ભારત અને ઓસ્ટ્રેલિયા વચ્ચે નાગપુરમાં રમાઇ રહેલી બીજી વન-ડેમાં પૂર્વ કેપ્ટન મહેન્દ્ર સિંહ ધોની ગોલ્ડન ડકનો શિકાર બની ગયો. ચાલો જાણીએ કે દુનિયાના બેસ્ટ મેચ ફિનિશર ગણાતા ધોની કેટલીવાર ગોલ્ડન ડકનો શિકાર બન્યો છે.
આ સાથે જ મહેન્દ્ર સિંહ ધોની પોતાના વન-ડે કરિયરમાં પાંચમીવાર ગોલ્ડન ડકનો શિકાર બન્યો છે. તેમાંથી ઓસ્ટ્રેલિયાની ટીમે તેને બે વાર શૂન્ય પર આઉટ કર્યો છે.
પ્રથમ વન-ડેમાં શાનદાર પ્રદર્શન કરનાર ધોનીને બીજી વન-ડેમાં કાંગારૂ બોલર એડમ જંપાએ 33મી ઓવરના ત્રીજા બોલ પર ઉસ્માન ખ્વાજાના હાથે કેચ આઉટ કરાવ્યો.
અગાઉ ધોની વર્ષ 2004માં બાંગ્લાદેશ સામે ચટગાંવ અને વર્ષ 2005માં શ્રીલંકા સામે અમદાવાદમાં રમાયેલી મેચમાં ગોલ્ડન ડકનો શિકાર બન્યો હતો.
તે બાદ વર્ષ 2007માં શ્રીલંકા સામે પોર્ટ ઑફ સ્પેન અને વર્ષ 2010માં ઓસ્ટ્રેલિયા સામે વિશાખાપટ્ટનમમાં રમાયેલી મેચમાં તે ગોલ્ડન ડકનો શિકાર બન્યો હતો.
જણાવી દઇએ કે કાંગારૂઓ સામે પ્રથમ વનડેમાં એમએસ ધોની (59) અને કેદાર જાધવ (81) સાથે મળીને 141 રનની શાનદાર પાર્ટનરશીપ કરીને ટીમ ઇન્ડીયાને 6 વિકેટે જીત અપાવી હતી.
Read Also
- અલ્પેશનું ધારાસભ્ય પદ રદ્દ કરવા કોંગ્રેસે કરી તૈયારી, પ્રતિનિધિ મંડળની અધ્યક્ષને રજૂઆત
- ચીફ જસ્ટીસ વિરૂદ્ધ યૌન શોષણનો મામલો: સુપ્રિમે તપાસનાં આદેશ આપ્યા, નિવૃત જજ એકે પટનાયક કરશે તપાસ
- IPL 2019: નિર્ણાયક તબક્કે જ આઈપીએલની ચમક ફીકી પડશે, આ વિદેશી ખેલાડીઓ છે જવાબદાર
- ફેસબુક પર લાગી શકે છે 3.5 અબજ રૂપિયાનો દંડ, જાણો કારણ
- Video: સલમાન ખાન અને બોડીગાર્ડ શેરાએ યુવક સાથે કરી મારપીટ, પીછો કરવાની આપી આવી સજા