GSTV

એક પણ વિદ્યાર્થીનું મોત થશે તો અમે 1 કરોડ રૂપિયાનું વળતર ચૂકવવાનો આદેશ કરીશું, આ રાજ્ય સરકાર પર સુપ્રીમ બગડી

સુપ્રીમ

Last Updated on June 25, 2021 by Bansari

સુપ્રીમ કોર્ટે આંધ્ર પ્રદેશ સરકારના ધો.12ની પરીક્ષા આયોજિત કરવાના નિર્ણય સામે અનેક પ્રશ્રો ઉઠાવ્યા છે. કોર્ટે ફાઇલ નોટિંગ દાખલ કરવાના નિર્દેશ આપ્યા છે. કોર્ટે પૂછ્યુ હતું કે રાજ્ય સરકાર બતાવે કે કોણે આ નિર્ણય લીધો છે. શું આ નિર્ણય લેતા મહામારીની સમગ્ર સ્થિતિની સમીક્ષા કરવામાં આવી છે?

જો પરીક્ષા યોજવાને કારણે એક પણ વિદ્યાર્થીનું મોત થશે તો અમે 1 કરોડ રૂપિયાનું વળતર ચૂકવવાનો આદેશ આપી શકીએ છીએ. દેશના અન્ય રાજ્યોમાં પરીક્ષા રદ કરવામાં આવી છે ત્યારે આંધ્ર પ્રદેશ પરીક્ષા લઇને શા માટે અલગ દેખાવવાનો પ્રયત્ન કરી રહ્યું છે.

વિદ્યાર્થીઓ માટે 34,000 રૂમ કેવી રીતે ઉપલબ્ધ કરાવવામાં આવશે?

કોર્ટે રાજ્ય સરકારને પ્રશ્ર પૂછ્યો કે 5.20 લાખ વિદ્યાર્થીઓ માટે લગભગ 34,000 રૂમ કેવી રીતે ઉપલબ્ધ કરાવવામાં આવશે? સરકારે જણાવ્યું છે કે એક રૂમમાં 15 થી 18 વિદ્યાર્થીઓને બેસાડવામાં આવશે. હવે આ કેસની વધુ સુનાવણી શુક્રવારે થશે.

સુપ્રીમ કોર્ટે કોરોના વાઇરસના નવા વેરિએન્ટ ડેલ્ટા પ્લસનો પણ સંદર્ભ આપ્યો હતો. મહારાષ્ટ્ર, કેરળ અને મધ્ય પ્રદેશમાં નવા વેરિઅન્ટ ડેલ્ટા પ્લસના કેસો સામે આવ્યા છે. સુપ્રીમ કોર્ટે વધુમાં આંધ્ર પ્રદેશ સરકારને પૂછ્યું છે કે પરીક્ષા દરમિયાન પરીક્ષા હોલમાં વિદ્યાર્થીઓ ઉપરાંત સુપરવાઇઝર પણ હશે તો તે તમામનું કઇ રીતે ધ્યાન રાખવામાં આવશે.

સુપ્રીમ

સુપ્રીમ કોર્ટે એક સમાન નીતિ માટે દાખલ અરજી અંગે કોઇ પણ નિર્દેશ જારી કરવાનો ઇનકાર કરી દીધો

તમામ માટે પ્રકાશ અને વેન્ટિલેશનની વ્યવસ્થા કઇ રીતે કરવામાં આવશે? ફક્ત એમ કહેવાથી નહીં ચાલે કે અમે પરીક્ષા લઇ રહ્યાં છે. પરીક્ષા લેવા માટેની તૈયારીઓ પણ કરવી પડશે. આ દરમિયાન સુપ્રીમ કોર્ટે તમામ રાજ્યોના બોર્ડની પરીક્ષા યુનિફોર્મ કરવાની માગ ફગાવી દીધી હતી.

સુપ્રીમ કોર્ટે એક સમાન નીતિ માટે દાખલ અરજી અંગે કોઇ પણ નિર્દેશ જારી કરવાનો ઇનકાર કરી દીધો છે. કોર્ટે જણાવ્યું હતું કે રાજ્ય અને તેમના બોર્ડ પોતાની નીતિ ઘડવા સ્વતંત્ર અને સ્વાયત્ત છે. તેથી અમે તેમના અિધકાર ક્ષેત્રમાં દખલ નહીં કરીશું. સુપ્રીમ કોર્ટે જણાવ્યું હતું કે અમે કોઇ એવો આદેશ જારી કરવાના નથી જેથી રાજ્ય બોર્ડની સ્વતંત્રતા છીનવાઇ જાય.

Read Also

Related posts

UP Assembly Election: પરફોર્મન્સ રિપોર્ટ સારો હશે તો જ લડી શકાશે ચૂંટણી, 35 ટકા ધારાસભ્યોની ટિકિટ કાપી શકે છે ભાજપ

Vishvesh Dave

કોરોના મહામારી / શહેરી અને ગ્રામ્ય બેરોજગારી દરમાં થયો વધારો, ત્રીજી લહેરની આશંકાએ લોકોમાં વધ્યો ડર

Zainul Ansari

ઉદારીકરણના 30 વર્ષ / તત્કાલિન નાણા પ્રધાન મનમોહન સિંહ સામે હતા ઘણા પ્રકારો, જાણો 1991 પછીથી કેવી રીતે બદલાઇ ગયું ભારતનું અર્થતંત્ર

Zainul Ansari
Do NOT follow this link or you will be banned from the site!