ભારત વિવિધતા ધરાવતો દેશ છે, જ્યાં તેની સંસ્કૃતિ, અનન્ય પરંપરાઓ અને સાંસ્કૃતિક વારસો તેને અન્ય દેશોથી અલગ બનાવે છે. આ સાથે ભારત એક કૃષિપ્રધાન દેશ પણ છે, જ્યાં મોટાભાગની વસ્તી ગામડાઓમાં રહે છે. આવી સ્થિતિમાં એવું પણ કહેવાય છે કે વાસ્તવિક ભારતની ઓળખ ગામડાઓથી થાય છે.
તમે પુસ્તકોમાં વાંચ્યું હશે કે ભારતમાં સૌપ્રથમ સૂર્યોદય અરુણાચલ પ્રદેશમાં થાય છે. પરંતુ શું તમે જાણો છો કે અરુણાચલ પ્રદેશના કયા ગામમાં સૌપ્રથમ સૂર્યોદય થાય છે? જો નહીં, તો પછી અમે આ લેખ દ્વારા તમને તેના વિશે જણાવીશું.
ભારતના કયા ગામમાં સૌપ્રથમ સૂર્યોદય થાય છે?
ભારતના ઉત્તર-પૂર્વમાં આવેલા અરુણાચલ પ્રદેશમાં સૌપ્રથમ સૂર્યોદય થાય છે. અરુણાચલ પ્રદેશની ડોંગ ખીણમાં સૂર્યના પ્રથમ કિરણો પડે છે. અહીં સ્થિત ડોંગ ગામ પ્રથમ સૂર્યોદય માટે જાણીતું છે.
આટલા વાગ્યે થાય છે સૂર્યોદય
ભારતના આ ગામમાં સવારના 3 વાગ્યાથી સૂર્યના કિરણો પડવાનું શરૂ થાય છે અને દિવસ સવારે 4 વાગ્યે શરૂ થઇ જાય છે. આવી સ્થિતિમાં, અહીં રહેતા લોકો વહેલી સવારથી તેમના રોજિંદા કામ કરવાનું શરૂ કરે છે, જ્યારે દેશના અન્ય ભાગોમાં આ સમયે લોકો ગાઢ ઊંઘમાં હોય છે.
સાંજે 4 વાગ્યાથી સૂર્ય આથમવાનું શરૂ થાય છે
ભારતના આ ગામમાં જેમ વહેલી સવાર પડે છે, તેમ સાંજ પણ પહેલી પડી છે. અહીં સાંજે 4 વાગ્યાથી સૂર્ય અસ્ત થવા લાગે છે. આવી સ્થિતિમાં અહીં રહેતા લોકો પોતાનું કામ વહેલું પૂરું કરીને સાંજ સુધી ભોજનની તૈયારી કરવાનું શરૂ કરી દે છે અને વહેલા સૂઈ જાય છે, જ્યારે દેશના અન્ય ભાગોમાં લોકો સાંજે 4થી 7 વાગ્યાની વચ્ચે ચા-નાસ્તો લે છે.
ગામ 1240 મીટરની ઉંચાઈ પર છે.
ભારતનું આ ગામ જમીનથી લગભગ 1240 મીટરની ઉંચાઈ પર આવેલું છે અને તેની પ્રાકૃતિક સુંદરતા માટે જાણીતું છે. જો કે, અહીં રહેતા લોકોની સંખ્યા વધારે નથી. કારણ કે, આ ગામ ખીણમાં છે. આ સ્થળે માત્ર ચારથી પાંચ પરિવારો જ રહે છે.
ડોંગ વેલી પ્રવાસીઓની પ્રથમ પસંદગી છે
અરુણાચલ પ્રદેશમાં આવેલ ડોંગ વેલી પ્રવાસીઓની પહેલી પસંદ છે. પ્રવાસીઓ તેમના રૂમમાંથી સૂર્યના પ્રથમ કિરણોને કેપ્ચર કરવા માટે અહીં આવે છે. સાથે જ અહીં સૂર્યાસ્તનો નજારો પણ જોવા જેવો છે.
આ ગામ 1999માં પહેલીવાર નજરે પડ્યું હતું. જો કે, પહેલા એવું માનવામાં આવતું હતું કે સૂર્યના પ્રથમ કિરણો આંદામાન અને નિકોબાર દ્વીપસમૂહના કાચલ દ્વીપ પર પડે છે, પરંતુ બાદમાં ડોંગ વેલીની ઓળખ કરવામાં આવી, જેના પછી અહીં પ્રવાસન વધ્યું છે.
GSTV NEWSના Whatsapp ગ્રુપમાં જોડાવા માટે આ લિંક પર ક્લિક કરો:
https://chat.whatsapp.com/K2PGXCtwT948Im49fwbfsd
GSTVની એપ ડાઉનલોડ કરવા આ લિંક પર ક્લિક કરો:
https://play.google.com/store/apps/details?id=com.tops.gstvapps&hl=en&gl=US&pli=1
READ ALSO
- Solar Highway / UPમાં બની રહ્યો છે પહેલો સોલર એક્સપ્રેસ વે, જાણો શું છે ખાસ વાત
- India Vs South Africa Series: ભારતીય ટીમના પ્રવાસથી ક્રિકેટ સાઉથ આફ્રિકા થશે માલામાલ
- તેલંગાણાના નવા સીએમ રેવંત રેડ્ડી KCRને મળવા હોસ્પિટલ પહોંચ્યા
- છત્તીસગઢના નવા મુખ્યમંત્રી પર લાખો રૂપિયાનું દેવું, જાણો તેમની પાસે કેટલી છે સંપત્તિ
- લખતરના ઢાંકી પમ્પીંગ સ્ટેશન પાસે માથું અને હાથ-પગ વગરનો કોહવાયેલો મૃતદેહ મળી આવ્યો