અસમના ભાજપના નેતા દિલીપ કુમાર પોલે દાવો કર્યો છેકે, જો ભગવાન શ્રીકૃષ્ણની જેમ વાંસળી વગાડવામાં આવે તો ગાય વધારે દૂધ આપે છે. સિલચરથી બેવારનાં ધારાસભ્ય રહેલાં દિલીપ કુમાર પોલે એક કાર્યક્રમમાં આ વાત કહી છે. તેમણે દાવો કર્યો હતોકે, ભગવાન શ્રીકૃષ્ણની જેમ જ વાંસળીની વિશેષ ધૂન વગાડીને ગાયના દૂધમાં ઘણો વધારો કરી શકાય છે. તેમણે કહ્યુ હતુકે, આ વાત આધુનિક વિજ્ઞાનમાં સાબિત થઈ ચૂકી છે. પોલે કહ્યુકે, આ પ્રાચીન સમયનું વિજ્ઞાન છે અને તેને આધુનિક બનાવવામાં આવશે.
RSSના નજીક ગણાતા પોલ વર્ષ 2014માં વિધાનસભાની પેટાચૂંટણી જીતીને પહેલીવાર ધારાસભ્ય બન્યા હતા. પોલ અસમ વિધાનસભાના ડેપ્યુટી સ્પીકરના રૂપમાં પણ પસંદ કરાયા હતા. પોલ ગયા વર્ષે પણ એક નિવેદનને લઈને વિવાદમાં આવ્યા હતા. વાસ્તવમાં તત્કાલીન સાંસદ અને કોંગ્રેસ નેતા સુષ્મિતા દેવ દ્વારા નવી દિલ્હીમાં એક વિરોધ પ્રદર્શન દરમ્યાન એક શખ્સનાં ખભા ઉપર ચડી ગયા હતા. ત્યારે પોલે તેમને સિલચરનું કલંક ગણાવ્યા હતા.
READ ALSO
- આ વર્ષની સૌથી હોટ અવતારમાં નજરે પડી ટીવી સ્ટાર મૌની રોય, ઈન્ટરનેટ પર વાયરલ થયા PHOTOS
- હાર્દિક પટેલ અને અમિત શાહ બન્ને આ કાર્યક્રમમાં જોવા મળશે, પોલીસનો ચુસ્ત બંધોબસ્ત
- સુરત બાદ અમદાવાદના યુવાનોને તલવાર વડે કેક કાપવાનો પાનો ચઢ્યો, પોલીસ આવી હરકતમાં
- મોદી સરકાર આ તારીખે જાહેર કરી શકે છે સામાન્ય બજેટ, ઇન્કમટેક્સમાં થશે મોટી જાહેરાત
- ધરમપુર વિસ્તારમાં બીજીવાર ભૂકંપના આંચકા અનુભવાતા લોકોમાં ભયનો માહોલ