દેવામાં ડુબેલા પાકિસ્તાન પાસે હવે કોરોનાની રસી ખરીદવા માટે પણ પૈસા નથી બચ્યા. આ વાતનો ખુલાસો ખુદ પાક.ના વડા પ્રધાન ઇમરાન ખાને કર્યો હતો. ઇમરાને કહ્યું હતું કે હાલ પાક.ની સ્થિતિ એવી છે કે તે વધુ પૈસા લોન પેટે લઇ શકે તેમ નથી.આ દેવામાંથી બહાર આવવા માટે હવે ઇસ્લામાબાદના સૌથી મોટા પાર્કને મોર્ગેજ કરવાની તૈયારી સરકાર કરી રહી છે. જેની મદદથી પાકિસ્તાન વધુ કેટલીક લોન લેવાની તૈયારી કરી રહ્યું છે.
ઇસ્લામાબાદના સૌથી મોટા પાર્કને પાકિસ્તાન ગીરવે મુકવા માટે તૈયાર
પાકિસ્તાનના અખબાર ડોનના જણાવ્યા અનુસાર એફ-9 નામના ઇસ્લામાબાદના સૌથી મોટા પાર્કને પાકિસ્તાન ગીરવે મુકવા માટે તૈયાર થઇ ગયું છે. જેના બદલામાં તેને 500 બિલિયન ડોલરની લોન મળવાની આશા છે. આટલી રકમથી પાકિસ્તાન અગાઉનું જે દેવું છે તેમાંથી બહાર નિકળવાના પ્રયાસો કરશે અને નબળા અર્થતંત્રને પાટે લાવવામાં આવશે.
759 એકરમાં ફેલાયેલુ પાર્ક પાક.નું સૌથી મોટુ ગ્રીન ઝોન
મંગળવારે વડા પ્રધાન ઇમરાન ખાનની આગેવાનીમાં એક બેઠક યોજાવા જઇ રહી છે જેમાં આ પાર્કને ગીરવી મુકવા માટેનો નિર્ણય લેવામાં આવશે. ઇસ્લામાબાદમાં આવેલા એફ-9 પાર્કને ફાતિમા જિન્નાહ નામ આપવામાં આવ્યું છે, અને તેની જમીનનો વિસ્તાર આશરે 759 એકર માનવામાં આવે છે. આ પાર્કમાં એટલી ગ્રીનરી છે કે તેને પાકિસ્તાનનો સૌથી મોટો હરિયાળી વાળો વિસ્તાર પણ માનવામાં આવે છે.
આ પાર્કને હવે ગીરવે મુકવામાં આવશે જેનો ઉપયોગ કોઇ પણ દેશ કે ઇન્ડસ્ટ્રી પોતાની મરજીથી કરી શકશે. આ નિર્ણય પાકિસ્તાનની નબળી ઇકોનોમી અને લોનના દેવામાંથી બહાર આવવા માટે લેવાયો હોવાનો પાક.ના અખબાર ડોનમાં દાવો કરાયો છે. ગત વર્ષે જ સાઉદી અરેબિયાએ પાકિસ્તાન પાસેથી 3 બિલિયન ડોલરની લોનની ઉઘરાણી કરી હતી.
Read Also
- LIVE: જિલ્લા પંચાયત, ન પાલિકા તાલુકા પંચાયતની ચૂંટણીની પરિણામોમાં કાંટાની ટક્કર
- નગર પાલિકા રિઝલ્ટ/ ભાજપે આટલી બેઠકો પર મારી બાજી, જાણો શું છે કોંગ્રેસના હાલ
- રાજકારણ/ મતગણતરી પહેલાં જ 237 બેઠકોનું આવી ગયું છે રિઝલ્ટ, કોંગ્રેસને જીવતદાનની તો ભાજપને લગાવવી છે હેટ્રિક
- જિલ્લા પંચાયત રિઝલ્ટ/ મતગણતરી શરુ, ગુજરાતના ગ્રામીણ ક્ષેત્રમાં કોની રહેશે પક્કડ, સાબરકાંઠા જિલ્લા પંચાયતમાં ભાજપ આગળ
- કંગના રાણાવતે પોતાના જન્મને લઇ કર્યો મોટો ખુલાસો, જયારે ઘરેમાં પેદા થઇ હતી બીજી છોકરી