Last Updated on November 8, 2021 by GSTV Web Desk
આપણા દેશમા હાલ હવાઈ મુસાફરી કરવી એકદમ સરળ બની છે. એરલાઇનની એક ખુબ જ ખ્યાતનામ કંપની સ્પાઇસજેટે હાલ ટિકિટ અંતર્ગત એક નવી સુવિધા શરુ કરી છે. આ સુવિધાનો લાભ લઈને તમે ટિકિટના પૈસા હપતામા પણ ચૂકવી શકો છો. કંપનીએ સોમવારના રોજ આ સુવિધા અંગેની જાહેરાત કરી હતી. આ ઓફર અનુસાર પેસેન્જર ટિકિટની રકમ 3, 6 અથવા 12 હપ્તામાં ચૂકવી શકે છે. આ સુવિધા સિવાય તેની સાથે સંકળાયેલી એક વિશેષ વાત તો એ છે કે, આ EMIના બદલામાં કોઈપણ પ્રકારનો વધારાનો ચાર્જ લેવામાં આવશે નહીં. કંપની દ્વારા મળતી માહિતી મુજબ, EMI સ્કીમનો લાભ લેવા માટે મુસાફરોએ તેમના પાન નંબર, આધાર નંબર અથવા VID જેવી જરૂરી માહિતી આપવી પડશે.
આ સિવાય આ સુવિધાનો લાભ મેળવતા પહેલા વન-ટાઇમ પાસવર્ડથી તમારુ વેરિફિકેશન થશે. ગ્રાહકોએ તેમનો UPI ID અહીં જમા કરાવવો પડશે અને તેમાંથી જ ટિકિટના મૂલ્યના નક્કી કરેલા 3,6 અથવા 12 EMI કાપવામાં આવશે. આ EMI સ્કીમનો લાભ લેવા માટે મુસાફરોએ કોઈપણ ક્રેડિટ કાર્ડ કે ડેબિટ કાર્ડની વિગતો આપવાની રહેશે નહી. વર્તમાન સમયમા સ્પાઇસજેટે જાહેરાત કરી હતી કે, તે 31 ઓક્ટોબરથી દેશભરમાં 28 નવી સ્થાનિક ફ્લાઇટ્સ શરૂ કરશે.
સ્પાઈસજેટે પોતાના એક નિવેદનમાં જણાવ્યું હતું કે, તે તેના નવા શિયાળુ કાર્યક્રમના ભાગરૂપે રાજસ્થાનના જયપુર, જેસલમેર, જોધપુર અને ઉદયપુરના પ્રવાસન સ્થળોને મુખ્ય મહાનગરો અને શહેરો સાથે જોડતી ઘણી નવી નોન-સ્ટોપ ફ્લાઈટ્સ બહાર પાડશે.તે બાગડોગરાને અમદાવાદ, કોલકાતા અને શ્રીનગર સાથે જોડશે અને બેંગ્લોર-પુણે સેક્ટરમાં બે નવી ફ્લાઇટ્સ શરૂ કરશે.
Read Also
- મોટા સમાચાર : UP ચૂંટણી પહેલાં કોંગ્રેસને લાગી શકે છે સૌથી મોટો ઝટકો, આ દિગ્ગજ નેતા જોડાઇ શકે છે ભાજપમાં
- કામની વાત/ ગીઝર અને હીટર યુઝ કર્યા બાદ પણ ઓછુ આવશે વીજળીનું બિલ, બસ કરી લો આ 2 કામ
- વિશ્વભરમાં કોરોનાનો કહેર : છેલ્લાં 24 કલાકમાં જ નવા 24.07 લાખ કેસો નોંધાયા, સમગ્ર દુનિયામાં ભારત બીજા ક્રમાંકે
- થઇ ગઇ મોટી ભવિષ્યવાણી! ભારતનો આ ધાકડ બોલર મચાવશે તરખાટ, બનાવશે 1000 ટેસ્ટ વિકેટ લેવાનો વર્લ્ડ રેકોર્ડ
- મહેશ સવાણી કાગળનો વાઘ પુરવાર થયાં, આપનું અધ:પતન નોતર્યું : પાટીલ સામે પનો ટૂંકો પડ્યો