GSTV
World

Cases
3126550
Active
2564838
Recoverd
369135
Death
INDIA

Cases
869995
Active
86984
Recoverd
5164
Death

ચીનમાં મુસ્લિમોને બળજબરીથી તાલીમ કેન્દ્રોમાં ધકેલાયા

ચીનમાં ઉઈગર મુસ્લિમોને ‘દેશભક્ત’ અને ‘વફાદાર’ બનાવવા માટે સરકારે ખાસ ટ્રાન્સફોર્મેશન કેમ્પ ખોલ્યા છે. આ કેમ્પ ઉઈગર મુસલમાનોને ચીનની સરકાર અને ત્યાંની કોમ્યુનિસ્ટ પાર્ટી પ્રત્યે વફાદાર બનાવવા માટે ખોલવામાં આવ્યાં છે. તેમાં અલ્પસંખ્યક મુસલમાનોને જબરદસ્તીથી પકડીને લાવવામાં આવી રહ્યાં છે અને ઓછામાં ઓછા બે મહિના માટે રાખવામાં આવી રહ્યાં છે.

સરકારનું માનવું છે કે અહીં ચીની ભાષા શીખવા, કાયદાનો અભ્યાસ અને રોજગારી માટે તાલિમ આપવામાં આવી રહી છે. પરંતુ આંતરરાષ્ટ્રીય માનવાધિકાર સંસ્થાનું કહેવું છે કે સરકાર ઉઈગર મુસ્લિમોની સાંસ્કૃતિક ઓળખ ખતમ કરવા માટે તેમના પર જબરદસ્તીથી અત્યાચાર કરી રહી છે.

ઉલ્લેખનીય છે કે પાકિસ્તાન પોતાની સરહદની એકદમ નજીક મુસલમાનો પર થઈ રહેલા આ પ્રકારના અત્યાચાર પર એકદમ ચૂપ છે. જ્યારે ભારતમાં મુસલમાનો પર કથિત અત્યાચારને લઈને પાકિસ્તાન દુષ્પ્રચાર કરે છે. અન્ય મુસ્લિમ દેશો પણ આ મુદ્દે એકદમ ખામોશ છે, જ્યારે પશ્ચિમના માનવાધિકાર સંગઠન હવે આ અત્યાચાર પર અવાજ ઉઠાવી રહ્યાં છે. રવિવારે અમેરિકાના મુખ્ય અખબાર ન્યૂયોર્ક ટાઈમ્સે આ મુદ્દે ફ્રન્ટ પેજ પર ફોટા સાથે અહેવાલ પ્રકાશિત કર્યો હતો.

ન્યૂયોર્ક ટાઈમ્સે એક મોટી ઈમારતનો ફોટો છાપ્યો છે, જ્યાં ઉઈગર મુસલમાનોને ‘દેશભક્ત’ અને ‘વફાદાર’ બનાવવા માટે તાલિમ આપવામાં આવી રહી છે.  અહીં રોજ અનેક કલાકોના ક્લાસ હોય છે, જ્યાં ચીનની કોમ્યુનિસ્ટ પાર્ટીને સમર્થન કરવાની શીખ અપાય છે. એટલું જ નહીં મુસલમાનોને પોતાની જ સંસ્કૃતિની ટીકા કરવા માટે પણ કહેવાય છે. રિપોર્ટ મુજબ આ તાલિમનો હેતુ મુસલમાનોમાં પોતાના જ ધર્મ પ્રત્યેની આસ્થાને ખતમ કરવા અને ચીન પ્રત્યે વફાદાર બનાવવાનો છે.

ચીનમાં લગભગ 2.3 કરોડ મુસ્લિમ વસ્તી છે. જેમાં લગભગ એક કરોડ ઉઈગર મુસ્લિમ શિનજિયાંગ પ્રાંતમાં રહે છે. ઉઈગર મુસલમાનોના વિદ્રોહી તેવરના કારણે તેમની મોટાભાગની ધાર્મિક સ્વતંત્રતા પર ચીન સરકારે અંકુશ લગાવ્યો છે. હાલમાં જ મીડિયામાં અહેવાલ આવ્યો હતો કે લગભગ 10 લાખ મુસ્લિમને પોતાના જ શહેરમાં નજરકેદ કરાયા છે.

Related posts

વૈજ્ઞાનિકોએ શોધી કાઢ્યું પ્રાણીઓથી માનવ સુધી Corona વાયરસ કેવી રીતે પહોંચ્યો, હવે રસી માટે રસ્તો આસાન

Dilip Patel

રાષ્ટ્રપતિ ડોનાલ્ડ ટ્રમ્પે WHO સાથેના સંબંધો કર્યા પૂર્ણ, યુરોપીયન સંઘ દ્વારા કરાઈ આ અપીલ

pratik shah

WHOનો ત્યાગ કરવો તે અમેરિકા માટે જોખમી છે, નિષ્ણાતોની ચેતવણી, ટ્રમ્પ સામે વિરોધ

Dilip Patel
Do NOT follow this link or you will be banned from the site!