Last Updated on November 30, 2021 by GSTV Web Desk
ભારત અને રશિયાની દોસ્તીના 70 વર્ષ પૂરા થઈ થયા. 13 એપ્રિલ 1947ના દિવસે ભારત અને રશિયા એટલે કે તત્કાલિક સોવિયત સંઘે સત્તાવાર રીતે દિલ્હી અને મોસ્કોમાં મિશન સ્થાપિત કરવાનો નિર્ણય કર્યો હતો. બંને દેશોના સંબંધોની તાકાત એટલી હતી કે તેમને તત્કાલીન વિશ્વના સમીકરણમાં આમૂલ પરિવર્તન કરી દીધું. એટલું જ નહીં દક્ષિણી એશિયા ઉપરાંત અમેરિકા અને યુરોપીય દેશોની વિદેશ નીતિને પણ પ્રભાવીત કરી.
ભલે હાલના સમયમાં અમેરિકા અને ભારત વચ્ચેના સંબંધો નજીક વધ્યા હોય. પરંતુ હકીકતો એ છે કે ભારતનો સાચો મિત્ર રશિયા છે. પાછલા 70 વર્ષમાં આંતરરાષ્ટ્રીય પરિપ્રેક્ષ બદલાઈ ગયા, ઘણા દેશો ગૃહયુદ્ધની આગમાં સળગ્યા હોય, ઘણા દેશો વચ્ચેના સંબંધો કડવા થયા હોય, પરંતુ ભારત-રશિયા વચ્ચેના સંબંધોમાં આજ સુધી કોઈ ખટાશ જોવા મળી નથી. ભારતની દરેક મુશ્કેલીમાં રશિયા હંમેશા સાથે રહ્યું છે. દુનિયાની પરવા કર્યા વિના રશિયા આંતરરાષ્ટ્રીય મંચ પર ભારતની દોસ્તી નિભાવી રહ્યું છે.
સંયુક્ત રાષ્ટ્ર સુરક્ષા પરિષદમાં રશિયાએ 22 જૂન 1962ના દિવસે પોતાના 100માં વીટોનો ઉપયોગ કરી કાશ્મીર મુદ્દે ભારતને સમર્થન આપ્યું હતું. તે સમયે સુરક્ષા પરિષદમાં આયરલેન્ડે કાશ્મીર મુદ્દે ભારત વિરુદ્ધ એક પ્રસ્તાવ રજૂ કર્યો હતો. જેનો અમેરિકા, ફ્રાંસ, બ્રિટન, ચીન ઉપરાંત ચિલી અને વેનેઝુએલા જેવા દેશોએ સમર્થન આપ્યું હતું. આ પ્રસ્તાવ પાછળ ભારત વિરુદ્ધ પશ્ચિમી દેશોનું મોટું ષડયંત્ર હતું. જેનો હેતુ કાશ્મીરને ભારતથી છીનવી પાકિસ્તાનને આપી દેવાની યોજના હતી. પરંતુ રશિયાએ તે સમયે ભારતની દોસ્તી નિભાવી અને આ ષડયંત્ર નિષ્ફળ બનાવી દીધું. રશિયાની મદદે ભારત વિરુદ્ધ પ્રસ્તાવને પાસ થવા દીધું નહીં.
રશિયાએ પરમાણુ અને અંતરિક્ષ કાર્યક્રમથી લઈ વિકાસ કાર્યોમાં ભારતનો હંમેશા સાથ આપ્યો છે. વડાપ્રધાન નરેન્દ્ર મોદીએ રશિયાના અખબાર રુસિયસ્કાયા ગજેટામાં લખેલા લેખમાં રશિયાની દોસ્તીના ખૂબ વખાણ કર્યા હતા.
Read Also
- કેન્દ્રીય બજેટ / બજેટમાં બેંકોમાં મૂડી ઠાલવવા અંગે જાહેરાતની સંભાવના ઓછી, ગયા વર્ષે NPAમાં થયો ઘટાડો
- મહિન્દ્રાએ હીરો ઈલેક્ટ્રિક સાથે કરી ભાગીદારી, એક વર્ષમાં કરશે 10 લાખથી વધુ ઇલેક્ટ્રિક વાહનોનું ઉત્પાદન
- સુરત / છેલ્લા 15 દિવસમાં કોરોનાના કેસોમાં આવ્યો મોટો ઉછાળો, વિદ્યાર્થીઓ પણ મોટી સંખ્યા થઈ રહ્યા છે સંક્રમિત
- મોટા સમાચાર/ ખુલ્લા બજારમાં મળતી થશે કોવેક્સિન અને કોવિશિલ્ડ, સરકારની એક્સપર્ટ કમિટીની ભલામણ
- વિધાનસભા ચૂંટણીની તૈયારી / ગુજરાત યુથ કોંગ્રેસે જનરલ સેક્રેટરીઓને સોંપી મહત્વપૂર્ણ જવાબદારી, જુઓ કોણ ક્યા કરશે સંગઠન માટે કામ