GSTV
Finance Trending

ઇમરજન્સી ફંડ જરૂરિયાતના સમયે બની શકે છે મોટી મદદ! જાણો કેવી રીતે ભંડોળનો ઉપયોગ કરવો

કોરોના મહામારીએ સમગ્ર વિશ્વને શીખવ્યું છે કે દરેક વ્યક્તિએ પોતાના માટે ઈમરજન્સી ફંડ બનાવવું જોઈએ. કોઈપણ મુશ્કેલ અથવા પડકારજનક સમયનો સામનો કરવા માટે આ ફંડ તમારા માટે સૌથી અસરકારક સાબિત થઈ શકે છે.

સરળ શબ્દોમાં કહીએ તો ઇમરજન્સી કોર્પસ એ રોકડ અનામત જેવું છે, જે કોઈપણ અચાનક ખર્ચ અથવા નાણાકીય કટોકટીનો સામનો કરવા માટે તમારી અન્ય બચતથી અલગ રાખવામાં આવે છે. જો કોઈ કારણોસર તમે તમારી નોકરી ગુમાવો છો અથવા આવકના અન્ય સ્ત્રોત બંધ થઈ જાય છે, તો તેના માટે ફક્ત ઈમરજન્સી ફંડ જ ઉપયોગી સાબિત થઈ શકે છે. 2020માં કોરોના મહામારી દરમિયાન પણ હજારો લોકોની નોકરીઓ છીનવાઈ ગઈ હતી. આવી સ્થિતિમાં જે લોકો પાસે ઈમરજન્સી ફંડ હતું, તેઓ આ પરિસ્થિતિ સરળતાથી બહાર નીકળી ગયા.

કેટલું ફંડ બનાવવું

ઈમરજન્સી ફંડ બનાવવા માટે કોઈ નિશ્ચિત નિયમ નથી, પરંતુ આદર્શ પરિસ્થિતિ એવી હોવી જોઈએ કે કોઈપણ વ્યક્તિનું ઈમરજન્સી ફંડ તેના માસિક ખર્ચના 6 થી 12 મહિના જેટલું હોવું જોઈએ. આમાં સૌથી મહત્વની વાત એ છે કે તમારું ઈમરજન્સી ફંડ એવા માધ્યમમાં જમા કરાવવું જોઈએ જ્યાંથી તમે ઈચ્છો ત્યારે પૈસા ઉપાડી શકો. જેમ કે સેવિંગ્સ એકાઉન્ટ અથવા મ્યુચ્યુઅલ ફંડ.

ઈમરજન્સી ફંડને સ્ટોક કે બોન્ડમાં ન રાખો

ઈમરજન્સી ફંડ ક્યારેય સ્ટોક કે બોન્ડમાં રાખવું જોઈએ નહીં, કારણ કે ઈમરજન્સી ફંડનો ઉપયોગ મોટાભાગે મંદીના સમયમાં થાય છે અને આ સમય દરમિયાન સ્ટોક અને બોન્ડ નીચા ભાવે ટ્રેડ થઈ શકે છે, જેના કારણે તમારે તમારા કોર્પસને નીચલા સ્તરે વેચવાની જરૂર પડશે. આ પગલું તમારા કોર્પસનું મૂલ્ય ઘટાડશે, જે તમારા ખર્ચને આવરી લેવા માટે પૂરતું નહીં હોય.

ઈમરજન્સી ફંડ કેવી રીતે બનાવવું

નિષ્ણાતો કહે છે કે કોઈપણ વ્યક્તિ જ્યારે રોકાણની રકમ ઉપાડે છે ત્યારે તેનો ખર્ચ નક્કી કરવો જોઈએ. તેવી જ રીતે જો તમે તમારી નાણાકીય વ્યવસ્થા સારી રીતે કરવા માંગતા હોવ તો આ ડિફોલ્ટ સમીકરણ હોવું જોઈએ. જેમ તમે તમારી આવકની ટકાવારી શેરો અથવા બોન્ડમાં રોકાણ માટે રાખો છો, તે જ રીતે, તમે તમારા ઈમરજન્સી ફંડ માટે દર મહિને એક નિશ્ચિત રકમ પણ ફાળવી શકો છો.

READ ALSO

Related posts

શું આમિર ખાન સાથે કામ કરવા જઈ રહી છે ભોજપુરી અભિનેત્રી અક્ષરા સિંહ? સામે આવી તસવીર

GSTV Web Desk

ઘરના મુખ્ય દ્વાર સાથે જોડાયેલ છે તમારા ધનનું કનેક્શન, લગાવો આ 5 વસ્તુ તો ઘર રહેશે સમૃદ્ધ

Hemal Vegda

સપના ચૌધરી 3 કલાકના એક શોની ફી જાણીને લાગશે તગડો ઝટકો, હરિયાણવી ડાન્સર એક એક ઠૂમકાના વસૂલે છે લાખો રૂપિયા

HARSHAD PATEL
GSTV