GSTV
India News Trending

હરિદ્વારનાં ડીએમનો આદેશ, શિક્ષકોને કલાસરૂમમાં મોબાઈલ લઈ જવા પર પ્રતિબંધ

ઉત્તરાખંડના હરિદ્વાર જિલ્લા પ્રશાસને એક પરિપત્ર જારી કરીને શાળાના શિક્ષકોને ક્લાસરૂમ મોબાઈલ ફોન લઈ જવા પર પ્રતિબંધ મૂક્યો છે. જિલ્લા મેજિસ્ટ્રેટ વિનય શંકર પાંડેએ શિક્ષકોને વર્ગખંડમાં મોબાઈલ ફોનનો ઉપયોગ કરવા બદલ “કડક શિસ્તના પગલાં” લેવાની ચેતવણી પણ આપી છે. શંકર પાંડેએ જણાવ્યું છે કે, આ આદેશ જિલ્લાની તમામ સરકારી અને ખાનગી શૈક્ષણિક સંસ્થાઓને લાગુ પડશે. આદેશ મુજબ, શિક્ષકોએ વર્ગોમાં પ્રવેશતા પહેલા તેમના ફોન આચાર્યના રૂમમાં જમા કરાવવાના રહેશે. તેઓએ વધુમાં જણાવ્યું હતું કે, “અમે ઘણા સમયથી જોઈ રહ્યા છીએ કે ‘શિક્ષકો વર્ગોમાં પણ તેમના મોબાઈલ ફોનમાં વ્યસ્ત હતાં.’

આ આદેશ વિશે વધુમાં તેઓએ કહ્યું કે,‘ તેમને  ઘણા સમયથી વિદ્યાર્થીઓના વાલીઓ તરફથી ફરિયાદો મળી રહી છે. અમે ફરિયાદોની ચકાસણી માટે અમારા મેજિસ્ટ્રેટને મોકલ્યા છે. અને અમે આદેશ જારી કર્યો છે કે શિક્ષકો તેમના મોબાઈલ ફોન શાળાઓમાં લઈ જઈ શકે છે પરંતુ તેઓએ તેને આચાર્યના રૂમમાં જમા કરાવવાના રહેશે. તેઓ તેમના મોબાઈલ ફોન વિના વર્ગમાં પ્રવેશ કરશે.’

ડીએમએ કહ્યું કે, શિક્ષકના પરિવારમાં કોઈ મેડિકલ ઈમરજન્સીના કિસ્સામાં છૂટ આપી શકાય છે. તેમણે વધુમાં કહ્યું, “ પરિપત્રનો અમલ કરાવવાની જવાબદારી શાળાનાં આચાર્યની રહેશે. જો કે, કોઈ શિક્ષકનાં કુટુંબમાં તબીબી કટોકટી જેવી વિશેષ પરિસ્થિતિઓમાં, શિક્ષક આચાર્ય પાસેથી પરવાનગી લઈ શકે છે તેઓ મોબાઈન પોતાની પાસે  રાખી શકે છે. તેમણે કહ્યું કે અમારા ઓચિંતા નિરીક્ષણમાં જો કોઈ શિક્ષક વર્ગખંડની અંદર મોબાઈલ ફોન કે ફોન રાખતો જણાશે તો તેની સામે કડક શિસ્તભંગના પગલાં લેવામાં આવશે અને તેની જવાબદારી પણ આચાર્યએ લેવાની રહેશે. આ આદેશનો અમલ જિલ્લાની તમામ શૈક્ષણિક સંસ્થાઓમાં કરવામાં આવશે.

READ ALSO

Related posts

પંજાબ / મુખ્યમંત્રી માન સહિત એક મંત્રી પર માનહાનિનો કેસ, જાણો શું છે સમગ્ર મામલો

Hardik Hingu

રાજસ્થાન / ગેહલોત-પાયલોટના ઘમાસાણ વચ્ચે પીએમ મોદીએ મોડા પડવા બદલ માફી માંગી, ‘હું ફરી આવીશ’

Hardik Hingu

BIG BREAKING / કાનપુરમાં શ્રદ્ધાળુઓથી ભરેલી ટ્રેક્ટર-ટ્રોલી તળાવમાં પલટી મારતા 25ના મોત, CMએ ટ્વિટ કરી દુ:ખ વ્યક્ત કર્યું

Hardik Hingu
GSTV