GSTV
World

Cases
3591419
Active
2746098
Recoverd
394780
Death
INDIA

Cases
115942
Active
114073
Recoverd
6642
Death

ઈસ્લામાબાદના ઉગ્ર વિરોધ પ્રદર્શનો માટે પાકિસ્તાને ભારત પર આરોપ લગાવ્યો

પાકિસ્તાનના પાટનગર ઈસ્લામાબાદમાં થઈ રહેલા ઉગ્ર વિરોધ પ્રદર્શનોને લઈને ભારત પર પાડોશી દેશની સરકારે આરોપ લગાવ્યો છે.

પાકિસ્તાનના આંતરીક મામલાના પ્રધાન અહસાન ઈકબાલનો દાવો છે કે ઈસ્લામાબાદમાં દેખાવો કરી રહેલા કટ્ટરપંથી ધાર્મિક સમૂહો ભારતની સાથે સંપર્કમાં હતા અને હવે સરાકર આ વાતની પણ તપાસ કરી રહી છે કે શું આમ કરવામાં આવ્યું છે? મહત્વપૂર્ણ છે કે બે સપ્તાહથી વધુ સમયથી કટ્ટરપંથી ઈસ્લામિક સંગઠનોના દેખાવકારો દ્વારા પાકિસ્તાનના કાયદા પ્રધાન ઝાહિદ હમીદના રાજીનામાની માગણી થઈ રહી છે. શનિવારે પરિસ્થિતિ ઘણી હદે વણસી  હતી.

સુરક્ષાદળોએ દેખાવકારોને હટાવવા માટે બળપ્રયોગ કર્યો હતો અને તેને કારણે ઘર્ષણ સર્જાયું હતું. આ ઘર્ષણોમાં 10 લોકોના મોત નીપજ્યા છે અને 250થી વધારે લોકો ઈજાગ્રસ્ત હોવાના અહેવાલ છે. દેખાવકારોએ છેલ્લા ઘણાં દિવસોથી ઈસ્લામાબાદ અને રાવલપિંડીને જોડતા હાઈવેને જામ કર્યો હતો. દેખાવકારો સામાન્ય લોકો લાગતા નથી અને તેમની પાશે ઘણાં સંસાધનો હતા.

જો કે શનિવારે રાત્રે સુરક્ષદળોએ કાર્યવાહી થંભાવી દીધી હતી અને ઈસ્લામાબાદમાં કાયદો-વ્યવસ્થાને સામાન્ય બનાવવા માટે સેનાને બોલાવવામાં આવી છે. જણાવવામાં આવે છે કે સેનાએ ઈસ્લામાબાદ ખાતે સંસદભવન, રાષ્ટ્રપ્રમુખ અને વડાપ્રધાન નિવાસ, વિદેશી દૂતાવાસો જેવા મહત્વના પ્રતિષ્ઠાનોની સુરક્ષા સંભાળી લીધી છે.

પાકિસ્તાનના પ્રધાનનું કહેવું છે કે આ લોકોએ સુરક્ષાદળો પર ટિયરગેસના સેલ છોડયા હતા. તેમણે દેખાવના નિરીક્ષણ કરી રહેલા કેમેરાના કેબલ પણ કાપી નાખ્યા હતા. ઈકબાલનું કહેવું છે કે દેખાવકારો સતત ભારતના સંપર્કમાં કેમ કરી રહ્યા હતા. આ દેખાવકારો પાસે આંતરીક જાણકારી અને સંસાધનો છે. તેનો ઉપયોગ પાકિસ્તાન વિરુદ્ધ થઈ રહ્યો છે.

મહત્વપૂર્ણ છે કે પાકિસ્તાનના ધડ-માથા વગરના આરોપો પર ભારત સરકારે સત્તાવાર કોઈ પ્રતિક્રિયા આપી નથી. પરંતુ અધિકારીઓએ આને પાકિસ્તાનની છીછરી હરકત ગણાવી છે. તેમણે ક્હયુ છે કે પાકિસ્તાને ભારત પર હસ્યાસ્પદ આરોપો લગાવવાના સ્થાને પોતાની જમીન પર સક્રિય આતંકી સંગઠનો વિરુદ્ધ કાર્યવાહી કરવી જોઈએ.

 

Related posts

શરમથી માથુ ઝુકી જાય તેવી ઘટના, હોસ્પિટલનું બિલ ન ચુકવી શક્યા તો દર્દીને બેડ સાથે બાંધી દીધો

Pravin Makwana

જૂનના અંત સુધી દિલ્હીને 15,000 પથારીની જરૂર હોસ્પિટલોમાં અન્ય કોઈની સારવાર નહીં કેજરીવાલ કેબિનેટનો નિર્ણય

Harshad Patel

ઝોન-2 ડીસીપી: રિસોર્ટ સંચાલક વિરુદ્ધ કાર્યવાહી થશે, રિસોર્ટમાં રોકાય છે તેઓ આરોપીઓ નથી

pratik shah
Do NOT follow this link or you will be banned from the site!