GSTV

ચીની સેનાની તૈયારી સામે ભારતીય સેનાનો સ્ટ્રેટેજીક પ્લાન: લદ્દાખ સરહદે ગુપ્ત રીતે બનાવી ટનલો

Last Updated on November 23, 2020 by pratik shah

લદ્દાખ સરહદે ઈન્ડિયન આર્મીએ લશ્કરી ભાષામાં ટનલ ડિફેન્સ કહેવાતી તૈયારી કરી લીધી છે. લાઈન ઑફ એક્ચ્યુલ કન્ટ્રોલ પરના કેટલાક સ્થળોએ આર્મીએ 6થી આઠ ફીટના વ્યાસની ટનલો તૈયાર કરી લીધી છે. ચીની સેના આગેકૂચ કરે કે બીજુ કોઈ દુ:સાહસ કરે એ સંજોગમાં આ ટનલો બહુ ઉપયોગી સાબિત થઈ શકે એમ છે. ટનલને કારણે સૈનિકો અને શસ્ત્રોની દુશ્મનની નજરમાં આવ્યા વગર જ હેરાફેરી કરી શકાશે.

લદ્દાખ

માઇનસ ડિગ્રીમાં સેના માટે બનશે શેલ્ટર હોમ

ટનલો ક્યાં બનાવી, કેટલી બનાવી તેની વિગતો સ્વાભાવિક રીતે જાહેર કરવામાં આવી નથી. લદ્દાખમાં તાપમાન માઈનસ ડીગ્રીમાં પહોંચી ગયું છે, ત્યારે આવી ટનલો ભારતીય સૈન્ય માટે શેલ્ટર હોમ તરીકે પણ ઉપયોગી થઈ રહી છે. આ ટનલને અંદરથી ગરમ કરી શકાતી હોવાથી આકરા શિયાળામાં સૈનિકોને ટનલ રાહત આપનારી સાબિત થશે.

વાટાઘાટો છતાં કોઈ નક્કર પરિણામ નહિ

ભારત-ચીન વચ્ચે લશ્કરી વાટાઘાટોના નવ રાઉન્ડ પુરા થઈ ચૂક્યા છે. વાટાઘાટોનું નક્કર પરિણામ આવ્યું નથી, આવે એવી શક્યતા પણ દેખાતી નથી. એ સંજોગોમાં સંરક્ષણ મુદ્દે ભારત કોઈ ઢીલ વર્તવા માંગતુ નથી. માટે જંગી સૈન્ય ખડકી દીધા પછી હવે આગળની વ્યુહરચના પર કામ ચાલી રહ્યું છે. સરહદ પર ચીન સતત લશ્કરી બાંધકામ કરી રહ્યું હોવાથી ભારતે પણ એ પ્રમાણે પગલાં ભરવા અનિવાર્ય છે.

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.

MUST READ:

Related posts

બિગ બોસમાં સલમાનની જગ્યાએ હવે કરણ જૌહર કરશે હોસ્ટ, સોશિયલ મીડિયા પર કરી મોટી જાહેરાત

Pravin Makwana

જય ભીમ: સાઉથ સુપરસ્ટાર સૂર્યાએ ફેન્સને આપી ખુશખબર, આગામી ફિલ્મનું પોસ્ટર શેર કર્યું

Pravin Makwana

ગુરુ પૂર્ણિમા/ ડાકોર- શામળાજીમાં ઉમટ્યું માનવ મહેરામણ, અંબાજી સહિત આ યાત્રાધામોમાં શ્રદ્ધાળુઓ લીધો દર્શનનો લ્હાવો

Bansari
Do NOT follow this link or you will be banned from the site!