GSTV
Gujarat Government Advertisement

કોરોના આઉટ ઓફ કંટ્રોલ/ 24 કલાકમાં 4.14 લાખ કેસ અને 4,200નાં મોત, મોદી સરકાર ફેલ

કોરોના

Last Updated on May 8, 2021 by Damini Patel

ભારતમાં કોરોના વાઇરસના દૈનિક કેસો હવે ચાર લાખથી વધુ સામે આવી રહ્યા છે. છેલ્લા ૨૪ કલાકમાં કોરોનાના નવા ૪.૧૪ લાખ કેસો નોંધાયા છે. જ્યારે આ મહિનામાં ત્રીજી વખત દૈનિક કેસ ચાર લાખથી વધુ નોંધાયા છે. બીજી તરફ દેશમાં એક્ટિવ કેસોની સંખ્યા હવે ૩૬ લાખને પાર પહોંચી ગઇ છે જે કુલ કેસોના ૧૬.૯૬ ટકા છે. જ્યારે ૨૪ કલાકમાં વધુ 4200 લોકોના મોત નિપજ્યા છે અને કુલ મૃત્યુઆંક વધીને હવે ૨.૩૪ લાખને પાર પહોંચી ગયો છે.

કુલ કેસોની સંખ્યા બે કરોડ નજીક

કોરોના

બીજી તરફ કોરોનાના કુલ કેસો હવે ૨.૧૫ કરોડની નજીક પહોંચી ગયા છે. જે ગયા વર્ષે ઓગસ્ટ મહિનામાં માત્ર ૨૦ લાખ હતા અને હવે સીધા બે કરોડથી પણ વધુ થઇ ગયા છે. જે ૨.૩૪ લાખ લોકો મોતને ભેટયા છે તેમાં ૭૩ હજારથી વધુ માત્ર મહારાષ્ટ્રના છે જ્યારે ૧૮ હજાર સાથે દિલ્હી બીજા અને ૧૭ હજાર મોત સાથે કર્ણાટક ત્રીજા ક્રમે છે. હાલ ૨૪ રાજ્યોમાં પોઝિટિવિટી રેટ ૧૫ ટકાથી વધુ છે. ૧૨ રાજ્યો એવા છે કે જ્યાં એક્ટિવ કેસો હાલ એક લાખથી વધુ છે.

૭૧ ટકા માત્ર ૧૦ રાજ્યોમાં

દેશમાં જે નવા કેસો ૨૪ કલાકમાં સામે આવ્યા છે તેના ૭૧ ટકા માત્ર ૧૦ રાજ્યોમાં છે, આ રાજ્યોમાં મહારાષ્ટ્ર, ઉત્તર પ્રદેશ, દિલ્હી, કર્ણાટક, કેરળ વગેરેનો સમાવેશ થાય છે. મહારાષ્ટ્રમાં સૌથી વધુ ૬૨ હજાર જેટલા નવા કેસો નોંધાયા છે. જ્યારે કર્ણાટક ૪૯ હજાર, કેરળ ૪૨ હજાર નવા કેસો સાથે બીજા અને ત્રીજા ક્રમે છે. આ મે મહિનામાં ત્રીજી વખત દૈનિક કેસો ચાર લાખને પાર ગયા છે. પહેલી મેએ જ દૈનિક કેસ ચાર લાખને પાર જતા રહ્યા હતા, જ્યારે ૨૧મી એપ્રીલે કોરોનાના દૈનિક કેસો ત્રણ લાખને પાર ગયા હતા અને પહેલી મેએ ચાર લાખને પાર, એટલે કે માત્ર ૧૦ જ દિવસમાં કોરોનાના દૈનિક કેસો એક લાખ વધી ગયા છે.

વેક્સિન

કોરોનાથી બચવા માટે હાલ રસિકરણ અભિયાન ચલાવવામાં આવી રહ્યું છે. ૧૬મી જાન્યુઆરીથી રસી આપવાની શરૂઆત થઇ હતી, છેલ્લા ૨૪ કલાકમાં ૨૩ લાખ ડોઝ આપવામાં આવ્યા છે જ્યારે અત્યાર સુધીમાં કુલ ૧૬.૪૯ કરોડ ડોઝ રસીના આપવામાં આવ્યા છે. તેની સાથે જ ટેસ્ટિંગનુ પ્રમાણ પણ વધારવામાં આવ્યું છે.

છેલ્લા ૨૪ કલાકમાં જ કુલ ૧૮ લાખ જેટલા સેંપલ ટેસ્ટ કરાયા હતા અને અત્યાર સુધીમાં કુલ ટેસ્ટિંગનો આંકડો ૩૦ કરોડ નજીક પહોંચી ગયો છે. જેમ ટેસ્ટિંગ વધતુ જાય છે તેમ દૈનિક કેસોની સંખ્યા પણ વધી રહી છે. સરકાર લોકોને સામે ચાલીને ટેસ્ટિંગની અપીલ કરી રહી છે. જોકે ગ્રામિણ વિસ્તારોમાં હજુ પણ ટેસ્ટિંગનું પ્રમાણ શહેરોની સરખામણીએ ઘણુ ઓછુ જોવા મળી રહ્યું છે.

Read Also

Gujarat Government Advertisement

Related posts

2022ની વિધાનસભાની ચૂંટણીને લઇ કોંગ્રેસ એક્શન મોડમાં, પ્રત્યેક જિલ્લા અને શહેરોમાં યોજાશે કાર્યકારણી બેઠક

Dhruv Brahmbhatt

શરમજનક: મોદીની વાહવાહી કરવામાં શૈક્ષણિક સંસ્થાઓને પણ ન છોડી, પીએમ મોદીનો આભાર માનતા બૈનરો લગાવવા યુનિવર્સિટીઓને આપ્યા આદેશ

Pravin Makwana

રૂપાણી સરકાર ભરાશે : ગુજરાતમાં ફરી ખેડૂત આંદોલન ધમધમવાની સંભાવના, થઈ રહી છે અંદરખાને બેઠકો

Dhruv Brahmbhatt
Do NOT follow this link or you will be banned from the site!