઝે 2 વિકેટ લીધી જ્યારે કાગિસો રબાડા અને તુષાર દેશપાંડેને 1-1 વિકેટ મળી.

Related posts

રાજ્યમાં છેલ્લાં 24 કલાકમાં કોરોનાના નવા દર્દીઓની સંખ્યા 1137 થઈ તો 1180 સાજા થયા અને 9 દર્દીઓનાં થયા મોત

Mansi Patel

નવેમ્બરમાં યોજાનારી પેરિસ માસ્ટર્સમાં રફેલ નડાલ રમશે

Mansi Patel

સ્ટિવ સ્મિથે જોઝ બટલરની તુલના એબી ડી વિલિયર્સ અને પોલાર્ડ સાથે કરી

Mansi Patel
Do NOT follow this link or you will be banned from the site!