17મી લોકસભાના વિજયી ઉમેદવારમાં મહિલાઓની કુલ સંખ્યા 78 છે.. મહિલા સાંસદોની અત્યાર સુધીની સૌથી વધુ ભાગીદારી સાથે નવી લોકસભામાં મહિલા સાંસદોની સંખ્યા કુલ સાંસદોની સંખ્યાના 17 ટકા થઇ જશે. મહિલા સાંસદોની સૌથી ઓછી સંખ્યા નવમી લોકસભામાં 28 રહી હતી. ચૂંટણી પંચ દ્વારા લોકસભાની 542 બેઠકો માટે જાહેર કરેલા ચૂંટણી પરિણામના આધારે સૌથી વધુ 40 મહિલા ઉમેદવાર ભાજપની ટિકિટ પર ચૂંટણી જીતી છે.. જ્યારે કોંગ્રેસની ટિકિટ પર માત્ર પક્ષના વરિષ્ઠ નેતા સોનિયા ગાંધી જ મહિલા ઉમેદવાર તરીકે રાયબરેલીમાંથી જીત્યા છે.
ભાજપમાંથી સ્મૃતિ ઇરાની.. મેનકા ગાંધી.. સાધ્વી પ્રજ્ઞા ઠાકુર.. હેમા માલિની.. કિરણ ખેર.. રીટા બહુગુણા જોશી સહિતની મહિલા ઉમેદવારોએ વિજય પરચમ લહેરાવ્યા છે..
લોકસભા ચૂંટણીમાં કુલ 8049 ઉમેદવાર મેદાનમાં હતા.. જેમાંથી 724 મહિલા ઉમેદવાર હતી.. 16મી લોકસભામાં મહિલા સાંસદોની સંખ્યા 64 રહી.. જેમાંથી 28 મહિલા સાંસદો ફરી ચૂંટાઇને આવી છે.
કોંગ્રેસે સૌથી વધુ 54 અને ત્યારબાદ ભાજપે 53 મહિલા ઉમેદવારોને ચૂંટણી મેદાનમાં ઉતારી હતી.. અન્ય પક્ષોમાં બીએસપીએ 24,, ટીએમસીએ 23.. સીપીએમએ 10… સીપીઆઇએ ચાર અને એનસીપીએ એક મહિલા ઉમેદવારને ટિકિટ આપી હતી.. આ ઉપરાંત અપક્ષ તરીકે 222 મહિલાઓએ પણ ચૂંટણી લડી..છેલ્લા ઘણા વર્ષોથી સંસદમાં મહિલાઓનું પ્રતિનિધિત્વ વધારવાની માગણી થતી રહી છે.. ત્યારે 17મી લોકસભામાં મહિલા સાંસદોની સંખ્યા વધતા હવે તેમના પ્રતિનિધિત્વ પણ વધ્યું છે..
READ ALSO
- PNB બાદ પંજાબ એન્ડ સિંધ બેન્ક સાથે થઈ છેતરપિંડી, બહાર આવ્યું કરોડોનું કૌભાંડ
- આજે કર્ણાટકમાં કુમારસ્વામીની અગ્નિપરિક્ષા, સરકાર તૂટવાના એંધાણ
- ચંદ્રયાન-2 ટેક્નિકલ ખામીના કારણે રોકી દેવાયું હતું, નવી તારીખ સાથે તૈયારી થઈ પૂર્ણ
- ડિજીટલના સમયમાં સરકારનો વધુ એક આદેશ, વિદ્યાર્થીઓ માટે ફરજિયાત કર્યો હાજરીનો નિર્ણય
- ખેડૂતો ના ખેતરમાં છેલ્લા 12 વર્ષથી નર્મદાનું સિંચાઈ નું પાણી પહોચાડી શકાયું નથી: ધાનાણી