GSTV
Home » News » ઈન્ડોનેશિયામાં ભૂકંપ અને સુનામીના કારણે દુર્ઘટનાનો મૃત્યુઆંક 1,407એ પહોંચ્યો

ઈન્ડોનેશિયામાં ભૂકંપ અને સુનામીના કારણે દુર્ઘટનાનો મૃત્યુઆંક 1,407એ પહોંચ્યો

ઈન્ડોનેશિયામાં ભૂકંપ અને સુનામીની બેવડી કુદરતી દુર્ઘટનાનો મૃત્યુઆંક વધીને 1,407એ પહોંચી ગયો છે. આ દરમિયાન ઇન્ડોનેશિયામાં બે જ્વાળામુખી પણ ફાટ્યા છે, જેના કારણે કેટલાક લોકોને સલામત સ્થળે ખસેડવાનું શરૂ કરાયું હતું. અત્યાર સુધી તંત્ર 1000થી પણ વધુ લોકોની સામૂહિક દફનવિધિ કરી ચૂકી છે, પરંતુ હજુ પણ અનેક લાપતા લોકોના મૃતદેહો મળે એવી ડિઝાસ્ટર એજન્સીએ શક્યતા વ્યક્ત કરી છે. પાલુ સહિતના શહેરોમાં ઠેર ઠેર લોકો કાટમાળમાંથી ખોરાક-પાણી શોધી રહ્યા હોય એવા દર્દનાક દૃશ્યો સર્જાયા છે.

સરકાર દ્વારા લોકોને પાણી, દૂધ, ચોખા અને પેઇન કિલર્સ પહોંચાડવાનું ચાલુ કરવામાં આવ્યુ છે. પરંતુ રાહત છાવણીઓના અભાવે વિતરણ વ્યવસ્થા ખોરવાઈ છે. નેશનલ ડિઝાસ્ટર એજન્સીના પ્રવક્તા સુતોપો પુર્વો નુગ્રોહોએ કહ્યું હતું કે, અમે ભૂકંપ અને સુનામીથી ધરાશયી થયેલી ઈમારતોનો કાટમાળ ખસેડવાનું કામ યુદ્ધના ધોરણે શરૂ કર્યું છે.

કાટમાળ નીચેથી હજુ વધારે મૃતદેહો મળવાની શક્યતા છે. પાલુ નજીક પ્રવાસન સ્થળે જાણીતી હોટેલ રોઆ રોઆ સંપૂર્ણ ધરાશાયી થઇ ગઇ છે, જ્યાં 60થી વધુ લોકો દટાયા હોવાની પણ શંકા છે. બીજા અનેક સ્થળોએ કુલ 150 લોકો દટાયા હોવાની કે લાપતા થયા હોવાની ફરિયાદો નોંધાઇ છે. આ ભયાવહ્ દુર્ઘટનામાં સાડા ત્રણ લાખથી પણ વધુ લોકોને અસર થઇ છે.

બીજી તરફ, સુલાવેસી પ્રાંતમાં અનેક લોકો પીવાના પાણી અને ખોરાકની અછતના કારણે પરેશાન છે. કેટલાક લોકો ભંગારના ઢગલાઓમાં પાણી અને ખોરાક શોધતા હોય એવા દૃશ્યો પણ જોવા મળી રહ્યા છે. પાલુમાં અનેક લોકો સહાય નહીં મળવાના કારણે સરકાર સામે ગુસ્સો પણ વ્યક્ત કરી રહ્યા છે. અનેક લોકોની ફરિયાદ છે કે, હજુ સુધી સરકાર તરફથી તેમને બિલકુલ મદદ મળી નથી. આ ઉપરાંત મૉલ અને નાની-મોટી દુકાનોમાં કેટલાક લોકોએ લૂંટફાટ પણ શરૂ કરી છે.

 

Related posts

કંગાળ પાકિસ્તાનને પણ 1.3 અબજ ડોલરની લોન આપનાર કોઈ મળ્યું ખરું…

Dharika Jansari

સઉદી અરેબિયાની ઓઇલ કંપની અરામકોએ આઇપીઓ દ્વારા 25.6 અબજ ડોલર એકત્ર કર્યા

Mayur

અયોધ્યા ચૂકાદાની ફેર વિચારણા માટે સુપ્રીમમાં વધુ છ અરજી દાખલ

Mayur
Do NOT follow this link or you will be banned from the site!