હૈદરાબાદ ગેંગરેપ અને મર્ડર કેસમાં આરોપીઓને ઠાર કરવામાં આવ્યા છે. ગૃહ મંત્રાલયના સૂત્રોના જણાવ્યા મુજબ પોલીસને રાષ્ટ્રીય માનવાધિકાર આયોગને પોતાનો રિપોર્ટ આપવો પડશે. ગાઈડલાઈન મુજબ, કસ્ટડીમાં મોતના મામલે પોલીસ ગૃહ મંત્રાલયની મદદથી માનવાધિકાર આયોગને સમગ્ર ઘટનાક્રમ અંગે માહિતગાર કરશે. ત્યારે ગૃહ મંત્રાલયની સતત નજર આ ઘટનાક્રમ પર છે અને તમામ અપડેટની જાણકારી લેવામાં આવી રહી છે.
કસ્ટડીમાં મોતના મામલે પહેલાંથી જ નિશ્ચિત ગાઈડલાઈન છે. તે અંતર્ગત રાજ્યને પૂરી ઘટનાની માહિતી રાષ્ટ્રીય માનવાધિકાર આયોગને આપવી પડશે. આ વચ્ચે ઘટનાસ્થળ પર ફોરેન્સિક ટીમ પહોંચી ગી છે અને ત્યાં તપાસ કરી રહી છે. ફોરેન્સિક ટીમમાં ગાંધી હોસ્પિટલના પાંચ વિશેષજ્ઞ સામેલ છે. ઘટનાસ્થળની તસવીરથી ખ્યાલ આવે છે કે આરોપીઓના મૃતદેહ એક બીજાથી 20થી 30 ફુટ દૂર છે. ઘટનાસ્થળ પર પંચનામા પછી ડેડબોડીને મહબૂબનગર જિલ્લા હોસ્પિટલ લાવવામાં આવશે જ્યાં પોસ્ટમોર્ટમ થશે.
હૈદરાબાદ એન્કાઉન્ટર પર કોંગ્રેસના સાંસદ હુસૈન દલવઈએ પણ સવાલ ઉઠાવ્યાં છે. તેઓએ આ એન્કાઉન્ટરને ખોટું ગણાવ્યું છે તેમજ તેનું સમર્થન ન થઈ શકે તેમ જણાવ્યું છે. હુસૈન દલવઈએ કહ્યું કે પોલીસ કાયદાને પોતાના હાથમાં લઈ, કાયદાકીય પ્રક્રિયાને અવગણી રહી છે.
સાથે જ દલવઈએ આ મામલે તપાસની માગ કરી છે. દલવઈએ વધુમાં કહ્યું કે કેટલાંક લોકો મુસલમાનો અને દલિતના લિચિંગનું સમર્થન કરે છે, કાયદા મુજબ જ તેને સજા મળવી જોઈતી હતી. સાથે જ તેઓએ એન્કાઉન્ટર માટે જવાબદાર પોલીસને સજા મળવી જોઈએ તેવી પણ માગ કરી છે.
READ ALSO
- ગુજરાત હાઇકોર્ટે દેશના ચૂંટણી પંચ અને મુખ્ય ચૂંટણી અધિકારીને નોટીસ કરી ઈશ્યુ, આ છે સમગ્ર મામલો
- સાવધાન! ખાંસતા દર્દી કરતાં પણ ખતરનાક છે આવા દર્દીઓ, મોટી સંખ્યામાં લોકોને બનાવી શકે છે કોરોના સંક્રમિત
- જંગલમાં કોની ચાલે?: સિંહણની ત્રાડ સાંભળી ડરી ગયા વનરાજ, વિડીયો થયો વાયરલ
- સૌરાષ્ટ્રના ભાદર- 01 ડેમમાં આવ્યા નવા નીર, સિઝનના 7.5 ફૂટ નવા પાણીની આવક
- બોસે પીએફના પૈસા આપવામાં સમય લીધો, કર્મચારીએ બોસના નામે અશ્લિલ સામગ્રી ઓર્ડર કરી ડેટિંગ સાઈડ પર નાંખી દીધો નંબર